ହାଇଦ୍ରାବାଦ: ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରହିଟ୍ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ଏବେ ନିଜ ଜୀବନକୁ ବେଶ ଉପଭୋଗ କରୁଛନ୍ତି । ନିକଟରେ ସାମନ୍ଥା ଫିଲ୍ମ ଇଣ୍ଡଷ୍ଟ୍ରିରୁ ବିରତି ନେଇଛନ୍ତି । ନିଜ ଜୀବନକୁ ମନଭରି ଉପଭୋଗ କରୁଛନ୍ତି । ସାମନ୍ତା ବାଲିରେ ନିଜ ଛୁଟିଦିନ ବିତାଉ ଥିବା ଫଟୋ ସୋସିଆଲ ମିଡିଆରେ ଦେଖିବାକୁ ମିଳୁଛି । ପ୍ରତିଦିନ ସେଠାରୁ ଫଟୋ ସେୟାର କରି ନିଜ ଅନୁଭୂତି ଫ୍ୟାନ୍ସଙ୍କ ସେୟାର କରୁଛନ୍ତି । ପୁଣିଥରେ ଅଭିନେତ୍ରୀ ବାଲିର ଫଟୋ ସେୟାର କରିଛନ୍ତି । ଏହି ପଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି।
ସିଟାଡେଲ ଏବଂ ଖୁସିର ସୁଟିଂ ଶେଷ କରିବା ପରେ ସାମନ୍ଥା ଅଭିନୟରୁ ବିରତି ନେଇ ବାଲି (ଇଣ୍ଡୋନେସିଆ)ରେ ତାଙ୍କ ବନ୍ଧୁଙ୍କ ସହ ଛୁଟି କାଟୁଛନ୍ତି । ସାମନ୍ଥା ସେଠାରୁ ଗୋଟିଏ ପରେ ଗୋଟିଏ ପୋଷ୍ଟ ସେୟାର କରୁଛନ୍ତି । ସାମନ୍ଥା ବର୍ତ୍ତମାନ କିଛି ଫଟୋ ସେୟାର କରିଛନ୍ତି । ଯେଉଁଥିରେ ସେ ସେ ଜୀବନକୁ କେତେ ଉପଭୋଗ କରୁଛନ୍ତି । ତାହା ଦେଖିବାକୁ ମିଳିଛି । ଏହି ଫଟୋ ସେୟାର କରି ଅଭିନେତ୍ରୀ ଟିକି ଜୀବନ ବଞ୍ଚିବାକୁ କହିଛନ୍ତି । ଏହି ଫଟୋରେ ସାମନ୍ଥା ସମୁଦ୍ର କୂଳର ଲୁପ୍ତ ଉଠାଇବା ସହ ସ୍ୱାଦିଷ୍ଟ ଖାଦ୍ୟର ମଜା ନେଇ ଗୀତ ଶୁଣୁଥିବାର ଦେଖିବାକୁ ମିଳିଛି । ଏହି ପଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ବେଶ ପସନ୍ଦ କରିବା ସହ ପ୍ରତିକ୍ରିୟାରେ ଲାଲ୍ ହାର୍ଟ ଇମୋଜି ସେୟାର କରିଛନ୍ତି ।
ଏହାପୂର୍ବରୁ ସାମନ୍ଥା ଉଲୁୱତୁ ମନ୍ଦିର (ବାଲି)ର ଫଟୋ ସେୟାର କରିଥିଲେ । ସେ ଏଠାରେ ଥିବା ମଙ୍କି ଫରେଷ୍ଟକୁ ମଧ୍ୟ ଯାଇଥିଲେ, ଯେଉଁଠାରେ ଏକ ମାଙ୍କଡ଼ ତାଙ୍କ ଚଷମା ଛଡ଼ାଇ ନେଇଥିଲା । ଏହି ସମୟରେ, ଏହି ପୋଷ୍ଟ ସେୟାର କରି ସାମନ୍ତ ତାଙ୍କ ପ୍ରଶଂସକଙ୍କୁ ଏହି ସୂଚନା ଦେଇଥିଲେ । କେବଳ ଏତିକି ନୁହେଁ, ସାମନ୍ଥା ଏହି ମାଙ୍କଡ଼ ସହ ନିଜର ସେଲଫି ଏବଂ ବହୁତ ମଜାଦାର ଫଟୋ ମଧ୍ୟ ସେୟାର କରିଥିଲେ । ସାମନ୍ଥାଙ୍କ ସମସ୍ତ ଫଟୋକୁ ଫ୍ୟାନ୍ସ ବେଶ ପସନ୍ଦ କରିଥିଲେ ।
ଏହା ମଧ୍ୟ ପଢନ୍ତୁ: ଅଭିନୟରୁ ବିରତି ନେବେ ସାମନ୍ଥା ! ଫିଲ୍ମ ମେକର୍ସଙ୍କୁ ଫେରାଇଲେ ଟଙ୍କା
ସାମନ୍ଥାଙ୍କ ୱାର୍କଫ୍ରଣ୍ଟ୍ କଥା କହିବାକୁ ଗଲେ, ସାମନ୍ଥାଙ୍କୁ ଚଳିତ ବର୍ଷ ରିଲିଜ କରିଥିବା ଚଳଚ୍ଚିତ୍ର ଶକୁନ୍ତଲାମରେ ଶେଷ ଥର ପାଇଁ ଦେଖିବାକୁ ମିଳିଥିଲା । ଏହାପୂର୍ବରୁ ଚଳଚ୍ଚିତ୍ର ଯଶୋଦା (2022) ରିଲିଜ ହୋଇଥିଲା। ବର୍ତ୍ତମାନ ଏହି ଅଭିନେତ୍ରୀ ଖୁସୀ ଫିଲ୍ମରେ ସାଉଥ ତାରକା ବିଜୟ ଦେବରାକୋଣ୍ଡାଙ୍କ ସହ ନଜର ଆସିବେ । ଏଥିସହ ସିଟାଡେଲରେ ବଲିଉଡ ତାରକା ବରୁଣ ଧୱନଙ୍କ ସହ ନଜର ଆସିବେ । ସିଟାଡେଲ ପ୍ରିୟଙ୍କା ଚୋପ୍ରାଙ୍କ ହଲିଉଡ ଫିଲ୍ମ ସିଟାଡେଲର ହିନ୍ଦୀ ଭର୍ସନ ଅଟେ ।
