ଭୁବନେଶ୍ବର: ସିଙ୍ଗାପୁରରେ ନିବେଶକ ସମ୍ମିଳନୀର ଆଜି ଦ୍ଵିତୀୟ ଦିନ । ସିଙ୍ଗାପୁରର ବିଭିନ୍ନ ମନ୍ତ୍ରୀ ଓ ଶିଳ୍ପ ପ୍ରତିନିଧିଙ୍କୁ ଭେଟୁଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସିଙ୍ଗାପୁରର ଉପ ପ୍ରଧାନମନ୍ତ୍ରୀ ତଥା ଶିଳ୍ପ ମନ୍ତ୍ରୀ ଗାନ କିମ୍ ୟୋଙ୍ଗଙ୍କୁ ଭେଟିଛନ୍ତି ମୋହନ ମାଝୀ । ଉଭୟଙ୍କ ମଧ୍ୟରେ ସୌଜନ୍ଯମୂଳକ ସାକ୍ଷାତ ସହିତ ବାଣିଜ୍ୟିକ ସଂପର୍କ ପ୍ରସଙ୍ଗରେ ଆଲୋଚନା ହୋଇଥିବା ସୂଚନା ମିଳିଛି ।
'ବିଶ୍ବରୁ ନିବେଶକ ଭାରତ ଆସିବେ'
ମୁଖ୍ୟମନ୍ତ୍ରୀ କହିଛନ୍ତି, "ସାରା ବିଶ୍ବରୁ ନିବେଶକ ଭାରତରେ ନିବେଶ କରିବାକୁ ଚାହିଁବେ, ସେତେବେଳେ ଓଡିଶା ସେମାନଙ୍କର ପ୍ରଥମ ପସନ୍ଦର କ୍ଷେତ୍ର ହେବ । ଭାରତର ପୂର୍ବ ସମୁଦ୍ରକୁ ପ୍ରବେଶ ଦ୍ୱାର ଭାବରେ ଓଡିଶାର ରଣନୀତିକ ସ୍ଥିତିକୁ ହାଇଲାଇଟ କରିବା ଏସୀୟ ବଜାର ସହିତ ସଂଯୋଗ ବୃଦ୍ଧିରେ ଏହାର ଭୂମିକା ଉପରେ ଗୁରୁତ୍ୱାରୋପ କରିଛି । ରପ୍ତାନୀ ସମ୍ଭାବନାକୁ ବଢ଼ାଇବା ପାଇଁ ବାଣିଜ୍ୟ, ଶିଳ୍ପ ହବର ବିକାଶ ଏବଂ ବନ୍ଦର ଭିତ୍ତିଭୂମି ଉପରେ ଆଲୋଚନା ହୋଇଛି ।"
୪ ଦିନିଆ ସିଙ୍ଗାପୁର ଗସ୍ତରେ ମୁଖ୍ୟମନ୍ତ୍ରୀ :
ଓଡ଼ିଶାରେ ଆସନ୍ତାବର୍ଷ ଜାନୁଆରୀ ୨୮ ଏବଂ ୨୯ ତାରିଖରେ ଅନୁଷ୍ଠିତ ହେବ ଉତ୍କର୍ଷ ଓଡ଼ିଶା, ମେକ୍ ଇନ ଓଡ଼ିଶା ନିବେଶକ ସମ୍ମିଳନୀ । ଏହା ପୂର୍ବରୁ ବିଦେଶୀ ନିବେଶକଙ୍କୁ ଆକୃଷ୍ଟ କରିବା ପାଇଁ ନିଜେ ମୁଖ୍ୟମନ୍ତ୍ରୀ ସିଙ୍ଗାପୁର ଗସ୍ତରେ ଅଛନ୍ତି । ୪ ଦିନିଆ ସିଙ୍ଗାପୁର ଗସ୍ତର ଦ୍ବିତୀୟ ଦିନରେ ମୁଖ୍ୟମନ୍ତ୍ରୀ, ସେଠାକାର ଉପ ପ୍ରଧାନମନ୍ତ୍ରୀ ତଥା ଶିଳ୍ପ ମନ୍ତ୍ରୀ ଗାନ କିମ୍ ୟୋଙ୍ଗଙ୍କୁ ଭେଟିଛନ୍ତି । ଏହା ସହ ମୁଖ୍ୟମନ୍ତ୍ରୀ, ସିଙ୍ଗାପୁରର ବିଭିନ୍ନ ମନ୍ତ୍ରୀ ଏବଂ ଶିଳ୍ପପତିମାନଙ୍କ ସହ ସିଧାସଳଖ ସାକ୍ଷାତ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
ଏହା ମଧ୍ୟ ପଢ଼ନ୍ତୁ- ସିଙ୍ଗାପୁରରେ ମୁଖ୍ୟମନ୍ତ୍ରୀ ମୋହନ ମାଝୀ, ପୁଞ୍ଜି ନିବେଶ ନେଇ ଆଲୋଚନା ଏହା ମଧ୍ୟ ପଢନ୍ତୁ-' ସିଙ୍ଗାପୁରରୁ ଆସିବ ବଡ଼ ପୁଞ୍ଜି', ପ୍ରଥମ ବିଦେଶ ଗସ୍ତରେ ମୁଖ୍ୟମନ୍ତ୍ରୀ ମୋହନ ମାଝୀ |
