ହାଇଦ୍ରାବାଦ: ରାମାୟଣ ଉପରେ ଆଧାରିତ ଫିଲ୍ମ 'ଆଦିପୁରୁଷ' ରିଲିଜ ହେବା ପରେ ବିବାଦ ଘେରକୁ ଆସିଛି । ଫିଲ୍ମର ସଂଳାପକୁ ନେଇ ବିଭିନ୍ନ ସ୍ଥାନରେ ଉତ୍ତେଜନା ଦେଖିବାକୁ ମିଳିଥିବା ବେଳେ ନେପାଳରେ ମାତା ସୀତାଙ୍କ ସଂଳାପକୁ ନେଇ ବିରୋଧ କରାଯାଇଛି । ଫିଲ୍ମରେ ମାତା ସୀତାଙ୍କୁ ଭାରତର ଝିଅ ବୋଲି ଦର୍ଶାଯାଇଥିବା ବେଳେ ମାତା ସୀତା ନେପାଳର ବୋଲି ଦାବି କରାଯାଇଛି । ତେବେ ବର୍ତ୍ତମାନ ମାତା ସୀତାଙ୍କ ଜନ୍ମସ୍ଥାନ କେଉଁଠି ନେଇ ପ୍ରଶ୍ନବାଚୀ ସୃଷ୍ଟି ଉଠିଛି ।
ଫିଲ୍ମରେ ମାତା ସୀତାଙ୍କୁ ଭାରତର ଝିଅ ବୋଲି ଦର୍ଶାଯାଇଛି । ଯାହା ନେପାଳ ଲୋକଙ୍କ ଭାବନାକୁ ଆଘାତ ଦେଇଛି । କାଠମାଣ୍ଡୁର ମେୟର ବାଲେନ ଶାହା ଏହି ପ୍ରସଙ୍ଗ ଉଠାଇଥିଲେ । ଗତ ରବିବାର ସେ ଏକ ଟ୍ବିଟ କରି ଏହି ସୂଚନା ଦେଇଥିଲେ । ଏହା ପରେ କାଠମାଣ୍ଡୁ ମ୍ୟୁନିସିପାଲିଟି କର୍ପୋରେସନ୍ ନିଷ୍ପତ୍ତି ନେଇଥିଲା ଯେ ସୀତା ଜୀଙ୍କର ଜନ୍ମ ସ୍ଥାନ ଠିକ୍ ନହେବା ଯାଏଁ ସେ କେବଳ ନେପାଳର ଆଦିପୁରୁଷ ନୁହେଁ କୌଣସି ଭାରତୀୟ ଚଳଚ୍ଚିତ୍ର ପ୍ରେକ୍ଷାଳୟରେ ଚଲାଇବେ ନାହିଁ । କାଠମାଣ୍ଡୁ ପରେ ପୋଖରାରେ ଫିଲ୍ମକୁ ବରୋଧ କରି ବ୍ୟାନ କରାଯାଇଛି ।
ମାତା ସୀତାଙ୍କୁ ନେପାଳର ଏକ ଝିଅ କୁହାଯାଏ । ସେଠାକାର ଲୋକମାନେ ବିଶ୍ୱାସ କରନ୍ତି ଯେ ଭାରତୀୟ ସୀମା ନିକଟସ୍ଥ ମଧେଶ ରାଜ୍ୟର ରାଜଧାନୀ ଜନକପୁର ହେଉଛି ମାତା ସୀତାଙ୍କର ଜନ୍ମସ୍ଥାନ । ଏପରିକି ବାଲ୍ମିକୀ ରାମାୟଣରେ ମଧ୍ୟ ଜନକପୁରକୁ ମାତା ସୀତାଙ୍କ ଜନ୍ମସ୍ଥାନ ଏବଂ ବିବାହ ସ୍ଥାନ ଭାବରେ ମଧ୍ୟ ଉଲ୍ଲେଖ କରାଯାଇଛି । ଏହା ସହିତ, ଲୋକମାନେ ଅନ୍ୟ ଏକ ଯୁକ୍ତି ମଧ୍ୟ ଦେଇଛନ୍ତି । ସେମାନେ କହିଛନ୍ତି ଯେ ରାଜା ଜନକ ମିଥିଲାର ରାଜା ଥିଲେ, ଯେଉଁ କାରଣରୁ ସୀତାଜୀଙ୍କୁ ମୈଥିଲି ମଧ୍ୟ କୁହାଯାଏ । ଜନକପୁରରେ ମୈଥିଲି ଭାଷାଭାଷୀ ଲୋକଙ୍କର ବହୁତ ଜନସଂଖ୍ୟା ରହିଛି । ତେଣୁ ସୀତା ନିଶ୍ଚୟ ଏହି ସ୍ଥାନର ଝିଅ ହୋଇଥିବେ ବୋଲି କୁହାଯାଉଛି । ଜନକପୁରରେ ମାତା ସୀତାଙ୍କ ନାମରେ ଏକ ଜାନକୀ ମନ୍ଦିର ମଧ୍ୟ ରହିଛି । ରାଜା ଜନକ ସହରର ହୋଇଥିବାରୁ ଲୋକମାନେ ବିଶ୍ୱାସ କରନ୍ତି ଯେ ମାତା ସୀତା ଏଠାରେ ଜନ୍ମ ହୋଇଥିଲେ ।
