ମୁମ୍ବାଇ: ବଲିଉଡର ସୁନ୍ଦରୀ ଜ୍ୟାକଲିନ୍ ଫର୍ଣ୍ଣାଣ୍ଡିସ୍ । ନିକଟରେ 'ରାମସେତୁ' ଅଭିନେତ୍ରୀ ତାଙ୍କର 38ତମ ଜନ୍ମଦିନ ପାଳନ କରିଥିଲେ । ତାଙ୍କ ଜନ୍ମଦିନରେ ଫିଲ୍ମ ଇଣ୍ଡଷ୍ଟ୍ରିର ଜଣାଶୁଣା ତାରକାମାନେ ତାଙ୍କୁ ଅଭିନନ୍ଦନ ଜଣାଇ ତାଙ୍କୁ ଶୁଭେଚ୍ଛା ଜଣାଇଛନ୍ତି । ଜନ୍ମଦିନର କିଛି ଦିନ ପରେ, ଜ୍ୟାକଲିନ୍ ତାଙ୍କର ଖାସ୍ ଦିନର କିଛି ଖାସ୍ ଫଟୋ ଏବଂ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ଜନ୍ମଦିନକୁ ସାଙ୍ଗମାନଙ୍କ ସହିତ ପାଳନ କରୁଥିବା ଦେଖିବାକୁ ମିଳିଛି ।
ଏହା ମଧ୍ୟ ପଢନ୍ତୁ: Gadar 2 ସୁପର ସନ୍ଡେ’: 100 କୋଟି ପାର୍ କଲା ସନ୍ନି ଦେଓଲଙ୍କ ଫିଲ୍ମ
ଅଗଷ୍ଟ 11ରେ ଜ୍ୟାକଲିନ୍ ତାଙ୍କର 38ତମ ଜନ୍ମଦିନ ପାଳନ କରିଥିଲେ । ସୋମବାର ଏହି ଅଭିନେତ୍ରୀ ଅଫିସିଆଲ୍ ଇନଷ୍ଟାଗ୍ରାମରେ ତାଙ୍କ ଜନ୍ମଦିନ ଉତ୍ସବର କିଛି ଫଟୋ ଏବଂ ଭିଡିଓ ସେୟାର କରିଛନ୍ତି । ପୋଷ୍ଟ ହୋଇଥିବା ଫଟୋ ଏବଂ ଭିଡିଓରେ ସେ ନିଜ ସାଙ୍ଗଙ୍କ ସହ କେକ୍ କାଟି କାରରେ ବୁଲୁଥିବାର ନଜର ଆସିଛନ୍ତି । ଏଥି ସହିତ, ଅନ୍ୟ ଫଟୋଗୁଡ଼ିକରେ, ସେ ନିଜ ସାଙ୍ଗଙ୍କ ସହ ପୋଜ୍ ଦେଉଥିବା ନଜର ଆସିଛନ୍ତି । ଏହି ସୁନ୍ଦର ମୂହୁର୍ତ୍ତଗୁଡିକ ସେୟାର କରି ସେ ସ୍ମାଇଲ୍, ଷ୍ଟାର ଏବଂ ରେଡ୍ ହାର୍ଟ ଇମୋଜି ସହିତ କ୍ୟାପସନ୍ରେ 'ଧନ୍ୟବାଦ' ଲେଖିଛନ୍ତି ।
ଏହା ମଧ୍ୟ ପଢନ୍ତୁ: ସୀମା ହାଇଦର ଫିଲ୍ମରେ କରିନାହାନ୍ତି ସାଇନ୍, ପ୍ରେଗନେନ୍ସିକୁ ନେଇ ବଡ ଖୁଲାସା
ପ୍ରଥମ ଫଟୋରେ ଜ୍ୟାକଲିନ ଏକ କଳା ପୋଷାକରେ କେକ୍ କାଟୁଥିବା ଦେଖିବାକୁ ମିଳିଛି । ପରବର୍ତ୍ତୀ ପୋଷ୍ଟରେ ଏକ ଭିଡିଓ ଦିଆଯାଇଛି, ଯେଉଁଥିରେ ତାଙ୍କ ସାଙ୍ଗମାନେ କାରରେ ଅଭିନେତ୍ରୀଙ୍କ ପାଇଁ ଜନ୍ମଦିନ ଗୀତ ଗାଉଥିବାର ନଜର ଆସିଛନ୍ତି ।
ଜ୍ୟାକଲିନ ଫର୍ଣ୍ଣାଣ୍ଡିଜଙ୍କ ୱାର୍କଫ୍ରଣ୍ଟ ବିଷୟରେ କଥାବାର୍ତ୍ତା କରି ଜ୍ୟାକଲିନଙ୍କର କୌଣସି ନିର୍ଦ୍ଦିଷ୍ଟ ପ୍ରୋଜେକ୍ଟ ନାହିଁ, କିନ୍ତୁ କିଛି ମାସ ପୂର୍ବରୁ ଜ୍ୟାକଲିନ ସୋନୁ ସୁଦ୍ଙ୍କ ସାଇବର କ୍ରାଇମ୍ ଚଳଚ୍ଚିତ୍ର 'ଫତେହ'ର ଏକ ଅଂଶ ହେବ ବୋଲି ଘୋଷଣା କରାଯାଇଛି । ଫିଲ୍ମର ଅଫିସିଆଲ୍ ରିଲିଜ୍ ତାରିଖ ଏପର୍ଯ୍ୟନ୍ତ ଜଣା ପଡିନାହିଁ । 'ରେସ୍-3' ଅଭିନେତ୍ରୀ, ଅକ୍ଷୟ କୁମାର ଏବଂ ଇମ୍ରାନ୍ ହାସମିଙ୍କ ସହ' ସେଲଫି'ର ଏକ ଗୀତରେ ନଜର ଆସିଥିଲେ ।
ଗତ କିଛି ବର୍ଷ ମଧ୍ୟରେ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ଅନେକ ହିଟ୍ ଚଳଚ୍ଚିତ୍ର ଦେଇ ଜଣେ ଲୋକପ୍ରିୟ ବଲିଉଡ ଅଭିନେତ୍ରୀ ପାଲଟି ପାରିଛନ୍ତି । ଅଭିନୟ ବ୍ୟତୀତ ଅଭିନେତ୍ରୀ ନିଜର ଫିଟନେସ୍ ଏବଂ ଜୀବନଶୈଳୀକୁ ନେଇ ବି ଚର୍ଚ୍ଚାରେ ରହିଥାନ୍ତି । ଜାକ୍ଲିନ୍ ନିଜର ସୁପର ଦାମୀ ବିଳାସପୂର୍ଣ୍ଣ କାର ପ୍ରତି ଥିବା ଭଲପାଇବା ପାଇଁ ମଧ୍ୟ ବେଶ୍ ଜଣାଶୁଣା । କେବଳ କାର୍ ନୁହେଁ, ଜାକ୍ଲିକ୍ ଗୋଟେ ଆଇଲ୍ୟାଣ୍ଡର ମାଲିକାଣି ମଧ୍ୟ ।
