ମୁମ୍ବାଇ: ପ୍ରତିବର୍ଷ ପରି ଏଥର ମଧ୍ୟ କାଜଲ ପରିବାର ସହିତ ମିଶି ଦୁର୍ଗା ପୂଜାକୁ ଅତି ଧୁମ୍ଧାମ୍ରେ ପାଳନ କରୁଛନ୍ତି । ଉତ୍ତର ମୁମ୍ବାଇର ସାର୍ବଜନୀନ ଦୁର୍ଗା ପୂଜା ପେଣ୍ଡାଲରେ ଆୟୋଜିତ ଏହି କାର୍ଯ୍ୟକ୍ରମର ଏକ ଅଂଶ ମଧ୍ୟ କାଜଲ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ଭିଡିଓରେ ଅଜୟ ଦେବଗନଙ୍କ ପତ୍ନୀ ତଥା ଅଭିନେତ୍ରୀ କାଜଲ ତାଙ୍କ ଛୋଟ ସିଙ୍ଘମ୍ ଅର୍ଥାତ୍ ପୁଅ ୟୁଗ୍ ସହିତ ସମସ୍ତଙ୍କୁ ଖାଇବାକୁ ଦେଉଥିବାର ନଜର ଆସିଛନ୍ତି । ଏହା ଏମିତି ଏକ ଘଟଣା ଯେଉଁଠାରେ ଏହି ସେଲିବ୍ରିଟି ସାଧାରଣ ଲୋକଙ୍କ ମଧ୍ୟରେ ସାଧାରଣ ଲୋକଙ୍କ ପରି ଏହି ପର୍ବର ଏକ ଅଂଶ ହୋଇ ଏହାକୁ ଏକତ୍ର ପାଳନ କରନ୍ତି ।
- " class="align-text-top noRightClick twitterSection" data="
">
ଦୁର୍ଗା ପୂଜା ପେଣ୍ଡାଲର ଏହି ଭିଡିଓରେ କାଜଲଙ୍କ ହାତରେ ଖାଇବା ଧରିଛନ୍ତି, ଯେଉଁଥିରୁ ତାଙ୍କ ପୁଅ ପ୍ରସାଦ ବାହାର କରି ସମସ୍ତଙ୍କ ଥାଳିରେ ଦେଉଥିବା ଦେଖାଯାଉଛି । ଏହି ଭିଡିଓ ସେୟାର କରି କାଜୋଲ ଲେଖିଛନ୍ତି ଯେ, ଏହି ମୁହୂର୍ତ୍ତ ଦେଖି ସେ ବହୁତ ଗର୍ବିତ। ଭିଡିଓରେ କାଜଲ ଏକ ପାରମ୍ପାରିକ ଗୋଲାପୀ ରଙ୍ଗର ଶାଢୀରେ ଏବଂ ପୁଅ ଯୁଗ ମଧ୍ୟ ଗୋଲାପୀ କୁର୍ତ୍ତାରେ ନଜର ଆସିଛନ୍ତି। ଏହି ଭିଡିଓ ସେୟାର କରି କାଜୋଲ ଲେଖିଛନ୍ତି ଯେ, ପରମ୍ପରା ଅଗ୍ରଗତି କରୁଛି। ଏହି ଅବସରରେ କାଜଲଙ୍କ ପୁରା ପରିବାର ଉପସ୍ଥିତ ଥିଲେ। କାଜଲଙ୍କ ବ୍ୟତୀତ ରାଣୀ ମୁଖାର୍ଜୀ, ତନୁଜା, ତନିଶା ମୁଖାର୍ଜୀ ସମସ୍ତେ ମାଆଙ୍କୁ ଦେଖିବାକୁ ଆସିଥିଲେ।
କାଜଲଙ୍କ ସମ୍ପର୍କୀୟ ଭାଇ-ଭଉଣୀ ରାନୀ ମୁଖାର୍ଜୀ ଏବଂ ଆୟାନ ମୁଖାର୍ଜୀଙ୍କୁ ମଧ୍ୟ ବର୍ଷର ସବୁଠାରୁ ବଡ ପର୍ବ ପାଳନ କରୁଥିବା ଦେଖିବାକୁ ମିଳିଥିଲା । ଭିଡିଓରେ ଭାଇ ଅୟାନ ମୁଖାର୍ଜୀଙ୍କ ସହ କାଜୋଲ ନଜର ଆସିଛନ୍ତି ।
ୱାର୍କ ଫ୍ରଣ୍ଟ ବିଷୟରେ କହିବା ତ, ଖୁବ ଶୀଘ୍ର କାଜଲ ୱେବ୍ ସିରିଜ୍ 'ଦି ଗୁଡ୍ ୱାଇଫ୍-ପ୍ୟାର୍', 'କାନୁନ୍', 'ଧୋକା'ରେ ନଜର ଆସିବେ ଏବଂ ୱେବ୍ ସିରିଜ୍ ଦୁନିଆରେ ଡେବ୍ୟୁ କରିବେ । ଏହା ଡିଜନି ହଟଷ୍ଟାରରେ ଷ୍ଟ୍ରିମ୍ ହେବ ।
