ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ବଲିଉଡ ସିଂଘମ ଅଜୟ ଦେବଗନ ଏବଂ ଅଭିନେତ୍ରୀ ରକୁଲ ପ୍ରୀତ ସିଂଙ୍କ ଅଭିନୀତ 'ଦେ ଦେ ପ୍ୟାର ଦେ ଫିଲ୍ମ'ର ସିକ୍ବେଲ ଆସିବାକୁ ଯାଉଛି । ଏହାର ସୁଟିଂ ଆସନ୍ତା ବର୍ଷ ଆରମ୍ଭରୁ ହେବ । ଫିଲ୍ମର ସ୍ବିକେଲ୍ ସେହିଠାରୁ ଆରମ୍ଭ ହେବ ଯେଉଁଠାରୁ ଫିଲ୍ମର କ୍ଲାଇମେକ୍ସ ହେବ ବୋଲି ଜଣାପଡିଛି । ନିକଟରେ ଲଭ୍ ରଞ୍ଜନଙ୍କ ସହ ଅଜୟ ଦେବଗନ ସାକ୍ଷାତ କରିଥିଲେ । ଲଭ ଏବଂ ତରୁଣ ରଞ୍ଜନ ଫିଲ୍ମର ଲେଖକ ଅଟନ୍ତି । ବର୍ତ୍ତମାନ ଲେଖକ ସ୍କ୍ରିପ୍ଟ ପ୍ରସ୍ତୁତ କରିଛନ୍ତି ଯାହା ପ୍ରଥମ ଭାଗକୁ ଆଗକୁ ନେବ । ପ୍ରଥମ ବାଗରେ ଆଶିଷଙ୍କ ପରିବାରର କାହାଣୀ ଦେଖାଯାଇଥିବା ବେଳେ 2ୟ ଭାଗରେ ଆୟଶାଙ୍କ ପରିବାରର କାହାଣୀ ଦେଖିବାକୁ ମିଳିବ ।
'ଦେ ଦେ ପ୍ୟାର ଦେ' ବକ୍ସ ଅଫିସରେ 100କୋଟିରୁ ଅଧିକ ଆୟ କରି ସଫଳତା ହାସଲ କରିଥିଲା । ଦର୍ଶକ ମଧ୍ୟ ଏହି ଫିଲ୍ମକୁ ବେଶ ପସନ୍ଦ କରିଥିଲେ । ଏହି ପିଲ୍ମରେ ଅଜୟ ଦେବଗନ, ରକୁଲ ପ୍ରୀତ ସିଂ ଏବଂ ତବୁ ମୁଖ୍ୟ ଭୂମିକାରେ ନଜର ଆସିଥିଲେ । ବର୍ତ୍ତମାନ ମିଡିଆ ରିପୋର୍ଟ ଅନୁସାରେ, ଦେ ଦେ ପ୍ୟାର ଦେ ଫିଲ୍ମର ସିକ୍ବେଲ ଆସିବାକୁ ଯାଉଛି । ସମାନ କାଷ୍ଟ ସହ ନିର୍ମାତା ଏହି ଫିଲ୍ମ ପ୍ରସ୍ତୁତ କରିବେ ବୋଲି ଜଣାପଡିଛି । ଆସନ୍ତା ବର୍ଷ ଆରମ୍ଭରୁ ଫିଲ୍ମର ସୁଟିଂ ଆରମ୍ଭ ହେବ ।
ପ୍ରଥମ ଫିଲ୍ମଟିକୁ ଲଭ୍ ରଞ୍ଜନ ନିର୍ଦ୍ଦେଶନା ଦେଇଥିବା ବେଳେ ଏହାର ସିକ୍ବେଲକୁ ଅଂଶୁଲ ଶର୍ମା ନିର୍ଦ୍ଦେଶନା ଦେବେ । ଯିଏ 'ସୋନୁ କି ଟିଟୁ କି ସ୍ବିଟି' ଏବଂ 'ତୁ ଝୁଟି ମେ ମକ୍କାର' ଭଳି ହିଟ୍ ଫିଲ୍ମରେ କ୍ରିଏଟିଭ ନିର୍ଦ୍ଦେଶକ ଭାବେ କାମ କରିଥିଲେ । ଏହା ମଧ୍ୟ କୁହାଯାଉଛି ଯେ, ଅଜୟ ରୋହିତ ସେଟ୍ଟୀଙ୍କ ଫିଲ୍ମ ସିଂଘମ ଏଗେନର ସୁଟିଂ ଶେଷ କରିବା ପରେ ଏହି ଫିଲ୍ମର ସୁଟିଂ ଆରମ୍ଭ କରିବେ । ଅଜୟଙ୍କ ସିକ୍ବେଲ ଫିଲ୍ମ ଗୁଡିକର କଥା କହିବାକୁ ଗଲେ, ଗୋଲମାଲ, ସିଂଘମ ଭଳି ଫିଲ୍ମ ସିକ୍ବେଲ ବେଶ ହିଟ୍ ହେବା ସହ ଲୋକପ୍ରିୟତା ହାସଲ କରିଥିଲା ।
ଏହା ମଧ୍ୟ ପଢନ୍ତୁ: ଅଜୟଙ୍କ ଭଉଣୀ ହେବେ ଦୀପିକା ପାଦୁକୋନ, ରୋହିତ ଶେଟ୍ଟୀଙ୍କ ସିଙ୍ଘମ୍ 3ରେ ହେଲା ଏଣ୍ଟ୍ରି
ଅଜୟ ଆଗାମୀ ଦିନରେ ନୀରଜ ପାଣ୍ଡେଙ୍କ ଫିଲ୍ମ 'ଔରୋ ମେ କହା ଦମ ଥା' ରେ ନଜର ଆସିବେ । ଏହି ଫିଲ୍ମରେ ସେ ପୁଣି ତବୁଙ୍କ ସହ ସ୍କ୍ରିନ୍ ସେୟାର କରିବେ । ଫିଲ୍ମରେ ଅଜୟ, ତବୁଙ୍କ ବ୍ୟତୀତ ଜିମି ଶେର୍ଗିଲ, ଶାନ୍ତନୁ ମହେଶ୍ବରୀ ଏବଂ ସାଇ ମଞ୍ଜରେକର ପ୍ରମୁଖ ଭୂମିକାରେ ନଜର ଆସିବେ । ଫିଲ୍ମର ମ୍ୟୁଜିକ୍କୁ ଓସ୍କାର୍ ବିଜେତା ଏମ କାରଭାନୀ ରଚନା କରିଛନ୍ତି ।
