ହାଇଦ୍ରାବାଦ: ମା' ହେଲେ ଅଭିନେତ୍ରୀ ଇଲିଆନା ଡି’କ୍ରୁଜ । ସେ ଅଗଷ୍ଟ 1 ତାରିଖରେ ଶିଶୁ ପୁତ୍ରକୁ ଜନ୍ମ ଦେଇଛନ୍ତି । ଏହି ଅଭିନେତ୍ରୀ ନିଜ ପ୍ରଶଂସକଙ୍କ ଏହି ଖୁସି ଖବର ଇନଷ୍ଟାଗ୍ରାମରେ ସେୟାର କରିଛନ୍ତି । ପୁଅର ଫଟୋ ସେୟାର କରିବା ସହ ଇଲିଆନା ତାଙ୍କ ନାମ ମଧ୍ୟ ପ୍ରକାଶ କରିଛନ୍ତି । ଏହି ଅଭିନେତ୍ରୀ ତାଙ୍କ ପୁଅର ନାମ କୋଆ ଫିନିକ୍ସ ଡୋଲାନ୍ ରଖିଛନ୍ତି । ଏହି ଫଟୋ ସେୟାର କରିବା ମାତ୍ରେ ଫ୍ୟାନ୍ସଙ୍କ ସମେତ ଅନେକ ବଲିଉଡ ତାରକା ଅଭିନେତ୍ରୀଙ୍କୁ ଶୁଭକାମନା ଜଣାଇଛନ୍ତି ।
ଇଲିଆନା ତାଙ୍କ ପୁଅ କୋଆ ଫିନିକ୍ସ ଡୋଲାନଙ୍କ ଫଟୋ ସହ ଏକ ସୁନ୍ଦର କ୍ୟାପସନ ଲେଖିଛନ୍ତି । ଅଭିନେତ୍ରୀ ଲେଖିଛନ୍ତି, 'ଆମ ପ୍ରିୟ ପୁଅକୁ ଦୁନିଆରେ ସ୍ୱାଗତ କରି ଆମେ ବହୁତ ଖୁସି, ଶବ୍ଦ ବର୍ଣ୍ଣନା କରିପାରିବି ନାହିଁ । ପୁଅର ଜନ୍ମ ତାରିଖ ମଧ୍ୟ ଫଟୋରେ ଲେଖାଯାଇଛି । ତେବେ ପୋଷ୍ଟ ସେୟାର ହେବା ପରେ ସେଲିବ୍ରେଟିଙ୍କ ଠାରୁ ଆରମ୍ଭ କରି ପ୍ରଶଂସକମାନେ ଇଲିଆନାଙ୍କୁ ଅଭିନନ୍ଦନ ଜଣାଇଛନ୍ତି । ବଲିଉଡ ଅଭିନେତା ଅର୍ଜୁନ କପୁର, ଅଭିନେତ୍ରୀ ହୁମା କ୍ୟୁରେଶୀଙ୍କ ସମେତ ଅନେକ ତାରକା ଶୁଭକାମନା ଜଣାଇଛନ୍ତି ।
ସୂଚନା ଥାଉ କି, ଇଲିଆନା ଏପର୍ଯ୍ୟନ୍ତ ନିଜ ସନ୍ତାନର ବାପାଙ୍କ ନାମ ପ୍ରକାଶ କରି ନାହାଁନ୍ତି । ତେବେ ନିକଟରେ ଅଭିନେତ୍ରୀ ତାଙ୍କ ପ୍ରଶଂସକଙ୍କୁ ତାଙ୍କ ବୟଫ୍ରେଣ୍ଡଙ୍କ ମୁହଁ ଦେଖାଇଥିଲେ । ଅଭିନେତ୍ରୀ ନିଜ ଇନଷ୍ଟାଗ୍ରାମ କାହାଣୀରେ ନିଜ ସାଥୀ ସହ ଡିନର ନାଇଟର ଫଟୋ ସେୟାର କରିଥିଲେ । ଏହା ପୂର୍ବରୁ ଇଲିଆନା କ୍ୟାଟ୍ରିନା କୈଫଙ୍କ ଭାଇ ସେବାଷ୍ଟିଆନ୍ ଲୋରେଣ୍ଟ ମିସେଲଙ୍କୁ ଡେଟ କରୁଥିଲେ। କିନ୍ତୁ ଏହି ପୋଷ୍ଟ ପରେ ଫଟୋରେ ଥିବା ବ୍ୟକ୍ତି ସେବାଷ୍ଟିଆନ୍ ନଥିବାରୁ କଳ୍ପନା ଜଳ୍ପନା ଏବଂ ରୁମରର ଅନ୍ତ ଘଟିଛି । ତେବେ ଇଲିଆନାଙ୍କ ସାଥୀ କିଏ ଏବଂ ସେ କଣ କରନ୍ତି ସେ ବିଷୟରେ ଅଭିନେତ୍ରୀ କୌଣସି ସୂଚନା ଦେଇନାହାଁନ୍ତି ।
ଏହା ମଧ୍ୟ ପଢନ୍ତୁ: ପୁଣି ବେବି ବମ୍ପ୍ ଲୁକ ସେୟାର କଲେ ଅଭିନେତ୍ରୀ, ଫ୍ୟାନ୍ସ ଦେଲେ ଏମିତି ପ୍ରିତିକ୍ରିୟା
ଏହା ପୂର୍ବରୁ ଜୁନ୍ 10 ରେ, ଇଲିଆନା ଡି’କ୍ରୁଜ୍ ତାଙ୍କ ମିଷ୍ଟ୍ରିମ୍ୟାନଙ୍କ ସହ ଏକ ଅସ୍ପଷ୍ଟ ମୋନୋକ୍ରୋମ୍ ଫଟୋ ପୋଷ୍ଟ କରିଥିଲେ । ଏହି ପୋଷ୍ଟ ସହିତ, ତାଙ୍କ ଗର୍ଭଧାରଣର ଅଭିଜ୍ଞତା ବାଣ୍ଟିବା ସହ ସେ ତାଙ୍କ ସାଥୀଙ୍କ ପ୍ରଶଂସା କରିଥିଲେ । ସେ କହିଥିଲେ ଯେ, ପ୍ରତ୍ୟେକ କଷ୍ଟ ସମୟରେ ତାଙ୍କୁ ସେ କିପରି ସମର୍ଥନ କରନ୍ତି । ସେ ଆହୁରି ମଧ୍ୟ କହିଥିଲେ, 'ଗର୍ଭବତୀ ହେବା ଅତ୍ୟନ୍ତ ସୁନ୍ଦର ଆଶୀର୍ବାଦ... ମୁଁ ଭାବି ନଥିଲି ଯେ ମୁଁ ଏହା କେବେ ଅନୁଭବ କରିବି । ସେଥିପାଇଁ ମୁଁ ଏହି ଯାତ୍ରାକୁ ଆସିବା ପାଇଁ ନିଜକୁ ଭାଗ୍ୟବାନ ମନେ କରେ ।''