ଶିଳ୍ପମନ୍ତ୍ରୀ ଏବଂ ସଚିବ ଉପସ୍ଥିତ:
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ୱରେ ଓଡିଶା ପ୍ରତିନିଧୀ ଶିଳ୍ପ ଅଭିବୃଦ୍ଧି ସୁଯୋଗ ଅନୁସନ୍ଧାନ କରିବା ପାଇଁ ଜୁରୋଙ୍ଗ ପେଟ୍ରୋକେମିକାଲ କମ୍ପ୍ଲେକ୍ସ ପରିଦର୍ଶନ କରିଛନ୍ତି । ମୁଖ୍ୟମନ୍ତ୍ରୀଙ୍କ ସହ ଶିଳ୍ପମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଏବଂ ରାଜ୍ୟର ବରିଷ୍ଠ ପ୍ରତିନିଧୀ ମଧ୍ୟ କମ୍ପ୍ଲେକ୍ସ ପରିଦର୍ଶନ କରିଛନ୍ତି । ସିଙ୍ଗାପୁରର ଉନ୍ନତ ଶିଳ୍ପ ଇକୋସିଷ୍ଟମରୁ ଓଡ଼ିଶାର ପାରାଦ୍ବୀପରେ ବିନିଯୋଗ କରିବାକୁ ସରକାର ଲକ୍ଷ୍ୟ ରଖିଛନ୍ତି । ଫଳରେ PCPIR ବା ପେଟ୍ରୋଲିୟମ, କେମିକାଲ୍ସ ଏବଂ ପେଟ୍ରୋକେମିକାଲ୍ସ ବିନିଯୋଗ ଅଞ୍ଚଳର ବିକାଶକୁ ତ୍ୱରାନ୍ୱିତ କରିବା ପାଇଁ ସରକାର ଧ୍ୟାନ ଦେବେ । ମୁଖ୍ୟମନ୍ତ୍ରୀ ମୋହନ ମାଝୀ, ସିଙ୍ଗାପୁର ଉପ ପ୍ରଧାନମନ୍ତ୍ରୀ ତଥା ଶିଳ୍ପ ମନ୍ତ୍ରୀଙ୍କୁ ଭେଟିଥିବାବେଳେ, ଉପସ୍ଥିତ ଥିଲେ ଓଡ଼ିଶାର ଶିଳ୍ପମନ୍ତ୍ରୀ ସଂପଦ ସ୍ବାଇଁ ଏବଂ ଶିଳ୍ପ ବିଭାଗ ସଚିବ ହେମନ୍ତ ଶର୍ମା । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ନେତୃତ୍ବରେ ସିଙ୍ଗାପୁର ଯାତ୍ରା କରିଥିବା ଓଡ଼ିଶାର ଉଚ୍ଚସ୍ତରୀୟ ପ୍ରତିନିଧି ଦଳ ୧୭ ତାରିଖରୁ ସେଠାରେ ଥିବା ବେଳେ, ଆସନ୍ତା ୨୦ ତାରିଖ ପର୍ଯ୍ୟନ୍ତ ରହିବେ ।
ଓଡ଼ିଶାରେ ପୁଞ୍ଜି ନିବେଶକୁ ପ୍ରାଥମିକତା:
ମୁଖ୍ୟମନ୍ତ୍ରୀ ମୋହନ ମାଝୀ ପ୍ରଥମ ଥର ପାଇଁ ବିଦେଶ ଗସ୍ତରେ ଥିବା ବେଳେ, ତାଙ୍କ ଗସ୍ତର ମୁଖ୍ୟ ଉଦ୍ଦେଶ୍ୟ ରହିଛି, ଓଡ଼ିଶାକୁ ଅଧିକରୁ ଅଧିକ ନିବେଶକାରୀଙ୍କୁ ଆକୃଷ୍ଟ କରିବା ସହ ଅଧିକ ପୁଞ୍ଜି ନିବେଶ ପାଇଁ ପରିବେଶ ସୃଷ୍ଟି କରିବା । ବିଶେଷ କରି ପେଟ୍ରୋକେମିକାଲ ପ୍ରକ୍ରିୟାକରଣ, ଲଜିଷ୍ଟିକ ଏକୀକରଣ ଏବଂ ଓଡିଶାର ଶିଳ୍ପ ପ୍ରତିଦ୍ୱନ୍ଦ୍ୱିତାକୁ ବଢ଼ାଇବା ପାଇଁ ବିଶ୍ଵର ସର୍ବୋତ୍ତମ ଅଭ୍ୟାସ ଗ୍ରହଣ କରିବାରେ ସମ୍ଭାବ୍ୟ ସହଯୋଗ ଉପରେ ଆଲୋଚନା ହୋଇଛି । ସ୍ଥାୟୀ ତଥା ପ୍ରତିଯୋଗିତାମୂଳକ ଶିଳ୍ପ ଇକୋସିଷ୍ଟମ ନିର୍ମାଣରେ ସିଙ୍ଗାପୁରର ପାରଦର୍ଶିତାକୁ ଅନୁସନ୍ଧାନ କରି ଓଡ଼ିଶାକୁ ପେଟ୍ରୋକେମିକାଲ ଏବଂ ସହଯୋଗୀ ଶିଳ୍ପ ପାଇଁ ଏକ ହବ୍ ଭାବରେ ସ୍ଥାନିତ କରିବାକୁ ଏହି ପ୍ରତିନିଧି ଲକ୍ଷ୍ୟ ରଖିଛନ୍ତି । ପ୍ରତିନିଧି ଦଳରେ ମୁଖ୍ୟ ଶାସନ ସଚିବ ମନୋଜ କୁମାର ଆହୁଜା, ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟ ଶାସନ ସଚିବ ନିକୁଞ୍ଜ ବିହାରୀ ଧଳ, ଶିଳ୍ପ ବିଭାଗର ପ୍ରମୁଖ ଶାସନ ସଚିବ ହେମନ୍ତ କୁମାର ଶର୍ମା, ଇପିକଲ ଏମଡି ଭୁପିନ୍ଦର ସିଂ ପୁନିଆ ଓ ବରିଷ୍ଠ ଅଧିକାରୀ ଅଛନ୍ତି ।
ମୁମ୍ବାଇ ଓ ଦିଲ୍ଲୀରେ ସରିଛି ରୋଡ ସୋ:
ସିଙ୍ଗାପୁର ଗସ୍ତ ପୂର୍ବରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଦେଶ ଭିତରେ ଦୁଇ ଦୁଇଟି ରୋଡ ସୋ କରି ସାରିଛନ୍ତି । ମୁଖ୍ୟମନ୍ତ୍ରୀ ଦିଲ୍ଲୀ ଏବଂ ମୁମ୍ବାଇରେ ନିବେଶକ ଏବଂ ଶିଳ୍ପପତିମାନଙ୍କ ସହ ୱାନ ଟୁ ୱାନ ଆଲୋଚନା କରିସାରିଛନ୍ତି ।
In Singapore, met with Mr. Wong Kim Yin, Group President and CEO of Sembcorp Industries Limited, along with senior officials, at their 30 Hill Street headquarters. The discussions focused on Sembcorp’s upcoming Green Ammonia Project in Odisha and other renewable energy… pic.twitter.com/VuzAWo2fUq
— Mohan Charan Majhi (@MohanMOdisha) November 17, 2024
In Singapore, met with Mr. Wong Kim Yin, Group President and CEO of Sembcorp Industries Limited, along with senior officials, at their 30 Hill Street headquarters. The discussions focused on Sembcorp’s upcoming Green Ammonia Project in Odisha and other renewable energy… pic.twitter.com/VuzAWo2fUq
— Mohan Charan Majhi (@MohanMOdisha) November 17, 2024
ଇଟିଭି ଭାରତ, ଭୁବନେଶ୍ବର
