ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ଶାହାରୁଖ ଖାନଙ୍କ ଅଭିନୀତ ଆକ୍ସନ୍-ଥ୍ରୀଲର ଫିଲ୍ମ 'ଯବାନ'ରେ ବଲିଉଡ ଅଭିନେତ୍ରୀ କିଆରା ଆଡଭାନୀଙ୍କ ଏଣ୍ଟ୍ରି ହୋଇଛି । ନିକଟରେ ଫିଲ୍ମର ପ୍ରିଭ୍ୟୁରେ ଶାହାରୁଖଙ୍କ ଲୁକ ସମସ୍ତଙ୍କୁ ବେଶ ଆକର୍ଷିତ କରିଥିବା ବେଳେ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ବଢାଇ ଦେଇଥିଲା । ଏହାରି ମଧ୍ୟରେ ବର୍ତ୍ତମାନ କିଆରାଙ୍କ ଏଣ୍ଟ୍ରି ଖବର ସମସ୍ତଙ୍କ ଉତ୍ସାହକୁ ଦ୍ବିଗୁଣିତ କରିଛି ।
- " class="align-text-top noRightClick twitterSection" data="">
ଶାହାରୁଖ ଖାନଙ୍କ ଫିଲ୍ମ 'ଯବାନ୍' ଆସନ୍ତା ସେପ୍ଟେମ୍ବର ମାସରେ ରିଲିଜ ହେବାକୁ ଯାଉଛି । ଫିଲ୍ମରେ ସାଉଥ ଅଭିନେତ୍ରୀ ନୟନତାରା ଏବଂ ଅଭିନେତା ବିଜୟ ସେଥୁପତି ନଜର ଆସିବାକୁ ଥିବା ବେଳେ ବଲିଉଡ ମସ୍ତାନୀ ଦୀପିକା ପାଦୁକୋନ ମଧ୍ୟ ନଜର ଆସିବେ । ବର୍ତ୍ତମାନ ଏହି ଖବର ସାମ୍ନାକୁ ଆସିଛି ଯେ, ଫିଲ୍ମରେ କିଆରା ଆଡଭାନୀ ମଧ୍ୟ ନଜର ଆସିବେ । ଏହା ବ୍ୟତୀତ ଫିଲ୍ମରେ 'ଡଙ୍ଗଲ ଗର୍ଲ' ସାନିଆ ମାଲହୋତ୍ରା ମଧ୍ୟ ନଜର ଆସିବେ । କେବଳ ଏତିକି ନୁହେଁ ବଲିଉଡ ଅଭିନେତା ସଞ୍ଜୟ ଦତ୍ତଙ୍କୁ ମଧ୍ୟ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ । କୁହାଯାଉଛି ଯେ ଦୀପିକା ପାଦୁକୋନଙ୍କ ସହ ସଞ୍ଜୟ ଦତ୍ତ ଫିଲ୍ମ 'ଯବାନ'ରେ କେମିଓ ରୋଲରେ ଦେଖିବାକୁ ମିଳିବ।
ଚଳଚ୍ଚିତ୍ର ଯବାନରେ କିଆରା ଆଡଭାନୀଙ୍କ ଭୂମିକା କ’ଣ ହେବ?
ଗଣମାଧ୍ୟମ ରିପୋର୍ଟ ଅନୁଯାୟୀ କିଆରା ଫିଲ୍ମ ଯବାନରେ ତାଙ୍କ କେମିଓ ରୋଲ ପାଇଁ ସୁଟିଂ କରିଛନ୍ତି । କୁହାଯାଉଛି ଯେ ତାଙ୍କୁ ଫିଲ୍ମର ଏକ ଗୀତରେ କେମିଓ ରୋଲରେ ଅଭିନୟ କରିଛନ୍ତି । ତେବେ କିଆରା ଶାହାରୁଖଙ୍କ ସହ ପ୍ରଥମ ଥର ପାଇଁ ନଜର ଆସିବେ, କିନ୍ତୁ ଏହି ଖବର ଉପରେ ଯବାନ ନିର୍ମାତାଙ୍କର କୌଣସି ଆନୁଷ୍ଠାନିକ ଘୋଷଣା କରିନାହାନ୍ତି ।
ଏହା ମଧ୍ୟ ପଢନ୍ତୁ: କିଙ୍ଗ ଖାନଙ୍କ ପାଇଁ ହୃଦୟସ୍ପର୍ଶୀ ନୋଟ ଲେଖିଲେ ଅଟଲି
ସୂଚନା ଥାଉ କି, ବର୍ତ୍ତମାନ କିଆରା ଫିଲ୍ମ 'ସତ୍ୟପ୍ରେମ କି କଥା'ରେ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ବିପକ୍ଷରେ ନଜର ଆସିଛନ୍ତି । ସେ ଫିଲ୍ମରେ କଥାର ଚରିତ୍ରରେ ଅଭିନୟ କରିଛନ୍ତି । ଏହି ଫିଲ୍ମ ବକ୍ସ ଅଫିସରେ ହିଟ୍ ହୋଇ 100 କୋଟି କ୍ଲବରେ ସାମିଲ ହୋଇସାରିଛି । 'ସତ୍ୟପ୍ରେମ କି କଥା' 29 ଜୁନରେ ରିଲିଜ କରିଥିଲା । ଭାରତୀୟ ବକ୍ସ ଅଫିସରେ ଏହି ଫିଲ୍ମ ବର୍ତ୍ତମାନ 70କୋଟିରୁ ଅଧିକ ରୋଜଗାର କରିସାରିଲାଣି । ଏଥିସହ କିଆରା ବର୍ତ୍ତମାନ ଆଗାମୀ ଫିଲ୍ମ ଗେମ ଚେଞ୍ଜରରେ ନଜର ଆସିବେ। ଏହି ଫିଲ୍ମରେ ସେ ସାଉଥ ସୁପରଷ୍ଟାର ରାମଚରଣଙ୍କ ବିପକ୍ଷରେ ନଜର ଆସିବେ। ଏହି ଫିଲ୍ମ ମକର ସଂକ୍ରାନ୍ତି 2024ରେ ରିଲିଜ ହେବ।
