ମୁମ୍ବାଇ: ବଲିଉଡର ଜୁନିୟର ବଚ୍ଚନ ଅର୍ଥାତ୍ ଅଭିଷେକ ବଚ୍ଚନଙ୍କ ବହୁ ପ୍ରତୀକ୍ଷିତ କ୍ରୀଡା ଡ୍ରାମା ଚଳଚ୍ଚିତ୍ର 'ଘୁମର'କୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଘୁମର ଚଳଚ୍ଚିତ୍ରରେ ଅଭିଷେକ ବଚ୍ଚନ ଜଣେ କୋଚ୍ ଭୂମିକାରେ ଅଭିନୟ କରିବେ । ଫିଲ୍ମର ରିଲିଜ୍ ତାରିଖ ସହିତ ଅଭିଷେକ ଏବଂ ଅଭିନେତ୍ରୀ ସାୟାମି ଖେରଙ୍କ ପ୍ରଥମ ଲୁକ୍ ରିଲିଜ୍ ହୋଇଛି । ଏହା ସହିତ ଫିଲ୍ମରୁ ଏକ ଟିଜର ମଧ୍ୟ ରିଲିଜ ହୋଇଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଆର୍ ବାଲ୍କି ।
ଫିଲ୍ମ ଘୁମରରୁ ସାମ୍ନାକୁ ଆସିଥିବା ଟିଜରରେ ଅଭିଷେକ ବଚ୍ଚନଙ୍କ କୋଚ୍ ଲୁକ୍ ବହୁତ ଶକ୍ତିଶାଳୀ ନଜର ଆସୁଛି । ଏଥିସହିତ ତାଙ୍କ ପାଖରେ ଠିଆ ହୋଇଥିବା ଅଭିନେତ୍ରୀ ସାୟାମି କ୍ରିକେଟର ଭୂମିକାରେ ନଜର ଆସିଛନ୍ତି । ସାୟାମିଙ୍କ ଭୂମିକା ଅନୁଯାୟୀ, ଏହି ଖେଳାଳିଙ୍କର ହାତ ନାହିଁ । ଏଥି ସହିତ, ଜୁନିୟର ବଚ୍ଚନ ଏହି ପୋଷ୍ଟକୁ ସେୟାର କରି ଲେଖିଛନ୍ତି, 'Lefty hai? Left hi hai, ଘୁମର, ଅଗଷ୍ଟ 18ରେ ପ୍ରେକ୍ଷାଳୟକୁ ଆସୁଛି '।
ଏପଟେ ପ୍ରଶଂସକ ଏବଂ ସେଲିବ୍ରେଟମାନେ ଫିଲ୍ମ ଘୁମରର ଟିଜର ଏବଂ ଅଭିଷେକ-ସାୟାମୀଙ୍କ ଲୁକ ପସନ୍ଦ କରୁଛନ୍ତି, ଯାହାକି ସୋସିଆଲ ମିଡିଆରେ ଭାଇରାଲ ହୋଇଛି । ଅଭିଷେକଙ୍କ ଭାଣିଜୀ ନବ୍ୟା ନବେଲି ନନ୍ଦା ଏହି ଟିଜରରେ ଏକ ହାର୍ଟ ଇମୋଜି ସେୟାର କରିଥିବାବେଳେ ଅଭିନେତ୍ରୀ ନିମ୍ରତ କୌର ଏହାକୁ ଖୁବ୍ ସୁନ୍ଦର ବୋଲି ବର୍ଣ୍ଣନା କରିଛନ୍ତି ।
ଏହା ମଧ୍ୟ ପଢନ୍ତୁ: Chandramukhi 2: ସାମ୍ନାକୁ ଆସିଲା ରାଘବ ଲରେନ୍ସଙ୍କ ଫାଷ୍ଟ ଲୁକ୍, ଦମଦାର ଅବତାରରେ ଆସିଲେ ନଜର
ଏହି ଚଳଚ୍ଚିତ୍ରରେ ଅଭିଷେକ ବଚ୍ଚନ, ଶବାନା ଆଜମୀ, ସାୟାମି ଖୈର ଅଙ୍ଗଦ ବେଦୀ ପ୍ରମୁଖ ଭୂମିକାରେ ନଜର ଆସିବେ । ଏଥି ସହ ଅମିତାଭ ବଚ୍ଚନଙ୍କ ଶାନଦାର ଭୂମିକା ମଧ୍ୟ ଏହି ଫିଲ୍ମରେ ଦେଖିବାକୁ ମିଳିବ ବୋଲି କୁହାଯାଉଛି ।
'ଘୁମର' ଟ୍ରେଲର କେବେ ରିଲିଜ ହେବ ?
ନିର୍ମାତାମାନେ କହିଛନ୍ତି ଯେ ଏହି ଫିଲ୍ମ ଆଜିଠାରୁ ତିନି ଦିନ ପରେ ମୁକ୍ତିଲାଭ କରିବ। ଅଭିଷେକ ବଚ୍ଚନଙ୍କ କାର୍ଯ୍ୟ ବିଷୟରେ କହିବାକୁ ଗଲେ ତାଙ୍କୁ ଶେଷ ଥର ପାଇଁ 2022 ମସିହାରେ ଦଶବୀ ଚଳଚ୍ଚିତ୍ରରେ ଦେଖିବାକୁ ମିଳିଥିଲା।
