ହାଇଦ୍ରାବାଦ: ବଲିଉଡ ଅଭିନେତ୍ରୀ ଜାହ୍ନବୀ କପୁରଙ୍କ ନୂଆ ଫିଲ୍ମ 'ଗୁଡ୍ ଲକ୍ ଜେରୀ' (Good Luck Jerry)ର ଟ୍ରେଲର ଗୁରୁବାର ଦିନ ମୁକ୍ତିଲାଭ କରିଛି । ଟ୍ରେଲରରୁ ଏହା ଜଣାପଡିଛି ଯେ, ଜାହ୍ନବୀ କପୁର ବିହାରୀ ଝିଅ ଚରିତ୍ରରେ ଅଭିନୟ କରୁଛନ୍ତି, ଯିଏ ବିହାରରୁ ପଞ୍ଜାବକୁ କାମ ଖୋଜିବା ପାଇଁ ଆସିଛି । ଏହାପୂର୍ବରୁ ଫିଲ୍ମର ପ୍ରଥମ ପୋଷ୍ଟର ସେୟାର କରାଯାଇଥିଲା ।
- " class="align-text-top noRightClick twitterSection" data="">
2.50 ମିନିଟର ଟ୍ରେଲରର ଆରମ୍ଭ ହୁଏ ଜାହ୍ନବୀ କପୁରଙ୍କଠାରୁ, ଯିଏ ପଞ୍ଜାବର ଜଣେ ବ୍ୟକ୍ତିଙ୍କୁ କାମ ମାଗୁଛନ୍ତି । କାହିଁକି ନା ତାଙ୍କ ମାଆଙ୍କ ଚିକିତ୍ସା ପାଇଁ ଟଙ୍କା ଦରକାର । ଏହା ପରେ ଜାହ୍ନବୀ କପୁର ଅନ୍ୟମାନଙ୍କର ମସାଜ୍ କରୁଥିବା ଦେଖାଯାଏ । ଟ୍ରେଲରରେ ଦର୍ଶାଯାଇଛି ଯେ, ମସାଜ୍ ସେଣ୍ଟର ନାଁରେ ଅଶ୍ଳୀଳ କାମ କରାଯାଉଛି, ଯେଉଁଠାରେ ଜାହ୍ନବୀ କପୁର ମଧ୍ୟ କାମ କରୁଛନ୍ତି ।
ଜାହ୍ନବୀଙ୍କ ଚରିତ୍ରର ନାମ ଜେରୀ, ତାଙ୍କୁ ଏହି ଫିଲ୍ମରେ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଛି । ଏହି ସମୟରେ ଟ୍ରେଲରରେ ହାସ୍ୟ ଅଭିନେତା ଦୀପକ ଡୋବ୍ରିଆଲଙ୍କ ଝଲକ ମଧ୍ୟ ଦେଖିବାକୁ ମିଳିଛି। ଏହି ଚଳଚ୍ଚିତ୍ରରେ କ୍ରାଇମ ପେଟ୍ରୋଲରେ ନଜର ଆସିଥିବା ସୁଶାନ୍ତ ସିଂ ଭିଲେନ ଭୂମିକାରେ ଅଭିନୟ କରିଛନ୍ତି। ଫିଲ୍ମର ପ୍ରଥମ ପୋଷ୍ଟର ସେୟାର କରି ଜାହ୍ନବୀ କପୁର ଲେଖିଛନ୍ତି, 'ବାହାରି ପଡିଛି ଏକ ନୂଆ ଆଡଭେନ୍ଚର ସହିତ ... ଗୁଡ୍ ଲକ୍ କହିବନି'। ଫିଲ୍ମଟି ଜୁଲାଇ 29 ରୁ ଡିସ୍ନି ପ୍ଲସ୍ ହଟଷ୍ଟାରରେ ପ୍ରସାରିତ ହେବ । ଏହି ଫିଲ୍ମରେ ଜାହ୍ନବୀଙ୍କ ବ୍ୟତୀତ ଦୀପକ ଡୋବ୍ରିଆଲ, ମୀତା ବରିଷ୍ଠ, ନୀରଜ ସୁଦ ଏବଂ ସୁଶାନ୍ତ ସିଂ ନଜର ଆସିବେ।
ବ୍ୟୁରୋ ରିପୋର୍ଟ, ଇଟିଭି ଭାରତ
