ହାଇଦ୍ରାବାଦ: ଚଳିତ ବର୍ଷ ଅନେକ ବଡ ବଡ ଚଳଚ୍ଚିତ୍ର ପ୍ରେକ୍ଷାଳୟରେ ଧମାଲ ମଚାଇ ସାରିଛି ଏବଂ ଅନେକ ରିଲିଜ୍ ପାଇଁ ପ୍ରସ୍ତୁତ ଅଛି। ଯାହାକୁ ଦର୍ଶକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଏହିପରି ଗୋଟିଏ ଚଳଚ୍ଚିତ୍ର ହେଉଛି ରଣବୀର ସିଂ ଅଭିନୀତ 'ଜୟଶଭାଇ ଜୋରଦାର' (Jayeshbhai Jordaar)। ଫିଲ୍ମର ଟ୍ରେଲର (Jayeshbhai Jordaar Trailer) ରିଲିଜ ହୋଇସାରିଛି ।
ତେବେ ଟ୍ରେଲର ଦେଖିଲେ ଜଣାପଡୁଛି, ରଣବୀର ସିଂ ପୁଣି ଥରେ ଦର୍ଶକଙ୍କ ମଧ୍ୟରେ ହଇଚଇ ସୃଷ୍ଟି କରିବେ । ଫିଲ୍ମର ଟ୍ରେଲରରେ ଦର୍ଶାଯାଇଛି ଯେ ଏହି ଫିଲ୍ମ ଦର୍ଶକଙ୍କ ମନରେ ଅନେକ ପ୍ରଶ୍ନ ଉଠାଇବାକୁ ଯାଉଛି। ଏହି ଚଳଚ୍ଚିତ୍ରର ଜବରଦସ୍ତ ସଫଳତା ଦର୍ଶକଙ୍କୁ ପୂର୍ବରୁ ହିଁ ଚକିତ କରିଦେଇଛି ଏବଂ ବର୍ତ୍ତମାନ ରଣବୀର ସିଂ 'ଜୟଶଭାଇ ଜୋରଦାର' ହୋଇ ପ୍ରେକ୍ଷାଳୟରେ ଧମାଲ ମଚାଇବାକୁ ପ୍ରସ୍ତୁତ ଅଛନ୍ତି ।
- " class="align-text-top noRightClick twitterSection" data="">
'ଜୟଶଭାଇ ଜୋରଦାର' ମେ 13ରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଦିବ୍ୟାଙ୍ଗ ଠାକୁର। ଏଥିରେ ବୋମନ୍ ଇରାନୀ, ଶାଲିନୀ ପାଣ୍ଡେ, ରତ୍ନା ପୃଥକ୍ ଶାହାଙ୍କୁ ଦେଖିବାକୁ ମିଳିବ । ଏବେ ଫିଲ୍ମର ଟ୍ରେଲର ମଧ୍ୟ ରିଲିଜ୍ ହୋଇସାରିଛି । ଯାହାକୁ ନେଇ ରଣବୀର ସିଂ ଏବଂ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ଅଛନ୍ତି ।
ଏହା ଉପରେ ଜୟଶଭାଇ କହିଛନ୍ତି ଯେ, ତାଙ୍କ ଗାଁରେ ଆଉ କ’ଣ କ’ଣ ବାଧ୍ୟତାମୂଳକ ଅଛି । ଟ୍ରେଲରରୁ ଏହା ସ୍ପଷ୍ଟ ହୋଇଛି ଯେ ଫିଲ୍ମର କାହାଣୀ 'ପୁଅ ଏବଂ ଝିଅ'କୁ ନେଇ ହୋଇଛି। କାରଣ, ଜୟଶଭାଇଙ୍କ ଜନ୍ମ ହେବାକୁ ଥିବା ପରବର୍ତ୍ତୀ ସନ୍ତାନ ହିଁ ସ୍ଥିର କରିବ ଜୟଶଭାଇ ପରେ ଗାଁର ସରପଞ୍ଚ କିଏ ହେବ । ତେବେ ଦୁଇ ମିନିଟ୍ 58 ସେକେଣ୍ଡର ଏହି ଟ୍ରେଲରରେ ଆପଣ ଅନେକ ଜିନିଷ ଦେଖିପାରିବେ । ଚଳଚ୍ଚିତ୍ରର ନାମ ପରି ଏହାର କାହାଣୀ ମଧ୍ୟ ଜୋରଦାର ଲାଗୁଛି। ଫିଲ୍ମର ଟ୍ରେଲରରୁ ଏହା ସ୍ପଷ୍ଟ ହୋଇଛି ଯେ ଏହାର କାହାଣୀ ଗର୍ଭଧାରଣ ଭଳି ଏକ ଗମ୍ଭୀର ପ୍ରସଙ୍ଗ ଉଠାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
