ହାଇଦ୍ରାବାଦ: ସିଦ୍ଧାର୍ଥ ଆନନ୍ଦଙ୍କ ନିର୍ଦ୍ଦେଶିତ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଫାଇଟର' ପାଇଁ ପ୍ରଶଂସକମାନେ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମ ଆସନ୍ତା ବର୍ଷ ଜାନୁଆରୀରେ ରିଲିଜ ହେବ । ଏହା ପୂର୍ବରୁ ନିର୍ମାତା ଫିଲ୍ମର ଟିଜର ରିଲିଜ କରିଛନ୍ତି । ଏହି ଫିଲ୍ମରେ ହ୍ରିତିକ ରୋଶନ, ଦୀପିକା ପାଦୁକୋନ ଏବଂ ଅନିଲ କପୁରଙ୍କୁ ଦେଖିବାକୁ ମିଳିବ । ତେବେ ଫାଇଟରର ଟିଜର ପୂର୍ବରୁ ନିର୍ମାତାମାନେ ହ୍ରିତିକ, ଦୀପିକା ଏବଂ ଅନିଲ କପୁରଙ୍କ ପ୍ରଥମ ଲୁକ ରିଲିଜ ହୋଇସାରିଛି ।
ଏହି ଏରିଆଲ୍ ଆକ୍ସନ୍ ଡ୍ରାମା ଚଳଚ୍ଚିତ୍ରର 1 ମିନିଟ୍ 13 ସେକେଣ୍ଡ୍ ଟିଜରରେ ହ୍ରିତିକ୍ ରୋଶନ୍, ଦୀପିକା ପାଦୁକୋନ୍ ଏବଂ ଅନିଲ କପୁରଙ୍କ ଦମଦାର ଲୁକ୍ ଦେଖିବାକୁ ମିଳିଛି । ସେନା ୟୁନିଫର୍ମ ପିନ୍ଧିଥିବା ସମସ୍ତ ତିନୋଟି ତାରକା ଚମତ୍କାର ଦେଖାଯାଉଛନ୍ତି । ଏହି ଫିଲ୍ମରେ ଦୀପିକା ଏବଂ ହ୍ରିତିକ ଏକ ଯୁଦ୍ଧ ବିମାନରେ ଏରିଆଲ ଆକ୍ସନ କରୁଥିବା ନଜର ଆସିଛନ୍ତି । କେବଳ ଏତିକି ନୁହେଁ, ଟିଜରରେ ପୃଷ୍ଠଭୂମିରେ ଜାତୀୟ ପତାକା ସହ ହେଲିକପ୍ଟରରେ ହ୍ରିତିକଙ୍କ କ୍ଲୋଜିଂ ସଟ ଦେଖିବାକୁ ମିଳିଛି । ଏସବୁ ବ୍ୟତୀତ ହ୍ରିତିକ-ଦୀପିକାଙ୍କ ଲଭ କେମେଷ୍ଟ୍ରି ମଧ୍ୟ ଟିଜରରେ ପ୍ରଦର୍ଶିତ ହୋଇଛି । ଉଭୟଙ୍କ ଲିପ୍ ଲକ୍ ସିନ ଦେଖିବାକୁ ମିଳିଛି । ଯାହାକୁ ନେଇ ଫ୍ୟାନ୍ସ ଦିୱାନା ହୋଇଛନ୍ତି ।
- " class="align-text-top noRightClick twitterSection" data="">
ଫାଇଟରର ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେଇଛନ୍ତି, ଯିଏକି ବର୍ତ୍ତମାନ ପର୍ଯ୍ୟନ୍ତ ପଠାନ ଏବଂ ୱାର ଭଳି ଚଳଚ୍ଚିତ୍ର ନିର୍ମାଣ କରିଛନ୍ତି । ଏହି ସମୟରେ, ଭିଆକମ୍ 18 ଷ୍ଟୁଡିଓ ଏବଂ ମାର୍ଫ୍ଲିକ୍ସ ପିକ୍ଚର୍ସ ଦ୍ୱାରା ଏହି ଚଳଚ୍ଚିତ୍ରଟି ପ୍ରସ୍ତୁତ କରାଯାଇଛି । ଫାଇଟର ରିଲିଜ୍ ତାରିଖ ବିଷୟରେ କହିବାକୁ ଗଲେ ଏହା ଆସନ୍ତା ବର୍ଷ ଗଣତନ୍ତ୍ର ଦିବସ ଅବସରରେ ମୁକ୍ତିଲାଭ କରିବ । ଜାନୁଆରୀ 25, 2024ରେ ବିଶ୍ବ ପ୍ରେକ୍ଷାଳୟରେ ରିଲିଜ ହେବ । ଏହି ଫିଲ୍ମ ୨୫୦ କୋଟି ଟଙ୍କା ବଜେଟରେ ନିର୍ମିତ ହୋଇଥିବା ଜଣାପଡିଛି ।
ଏହା ମଧ୍ୟ ପଢନ୍ତୁ: ଦୀପିକାଙ୍କ ପ୍ରଥମ ଲୁକ୍ ଆଉଟ୍, ପାଇଲଟ ଭୂମିକାରେ ଆସିଲେ ନଜର
ସୂଚନା ଥାଉ କି, ଚଳିତ ବର୍ଷ ଜାନୁୟାରୀ 25ରେ ସିଦ୍ଧାର୍ଥ ଆନନ୍ଦ ତାଙ୍କ ଚଳଚ୍ଚିତ୍ର ପଠାନ ମୁକ୍ତିଲାଭ କରିଥିଲେ ଯାହା ବକ୍ସ ଅଫିସରେ ଆଲୋଡ଼ନ ସୃଷ୍ଟି କରିଥିଲା । ତେବେ ଏହି ଫିଲ୍ମ ମଧ୍ୟ ସମାନ ତାରିଖରେ ରିଲିଜ ହେଉଥିବା ନେଇ ବକ୍ସ ଅଫିସରେ ଧମାକା କରିବ ବୋଲି ଆଶା କରାଯାଉଛି । ଏହି ଫିଲ୍ମରେ ଦୀପିକା ପାଦୁକୋନ, ହ୍ରିତିକ ରୋଶନ ଏବଂ ଅନୀଲ କପୁର ନଜର ଆସିବେ । ତେବେ ଦୀପିକାଙ୍କ ସହ ପ୍ରଥମ ଥର ପାଇଁ ସ୍କ୍ରିନ ସେୟାର କରିବେ ହ୍ରିତିକ ।
