ହାଇଦ୍ରାବାଦ: ଆଜି ବଲିଉଡ ଅଭିନେତା ସହିଦ କପୁରଙ୍କ 42 ତମ ଜନ୍ମଦିନ। ସେ ଅଭିନୟ ଦୁନିଆରେ ଯେପରି ସଫଳ ହୋଇପାରିଛନ୍ତି ସେପରି ନିଜ ବ୍ୟକ୍ତିଗତ ଜୀବନରେ ମଧ୍ୟ ସମସ୍ତ ଭୂମିକାକୁ ନିଖୁଣ ଭାବରେ ପ୍ରତିପାଦିତ କରିଛନ୍ତି। ତେବେ ଆଜିର ଦିନରେ ସେ ସୋସିଆଲ ମିଡିଆ ହ୍ୟାଣ୍ଡେଲରେ ତାଙ୍କ କିଛି ସୁନ୍ଦର ବ୍ୟକ୍ତିଗତ ଜୀବନର ମୁହୂର୍ତ୍ତକୁ ସେୟାର କରିଥିବା ନଜର ଆସିଛନ୍ତି।
ବଲିଉଡ ଅଭିନେତା ସାହିଦ କପୁର ଏବଂ ତାଙ୍କ ସ୍ତ୍ରୀ ମୀରା ରାଜପୁତଙ୍କ ସହ ଆରେଞ୍ଜ ମ୍ୟାରେଜ କରିଥିବା ବେଳେ ଆଜିର ଦିନରେ ବିବାହକୁ ନେଇ ରହିଥିବା ଧାରଣାକୁ ଅସ୍ବୀକାର କରିଛନ୍ତି ପତ୍ନୀ ମୀରା। ଏହି ଦମ୍ପତି 2015ରେ ବିବାହ ବନ୍ଧନରେ ବାନ୍ଧି ହୋଇଥିଲେ ଏବଂ ଏମାନଙ୍କ 2ଟି ସନ୍ତାନ ରହିଛନ୍ତି । ତେବେ ସାହିଦ ଏବଂ ମୀରା ନିଜ ପିତା ମାତା ହେବା ନେଇ ମଧ୍ୟ ବେଶ ଗର୍ବ ଅନୁଭବ କରନ୍ତି । ସାହିଦ ଛୁଟିରେ ନିଜ ପରିବାର ସହ ସମୟ ବିତାଉଥିବାର ଅନେକ ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ଏବଂ ସେ ସ୍ବୀକାର କରିଛନ୍ତି, ଛୁଆଙ୍କ ବିନା ମୁଁ ବଞ୍ଚିପାରିବିନି ଏବଂ ମୋ ଜୀବନରେ ସେମାନଙ୍କୁ ପାଇ ମୁଁ ବେଶ ଧନ୍ୟ ମନେ କରୁଛି ।
ତେବେ ଜନ୍ମଦିନ ଅବସରରେ ବଲିଉଡ ଅଭିନେତା ସହିଦ କପୁର ପିତା ପଙ୍କଜ କପୁରଙ୍କ ଏକ ଫଟୋ ସେୟାର କରିଛନ୍ତି। ଉଭୟ ଅନେକ ଫିଲ୍ମରେ ବାପା-ପୁଅ ଚରିତ୍ରରେ ଏକାଠି ଅଭିନୟ କରିଛନ୍ତି । ଫିଲ୍ମ ମଧ୍ୟରେ 2011ରେ ମାଉସମ୍, 2015ରେ ଶଣ୍ଡାର, ପରେ 2022ରେ ଜର୍ସି ଭଳି 3ଟି ଫିଲ୍ମରେ ଏକାଠି ଅଭିନୟ କରିଛନ୍ତି। ସେହିପରି ସାହିଦ ମା' ନୀଳିମାଙ୍କ ସହ ମଧ୍ୟ ଏକ ଫଟୋ ସେୟାର କରିଛନ୍ତି। ଯେଉଁଥିରେ ସେ ତାଙ୍କ ମାଙ୍କୁ ଆଲିଙ୍ଗନ କରିଥିବା ନଜର ଆସିଥିବା ବେଳେ ମା'-ପୁଅର ରହିଥିବା ନିବିଡ଼ ସମ୍ପର୍କ ପ୍ରତିପାଦିତ ହେଉଛି।
ସେହିପରି ସାହିଦ ସାନ ଭାଇ ତଥା ଅଭିନେତା ଇସାନ ଖଟ୍ଟରଙ୍କ ସହ ଏକ ଫଟୋ ମଧ୍ୟ ସେୟାର କରିଛନ୍ତି। ଏହି ଫଟୋରେ ଉଭୟଙ୍କ ମଧ୍ୟରେ ଥିବା ଦୃଢ ସମ୍ପର୍କ ନଜର ଆସିଛି। ତେବେ ଇସାନ ଖଟ୍ଟର ସାହିଦଙ୍କ ସ୍ତ୍ରୀ ମୀରା ରାଜପୁତଙ୍କ ସହ ମଧ୍ୟ ନିକଟତର ରହିଛନ୍ତି। ଏଥିସହ ସାହିଦ ଭଉଣୀ ସନହା କପୁର ସହ ମଧ୍ୟ ବହୁ ନିକଟତର ରହିଛନ୍ତି। ସନହା କପୁର କିଛି ଦିନ ପୂର୍ବେ ମୟଙ୍କ ପହୱାଙ୍କୁ ବିବାହ କରିଛନ୍ତି ।
ସୂଚନା ଥାଉ କି, ଅଭିନେତା ସାହିଦ କପୁରଙ୍କ ୱେବସିରିଜ ଫର୍ଜି ଆମାଜନ ପ୍ରାଇମରେ ଫେବୃୟାରୀ 10ରେ ରିଲିଜ ହୋଇଥିଲା। ଏହି ସିରିଜ ଏବେ ବେଶ ଲୋକପ୍ରିୟତା ହାସଲ କରିଥିବା ବେଳେ ସପଳ ମଧ୍ୟ ହୋଇପାରିଛି।
