ହାଇଦ୍ରାବାଦ: ସୋନାକ୍ଷୀ ସିହ୍ନା ଏବଂ ହୁମା କୁରେଶୀ ପ୍ରଥମ ଥର ପାଇଁ ଫିଲ୍ମ 'ଡବଲ୍ ଏକ୍ସଏଲ୍'ରେ ଏକାଠି ନଜର ଆସିବେ । ଏହି ଚଳଚ୍ଚିତ୍ରର ପୋଷ୍ଟର ବ୍ୟତୀତ ଫିଲ୍ମର ଟିଜର ମଧ୍ୟ ଦର୍ଶକଙ୍କ ସାମ୍ନାକୁ ଆସିଛି । ଟିଜରରେ ହୁମା କୁରେଶି ଏବଂ ସୋନାକ୍ଷୀ ସିହ୍ନା ସମ୍ପୂର୍ଣ୍ଣ ଭିନ୍ନ ଅବତାରରେ ନଜର ଆସିଥିଲେ । ଟିଜର ଏବଂ ପୋଷ୍ଟର ପରେ ଶେଷରେ ଟି-ସିରିଜ୍ ବହୁ ପ୍ରତୀକ୍ଷିତ କମେଡି ଫିଲ୍ମ 'ଡବଲ୍ ଏକ୍ସଏଲ୍'ର ଟ୍ରେଲର ଦର୍ଶକଙ୍କ ସାମ୍ନାକୁ ଆସିଛି। ଏହି ଚଳଚ୍ଚିତ୍ର ଝିଅମାନଙ୍କ ମୋଟାପଣକୁ ନେଇ ତାଙ୍କର ବଡି ଶେମିଂ କରାଇଥିବା ଲୋକଙ୍କୁ ଏକ ଉପଯୁକ୍ତ ଉତ୍ତର ଦେଇଥାଏ । 'ଡବଲ୍ ଏକ୍ସଏଲ୍'ର ଛୋଟ ଟ୍ରେଲର ବହୁତ ଜବରଦସ୍ତ ହୋଇଛି ।
- " class="align-text-top noRightClick twitterSection" data="">
ଏହି ଟ୍ରେଲରର ଆରମ୍ଭ ହେଉଛି ଜଣେ ଡବଲ୍ ଏକ୍ସଏଲ୍ ସାଇଜ୍ର ଝିଅ ହୁମା କୁରେଶିଙ୍କ ସ୍ୱପ୍ନରୁ, ଯିଏ ଏକ ବଡ ବଡ଼ ସ୍ୱପ୍ନ ଦେଖେ । ତାଙ୍କ ସ୍ୱପ୍ନରେ ସେ ଯେତେବେଳେ କ୍ରିକେଟର ଶିଖର ଧୱନଙ୍କ ସହ ନାଚୁଥିବାର ଦେଖନ୍ତି, ସେତେବେଳେ ତାଙ୍କ ମାଆ ଆସି ତାଙ୍କୁ ଉଠାଇ ଦିଅନ୍ତି । ହୁମା ଜଣେ ବନ୍ଧୁଙ୍କୁ କହନ୍ତି କି, ସେ ଏକ କ୍ରୀଡା ଚ୍ୟାନେଲର ଆଙ୍କର୍ ହେବାକୁ ଚାହାଁନ୍ତି, କିନ୍ତୁ ସେ ତାଙ୍କୁ ନିରାଶ କରନ୍ତି ଏବଂ ତାଙ୍କୁ ବହୁତ ହେଲ୍ଦି ବୋଲି କହି ଥଟ୍ଟା କରନ୍ତି ।
ଅନ୍ୟପକ୍ଷରେ ସୋନାକ୍ଷୀ ସିହ୍ନାଙ୍କ ପ୍ରେମିକ ମଧ୍ୟ ଶରୀରର ଆକାର ହେତୁ ତାଙ୍କୁ ଧୋକା ଦିଅନ୍ତି । ଯେଉଁଥିପାଇଁ ସେ ବହୁତ ଦୁଃଖୀ ହୋଇଯାଆନ୍ତି ଏବଂ ଏହି ସମୟରେ ସେ ଏକ ସପିଂ ମଲରେ ସୋନାକ୍ଷୀ ସିହ୍ନାଙ୍କୁ ଭେଟନ୍ତି ଏବଂ ଏହିଠାରୁ ଆଗକୁ ବଢିଥାଏ କାହାଣୀ।
ଏହି ଟ୍ରେଲରଗୁଡିକ ସେହି ଝିଅମାନଙ୍କ ପାଇଁ ଏକ ପ୍ରତ୍ୟକ୍ଷ ବାର୍ତ୍ତା, ଯେଉଁମାନେ ଅନ୍ୟମାନଙ୍କ ଆଦେଶରେ ନିଜ ଶରୀରର ଆକାର ବିଷୟରେ ସଚେତନ ହୁଅନ୍ତି ଏବଂ କାହାର ଥଟ୍ଟା ଏବଂ ଅପମାନ ହେତୁ ନିଜ୍ ସ୍ୱପ୍ନ ଦେଖିବା ବନ୍ଦ କରିଦିଅନ୍ତି। ଏହି ଚଳଚ୍ଚିତ୍ରରେ ହୁମା କୁରେଶି ଏବଂ ସୋନାକ୍ଷୀଙ୍କ ବ୍ୟତୀତ ଜହିର ଇକବାଲ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ।
ଉଲ୍ଲେଖନୀୟ ଯେ, କ୍ୟାଟ୍ରିନା କୈଫଙ୍କ ଫିଲ୍ମ ଫୋନ୍ ଭୁତ୍ ଏବଂ ସୋନାକ୍ଷୀ ସିହ୍ନାଙ୍କ ଡବଲ୍ ଏକ୍ସଏଲ ସେହି ଦିନ ପ୍ରେକ୍ଷାଳୟରେ ମୁକ୍ତିଲାଭ କରୁଛି । ନଭେମ୍ବର 4ରେ ଏହି ଫିଲ୍ମ ବଡ ପରଦାରେ ଆସିବ । ସତରାମ ରମଣ ଡବଲ୍ ଏକ୍ସଏଲ୍ ଚଳଚ୍ଚିତ୍ରର ନିର୍ଦ୍ଦେଶନା ଦେଉଥିବାବେଳେ ହୁମା କୁରେଶୀ ଏବଂ ସାକିବ ସଲିମ ଭୂଷଣ କୁମାରଙ୍କ ସହ ଫିଲ୍ମ ମଧ୍ୟ ପ୍ରସ୍ତୁତ କରୁଛନ୍ତି ।
