ହାଇଦ୍ରାବାଦ: ବଲିଉଡରେ ଗୋଟିଏ ପରେ ଗୋଟିଏ ସେଲିବ୍ରିଟି ଖୁସି ଖବର ଦେଉଛନ୍ତି । ଚଳିତ ବର୍ଷ ଦକ୍ଷିଣ ଅଭିନେତ୍ରୀ କାଜଲ ଅଗ୍ରୱାଲଙ୍କଠୁ ନେଇ କମେଡି କ୍ୱିନ୍ ଭାରତୀ ସିଂ, ସୋନମ୍ କପୁରଙ୍କ ସମେତ ଅନେକ ଅଭିନେତ୍ରୀ ମାଆ ହୋଇଛନ୍ତି । ନିକଟରେ ଆଲିଆ ଭଟ୍ଟ ଏବଂ ବିପାଶା ବସୁ ଗର୍ଭବତୀ ହେବା ନେଇ ପ୍ରଶଂସକଙ୍କୁ ଖୁସି ଖବର ଦେଇଥିଲେ । ବର୍ତ୍ତମାନ ଚଳଚ୍ଚିତ୍ର ନିର୍ମାତା ତଥା ଅଭିନେତା ଫରହାନ ଅଖତରଙ୍କ ଘରେ ଶୁଣିବାକୁ ମିଳିବ କୁଆଁ କୁଆଁ ଡାକ । ଖୁବ୍ ଶୀଘ୍ର ବାପାମାଆ ହେବାକୁ ଯାଉଛନ୍ତି ଫରହାନ ଅଖତର ଏବଂ ଶିବାନୀ ଦାଣ୍ଡେକର (Farhan Akhtar and Shibani Dandekar)।
- " class="align-text-top noRightClick twitterSection" data="
">
ଫରହାନ ଅଖତର ପତ୍ନୀ ଶିବାନୀ ଦାଣ୍ଡେକରଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି, ଯେଉଁଥିରେ ଫରହାନ ଏକ ସୋଫାରେ କାଜୁଆଲ୍ ଲୁକରେ ବସିଛନ୍ତି ଏବଂ ତାଙ୍କ ପଛରେ ତାଙ୍କ ପତ୍ନୀ ଶିବାନୀ କାନ୍ଧରେ ହାତ ରଖି ଠିଆ ହୋଇଛନ୍ତି । ଏହି ଫଟୋ ସେୟାର କରି ଫରହାନ ଖାନ ଲେଖିଛନ୍ତି, 'ଆମେ କେବଳ ତିନି' (Just the three of us .. #nirvana @shibanidandekarakhtar)।
ବର୍ତ୍ତମାନ ଏହି ଫଟୋ ସୋସିଆଲ ମିଡିଆରେ ଭାଇରାଲ ମାତ୍ରେ ୟୁଜର୍ସ ଅନୁମାନ କରିବାକୁ ଲାଗିଲେଣି ଯେ ଫରହାନ ଅଖତର ଜଣେ ବାପା ହେବାକୁ ଯାଉଛନ୍ତି । ଜଣେ ୟୁଜର ଏହି ଫଟୋ ଦେଖି ଫରହାନଙ୍କୁ ପଚାରିଛନ୍ତି, ଆମେ ଏହାକୁ ଗର୍ଭଧାରଣର ଘୋଷଣା ଭାବରେ ବିଚାର କରିବା ଉଚିତ କି ? ଅନେକ ୟୁଜର୍ସ ଅଭିନେତାଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି ।
କାମ ବିଷୟରେ କହିବା ତ, ଫରହାନ ଶାହାରୁଖ ଖାନଙ୍କ ସହ 'ଡନ୍' ଏବଂ 'ଡନ୍ 2' ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଏବଂ ବର୍ତ୍ତମାନ ପ୍ରଶଂସକମାନେ ଫିଲ୍ମର ତୃତୀୟ ଭାଗକୁ ଦୀର୍ଘ ସମୟ ଧରି ଅପେକ୍ଷା କରିଛନ୍ତି । ଫରହାନ ଚଳିତ ବର୍ଷ ଗର୍ଲଫ୍ରେଣ୍ଡ ଶିବାନୀ ଦାଣ୍ଡେକରଙ୍କୁ ବିବାହ କରିଥିଲେ । ବହୁ ବଲିଉଡ ସେଲିବ୍ରିଟି ଏହି ଦମ୍ପତିଙ୍କ ବିବାହରେ ଯୋଗ ଦେଇଥିଲେ।
