ହାଇଦ୍ରାବାଦ: ବଲିଉଡ୍ ଅଭିନେତା ବିକି କୌଶଲଙ୍କ ଆଗାମୀ ଫିଲ୍ମ ସାମ୍ ବାହାଦୂର ଖୁବଶୀଘ୍ର ରିଲିଜ ହେବାକୁ ଯାଉଛି । ଏହାରି ମଧ୍ୟରେ ବର୍ତ୍ତମାନ ନିର୍ମାତା ଫିଲ୍ମର ଟ୍ରେଲର ରିଲିଜ ତାରିଖ ଘୋଷଣା କରିଛନ୍ତି । ସୋସିଆଲ ମିଡିଆରେ ଫିଲ୍ମର ନୂଆ ପୋଷ୍ଟର ରିଲିଜ କରି ନିର୍ମାତା ଟ୍ରେଲର ରିଲିଜ ନେଇ ସୂଚନା ଦେଇଛନ୍ତି । ତେବେ ଫିଲ୍ମର ଟ୍ରେଲର ଆସନ୍ତାକାଲି ଅର୍ଥାତ୍ ଅକ୍ଟୋବର ୭ରେ ରିଲିଜ ହେବ ।
ବିକି କୌଶଲ ନିଜ ଇନ୍ଷ୍ଟାଗ୍ରାମରେ ଫିଲ୍ମର ନୂଆ ପୋଷ୍ଟର ରିଲିଜ୍ କରିଛନ୍ତି । କ୍ୟାପସନରେ ଲେଖିଛନ୍ତି, ଏହି କାହାଣୀ ସେହି ବ୍ୟକ୍ତିଙ୍କର ଯିଏ ନିଜ ଜୀବନକୁ ଭାରତୀୟ ସେନା ଏବଂ ଦେଶକୁ ସମର୍ପିତ କରିଛନ୍ତି । ଆସନ୍ତାକାଲି ଟ୍ରେଲର ରିଲିଜ ହେବ । ଏଥିସହ ଫିଲ୍ମ ରିଲିଜ ତାରିଖ ବିଷୟରେ ମଧ୍ୟ ସେ ସୂଚନା ଦେଇଛନ୍ତି । ଫିଲ୍ମ ସିନେମାହଲରେ ଡିସେମ୍ବର ୧ରେ ରିଲିଜ କରିବ । ପୋଷ୍ଟରରେ ବିକି ସେନା ପୋଷାକରେ ସିପାହୀମାନଙ୍କ ଯାଞ୍ଚ କରୁଥିବା ନଜର ଆସିଛନ୍ତି ।
- " class="align-text-top noRightClick twitterSection" data="">
ତେବେ ପୋଷ୍ଟର ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ୍ କରିବା ସହ କମେଣ୍ଟ ବର୍ଷା କରିଛନ୍ତି । ଜଣେ ଫ୍ୟାନ୍ ଲେଖିଛନ୍ତି, ସୁପର ଏକ୍ସାଇଟେଡ୍ । ଆଉ ଜଣେ ଲେଖିଛନ୍ତି, ସାମ୍ ବାହାଦୂର ଫିଲ୍ମ ଦେଖିବାକୁ ବେଶ ଉତ୍ସାହିତ । ରିପୋର୍ଟ ଅନୁସାରେ, ଫିଲ୍ମର ଟ୍ରେଲର କଳାକାର, କ୍ରୁ' ଏବଂ ଦର୍ଶକଙ୍କ ସାମ୍ନାରେ ଟ୍ରେଲର ରିଲିଜ୍ ହେବ । ଏହି ଟ୍ରେଲର ଲଞ୍ଚ୍ ଇଭେଣ୍ଟ୍ ନୂଆଦିଲ୍ଲୀର ମାନେକଶା ସେଣ୍ଟରରେ ଆୟୋଜିତ ହେବ ବୋଲି ଜଣାପଡ଼ିଛି । ବିଶେଷ ଅତିଥିଙ୍କ ଦ୍ୱାରା ଟ୍ରେଲର୍ ରିଲିଜ କରାଯିବା ନେଇ ଜଣା ପଡ଼ିଛି ।
ଏହା ମଧ୍ୟ ପଢନ୍ତୁ: ଅଶ୍ବ ଚାଳନା କଲେ ବିକି କୌଶଲ, ଆଗାମୀ ଫିଲ୍ମ ପ୍ରସ୍ତୁତିର ଦେଖାଇଲେ ଝଲକ
'ସାମ ବାହାଦୂର'ର କାହାଣୀ ଭାରତର ପ୍ରଥମ ଫିଲ୍ଡ ମାର୍ଶଲ ତଥା ସୈନ୍ୟ ପରାକ୍ରମୀ ସାମ୍ ମାନିକଶାହଙ୍କ ଜୀବନ ଉପରେ ଆଧାରିତ । ଏହି ଚଳଚ୍ଚିତ୍ରରେ ବିକି ସାମ ମାନିକଶାହଙ୍କ ଭୂମିକାରେ ଅଭିନୟ କରିଥିବାବେଳେ ଫାତିମା ସାନା ଶେଖଙ୍କୁ ଇନ୍ଦିରା ଗାନ୍ଧୀ ଏବଂ ସାନ୍ୟା ମାଲହୋତ୍ରାଙ୍କୁ ସାମ ମାନିକଶାହଙ୍କ ପତ୍ନୀ ସିଲୁଙ୍କ ଭୂମିକାରେ ଦେଖିବାକୁ ମିଳିବ । ମେଘନା ଗୁଲଜାରଙ୍କ ଦ୍ୱାରା ନିର୍ଦ୍ଦେଶିତ ଏବଂ ରୋନି ସ୍କ୍ରୁ'ଭାଲାଙ୍କ ଦ୍ୱାରା ନିର୍ମିତ ଏହି ଚଳଚ୍ଚିତ୍ରଟି ଡିସେମ୍ବର ୧ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଯାହା ରଣବୀର କପୁରଙ୍କ ଆନିମଲ ସହ କଡ଼ା ଟକ୍କର ଦେବ । କାରଣ ଡିସେମ୍ବର ୧ରେ ଆନିମଲ ମଧ୍ୟ ରିଲିଜ ହେବ ।
