ହାଇଦ୍ରାବାଦ: ସାଉଥ ଲୋକପ୍ରିୟ ଅଭିନେତ୍ରୀ ସାମନ୍ଥା ରୁଥ ପ୍ରଭୁ ବର୍ତ୍ତମାନ ଅଭିନୟରୁ ବିରତି ନେଇଛନ୍ତି । ଏହାରି ମଧ୍ୟରେ ଆଜିକାଲି ସେ ବ୍ୟକ୍ତିଗତ ଜୀବନ ପାଇଁ ସେ ଶିରୋନାମାରେ ରହିଛନ୍ତି । ସାମନ୍ଥା ଏବଂ ନାଗା ଚୈତନ୍ୟ 2021 ମସିହାରେ ଅଲଗା ହେବା ନେଇ ଘୋଷଣା କରିଥିଲେ । ହେଲେ ନିକଟରେ ଉଭୟ ପ୍ୟାଚଅପ କରିଥିବା ନେଇ ଚର୍ଚ୍ଚା ଜୋର ଧରିଥିଲା । ଏହି ରୁମର୍ ଖବର ମଧ୍ୟରେ ଏବେ ସାମନ୍ଥାଙ୍କ ଏକ ପୋଷ୍ଟ ସାମ୍ନାକୁ ଆସିଛି । ଯେଉଁଥିରେ ସେ ନାଗାଙ୍କ ଟାଟୁକୁ ହଟାଇଥିବା ଦେଖିବାକୁ ମିଳିଛି । ଫଳରେ ଏହି ପୋଷ୍ଟ ସେମାନଙ୍କ ପ୍ୟାଚଅପ ହେବା କଳ୍ପନା ଜଳ୍ପନାର ଅନ୍ତ ଘଟାଇଛି ।
ସୂଚନା ଥାଉ କି, ସାମନ୍ଥା ରୁଥ ପ୍ରଭୁ ଚୈତନ୍ୟଙ୍କ ଡାକନାମ ଚୈ’ଙ୍କ ନାଁରେ ତାଙ୍କ ରିବ(RIB)ରେ ଟାଟୁ କରିଥିଲେ । ଦୁହେଁ ଏକାଠି ଥିବାବେଳେ ଏହି ଟାଟୁ କରାଯାଇଥିଲା । ଏହି ଟାଟୁ ଏପ୍ରିଲ୍ ପର୍ଯ୍ୟନ୍ତ ସାମନ୍ଥାଙ୍କ ଫଟୋରେ ଦେଖିବାକୁ ମିଳିଥିଲା । ଯେତେବେଳେ ସାମନ୍ଥା ପ୍ରିୟଙ୍କା ଚୋପ୍ରାଙ୍କ ସିଟାଡେଲର ପ୍ରିମିୟର ପାଇଁ ଲଣ୍ଡନ ଯାଇଥିଲେ । ହେଲେ ବର୍ତ୍ତମାନ ସାମନ୍ଥାଙ୍କ ନୂଆ ଫଟୋରେ ଟାଟୁ ଦେଖିବାକୁ ମିଳୁନି । ଏହାର ଅର୍ଥ ହେଉଛି ପ୍ୟାଚଅପର ଖବର ମିଥ୍ୟା ଅଟେ । ସାମନ୍ଥା ନିଜ ଇନଷ୍ଟାଗ୍ରାମରେ ପିଙ୍କ ରଙ୍ଗର ଶାଢୀରେ ଅନେକ ଫଟୋ ସେୟାର କରିଛନ୍ତି । ସେ ଏହି ଫଟୋ ଗୁଡ଼ିକରେ ଖୁବ ସୁନ୍ଦର ଦେଖାଯିବା ସହ ଭିଭିନ୍ନ ପୋଜ ଦେଇଛନ୍ତି । ଏହି ଫଟୋ ଗୁଡ଼ିକରେ ସାମନ୍ଥାଙ୍କ ରିବ(RIB) ଦେଖିବାକୁ ମିଳିଛି । ଯେଉଁଥିରେ ଟାଟୁ ନଜର ଆସୁନି ।
ନିକଟରେ ନାଗା ଚୈତନ୍ୟ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଯେଉଁଥିରେ ସେ ସାମନ୍ଥାଙ୍କ କୁକୁର ହଷଙ୍କ ସହ ନଜର ଆସିଥିଲେ । ଏହି ପୋଷ୍ଟ ସେୟାର କରି ନାଗା ଲେଖିଛନ୍ତି, ଭାଇବ୍ । ତେବେ ପୋଷ୍ଟରୁ ଛାଡପତ୍ର ପରେ ବି ନାଗା ସାମନ୍ଥାଙ୍କ କୁକୁର ହଷଙ୍କ ସହ ସମୟ ଅତିବାହିତ କରୁଥିବା ଜଣାପଡିଥିଲା । ଯାହାକୁ ନେଇ ଉଭୟଙ୍କ ମଧ୍ୟରେ ପ୍ୟାଚଅପ୍ ହୋଇଥିବା ନେଇ ଅନୁମାନ କରାଯାଉଥିଲା ।
ଏହା ମଧ୍ୟ ପଢନ୍ତୁ: ସାମନ୍ଥାଙ୍କ ସହ ନାଗା ଚୈତନ୍ୟ କଲେ କି ପ୍ୟାଚଅପ୍ ? ଅଭିନେତାଙ୍କ ଫଟୋ ଦେଲା ହିଣ୍ଟ୍
ସୂଚନା ଥାଉ କି, ସାମନ୍ଥା ଏବଂ ନାଗା ଚୈତନ୍ୟ 2021ରେ ଅଲଗା ହୋଇଥିଲେ । ଏହା ଉଭୟଙ୍କ ଫ୍ୟାନ୍ସଙ୍କୁ ଚକିତ କରିଥିଲା । ସାମନ୍ଥା ଏବଂ ନାଗା ପ୍ରଥମ ଥର ପାଇଁ 2010ରେ ଗୌତମ ମେନନଙ୍କ ୟେ ମାୟା ଚେସାଭଙ୍କ ସେଟରେ ସାକ୍ଷାତ ହୋଇଥିଲେ । ଯାହା ପରେ ଦୁହେଁ ପ୍ରେମରେ ପଡ଼ି ଅକ୍ଟୋବର 2017ରେ ବିବାହ କରିଥିଲେ । କିନ୍ତୁ 4 ବର୍ଷ ପରେ ଏହି କପଲ ଛାଡପତ୍ର ହୋଇଥିଲେ। ସେପଟେ ନାଗା ଚୈତନ୍ୟଙ୍କ ଶୋଭିତା ଧୁଲିପାଲାଙ୍କ ସହ ଡେଟିଂ ନେଇ ରୁମର ଚର୍ଚ୍ଚା ବି ଜୋର ଧରିଛି । କିନ୍ତୁ ଦୁଇଜଣ ଏନେଇ କୌଣସି ପ୍ରତିକ୍ରିୟା ଦେଇନାହାନ୍ତି ।
