ହାଇଦ୍ରାବାଦ: ବଲିଉଡ ଅଭିନେତ୍ରୀ କଙ୍ଗନା ରାଣାୱତ ଆଗାମୀ ଫିଲ୍ମ ଚନ୍ଦ୍ରମୁଖୀ-2କୁ ନେଇ ଶିରୋନାମାରେ ରହିଛନ୍ତି । ନିକଟରେ ଫିଲ୍ମରୁ କଙ୍ଗନାଙ୍କ ପ୍ରଥମ ଲୁକ୍ ରିଲିଜ ହୋଇଥିଲା । ଯେଉଁଥିରେ କଙ୍ଗନା ରାଣୀ ଲୁକ୍ରେ ନଜର ଆସିଥିଲେ । ଯାହାକୁ ଫ୍ୟାନ୍ସ ବେଶ ପସନ୍ଦ କରିଥିଲେ । ଏହାରି ମଧ୍ୟରେ ବର୍ତ୍ତମାନ ନିର୍ମାତା ଚଳଚ୍ଚିତ୍ରର ପ୍ରଥମ ଗୀତ ସ୍ବାଗତାଞ୍ଜଳି ରିଲିଜ କରିଛନ୍ତି। ସୋସିଆଲ ମିଡିଆରେ ଏହି ଗୀତ ରିଲିଜ ହେବା ମାତ୍ରେ ଫ୍ୟାନ୍ସ ଫିଲ୍ମକୁ ନେଇ ବେଶ ଉତ୍ସାହିତ ଥିବା ଜଣାପଡିଛି ।
- " class="align-text-top noRightClick twitterSection" data="">
ଇନଷ୍ଟାଗ୍ରାମରେ ଲାଇକା ପ୍ରଡକ୍ସନ୍ସ ଏହି ଗୀତଟିକୁ ସେୟାର କରିଛି। କ୍ୟାପସନରେ ଲେଖିଛି,"ସମସ୍ତଙ୍କୁ ସ୍ବାଗତାଞ୍ଜଳି ! ଚନ୍ଦ୍ରମୁଖୀ-2ର ପ୍ରଥମ ସିଙ୍ଗଲ୍ ରିଲିଜ୍ ହୋଇଛି । ଏହି ଗୀତରେ ବଲିଉଡ୍ କୁଇନ୍ କଙ୍ଗନା ଏକ ଶାଢୀ ସହ ଭାରୀ ଅଳଙ୍କାର ସହ ଡ୍ୟାନ୍ସ କରୁଥିବା ଦେଖିବାକୁ ମିଳିଛି । ଏହି ଗୀତଟିକୁ ଏମ କେରେଭାନୀ ରଚନା କରିଥିବା ବେଳେ ଚୈତନ୍ୟ ପ୍ରସାଦଙ୍କ ଦ୍ୱାରା ଲିଖିତ ଗୀତଟି ଶ୍ରୀନିଧୀ ତିରୁମଲା ଗାଇଛନ୍ତି । ରିଲିଜ୍ ହୋଇଥିବା ଗୀତଟି ହେଉଛି ଏକ ଲିରିକାଲ୍ ଭିଡିଓ ଯାହାକି କଙ୍ଗନାଙ୍କ ନୃତ୍ୟ ଦକ୍ଷତାକୁ ଦର୍ଶାଉଛି ।
ପି ବାସୁଙ୍କ ନିର୍ଦ୍ଦେଶିତ ତଥା ରଜନୀକାନ୍ତ ଏବଂ ଜ୍ୟୋତିକାଙ୍କ ଅଭିନୀତ ସଫଳ ତାମିଲ ହରର୍ କମେଡି ଚଳଚ୍ଚିତ୍ର ଚନ୍ଦ୍ରମୁଖୀର ସିକ୍ୱେଲ ହେଉଛି ଚନ୍ଦ୍ରମୁଖୀ-୨ । ପ୍ରଥମ ଭାଗ ପରି ଦ୍ବିତୀୟ ଭାଗକୁ ମଧ୍ୟ ପି ବାସୁ ନିର୍ଦ୍ଦେଶନା ଦେଇଛନ୍ତି । ଚନ୍ଦ୍ରମୁଖୀ-୨ ହେଉଛି କଙ୍ଗନାଙ୍କ ଅଭିନୀତ ଏକ ସ୍ୱତନ୍ତ୍ର ଚଳଚ୍ଚିତ୍ର । ଏହି ଚଳଚ୍ଚିତ୍ରରେ କଙ୍ଗନାଙ୍କ ସହ ତାମିଲ ଅଭିନେତା ରାଘଭ ଲରେନ୍ସ ନଜର ଆସିବେ । ଚଳିତ ବର୍ଷ ଗଣେଶ ଚତୁର୍ଥୀ ଅର୍ଥାତ୍ ସେପ୍ଟେମ୍ବର 19 ଏହି ଚଳଚ୍ଚିତ୍ର ତାମିଲ, ତେଲୁଗୁ, ହିନ୍ଦୀ, ମାଲାୟାଲମ୍ ଏବଂ କନ୍ନଡ଼ରେ ସିନେମାହଲ୍ରେ ମୁକ୍ତିଲାଭ କରିବ ।
ଏହା ମଧ୍ୟ ପଢନ୍ତୁ: ରାଣୀ ବେଶରେ କଙ୍ଗନା ରଣାୱତ, ଫିଦା ହେଲେ ଫ୍ୟାନ୍ସ
ଚନ୍ଦ୍ରମୁଖୀ 2 ବ୍ୟତୀତ କଙ୍ଗନା ତେଜସରେ ବାୟୁସେନା ପାଇଲଟ୍ ଭାବରେ ନଜର ଆସିବେ । ଏହି କାହାଣୀ ବାୟୁସେନା ପାଇଲଟ ତେଜସ ଗିଲଙ୍କ ଜୀବନ କାହାଣୀ ଉପରେ ଆଧାରିତ । ସର୍ଭେସ ମେୱାରାଙ୍କ ଦ୍ୱାରା ଲିଖିତ ତଥା ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଅକ୍ଟୋବର 20ରେ ପ୍ରେକ୍ଷାଳୟରେ ରିଲିଜ ହେବ । ଏହା ବ୍ୟତୀତ କଙ୍ଗନାଙ୍କୁ ଐତିହାସିକ ଡ୍ରାମା ଏମରଜେନ୍ସିରେ ଦେଖିବାକୁ ମିଳିବ, ଯେଉଁଥିରେ ସେ ସ୍ୱର୍ଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଭୂମିକାରେ ଅଭିନୟ କରିବେ । ଏହି ଚଳଚ୍ଚିତ୍ରରେ ଅନୁପମ ଖେର, ମହିମା ଚୌଧୁରୀ, ବିଶାକ୍ ନାୟର ଏବଂ ଶ୍ରେୟସ୍ ତାଲପଡେ ମଧ୍ୟ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିବେ ।
