ହାଇଦ୍ରାବାଦ: ପ୍ରଶଂସକମାନଙ୍କୁ ଚାରିମାସ ଅପେକ୍ଷା କରିବା ପରେ ବଲିଉଡ ଅଭିନେତ୍ରୀ ବିପାଶା ବସୁ ଏବଂ କରଣ ସିଂ ଗ୍ରୋଭର ଶେଷରେ ନିଜ ଝିଅ ଦେବୀଙ୍କ ଚେହେରାକୁ ଦୁନିଆକୁ ଦେଖାଇଛନ୍ତି । ବୁଧବାର ରାତିରେ ବିପାଶା ସୋସିଆଲ ମିଡିଆରେ ତାଙ୍କ ନବଜାତ ଶିଶୁ କନ୍ୟାର କିଛି ସୁନ୍ଦର ଫଟୋ ସେୟାର କରିଥିବା ଦେଖିବାକୁ ମିଳିଛି । ଏହି ପୋଷ୍ଟ ପରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟା ଦେଇଛନ୍ତି ।
- " class="align-text-top noRightClick twitterSection" data="
">
ଅଭିନେତ୍ରୀ ବିପାଶା ଇନଷ୍ଟାଗ୍ରାମରେ ଝିଅ ଦେବୀଙ୍କ ଅନେକ ଫଟୋ ସେୟାର କରିଥିଲେ । ଫଟୋ ଗୁଡ଼ିକରେ, ଦେବୀ ଏକ ହେଡବ୍ୟାଣ୍ଡ ସହ ଏକ ଫିଙ୍କ ଫ୍ରକରେ ଖୁବ କ୍ୟୁଟ ଦେଖାଯାଉଥିଲେ । ଫଟୋ ଗୁଡିକ ସେୟାର କରି ବିପାଶା ଲେଖିଛନ୍ତି, ହାର୍ଟ ଇମୋଜି ସହ ହେଲୋ ଦୁନିଆ... ମୁଁ ଦେବୀ # ଦେବୀବସୁସିଂଗ୍ରୋଭର । ଏହି ଫଟୋ ପୋଷ୍ଟ ପରେ ଅନେକ ତାରକା ଏବଂ ଫ୍ୟାନ୍ସ ଏହାକୁ ଲାଇକ କରିଛନ୍ତି ଏବଂ ପ୍ରତିକ୍ରିୟାରେ ଶୁଭେଚ୍ଛା ସହ ଆଶୀର୍ବାଦ ଦେଇଛନ୍ତି ।
ଫଟୋକୁ ଲାଇକ କରି ଅଭିନେତ୍ରୀ କାଜଲ ଅଗ୍ରୱାଲ ପ୍ରତିକ୍ରିୟା ଦେଇ କହିଛନ୍ତି, ଛୋଟ ଛୋଟ ମୁଞ୍ଚକିନ୍.. ଛୋଟ ଦେବୀଙ୍କୁ ପ୍ରେମ ଏବଂ ଆଶୀର୍ବାଦ । ଅଭିନେତ୍ରୀ ଦିଆ ମିର୍ଜା ମଧ୍ୟ ଲେଖିଛନ୍ତି, "ଭଗବାନ ତୁମକୁ ଆଶୀର୍ବାଦ କରନ୍ତୁ। ମୁଁ ତୁମକୁ ଭଲ ପାଏ ! ଏବଂ ତୁମକୁ ଧରିବା ପାଇଁ ଅପେକ୍ଷା କରିପାରିବି ନାହିଁ ।" ସେହିପରି ମଲାଇକା ଅରୋରା ଲେଖିଛନ୍ତି, ଛୋଟ ଦେବୀଙ୍କୁ ଆଶୀର୍ବାଦ। ଅଭିନେତା ଅଭିଷେକ ବଚ୍ଚନ ମଧ୍ୟ ଲେଖିଛନ୍ତି, ଦେବୀଙ୍କୁ ଆଶୀର୍ବାଦ। ଏପରି ଅନେକ କଳାକାର ଏବଂ ଫ୍ୟାନ୍ସ ତାଙ୍କୁ ଆର୍ଶୀବାଦ କରିଥିବା ଦେଖିବାକୁ ମିଳିଛି ।
ତେବେ ଏହାପୂର୍ବରୁ ଅଭିନେତ୍ରୀ ନିଜ ଝିଅ ସହ ଫଟୋ ଏବଂ ଭିଡିଓ ସେୟାର କରୁଥିଲେ, କିନ୍ତୁ ଝିଅର ମୁହିଁକୁ ଦେଖାଇ ନଥିଲେ । ବିପାଶା ଏବଂ କରଣ ପରିଚୟକୁ ଲୁଚାଇବା ପାଇଁ କ୍ୟାମେରାରୁ ମୁହଁ ଲୁଚାଉଥିଲେ କିମ୍ବା ତାଙ୍କ ମୁହଁରେ ହୃଦୟ ଇମୋଜି ବ୍ୟବହାର କରୁଥିଲେ ।
ସୂଚନା ଥାଉ କି, ବିପାଶା ଏବଂ କରଣ ପ୍ରଥମେ 2015 ମସିହାରେ ଭୂଷଣ ପଟେଲଙ୍କ ଫିଲ୍ମ 'ଏଲୋନ' ସେଟରେ ସାକ୍ଷାତ ହୋଇଥିଲେ । ଯାହା ସେମାନଙ୍କର ପ୍ରଥମ ଅନ-ସ୍କ୍ରିନ୍ ଫିଲ୍ମ ରହିଥିଲା । ସେଠାରୁ ଉଭୟ ଉଭୟଙ୍କୁ ଡେଟ କରିବା ଆରମ୍ଭ କରିଥିଲେ ଏବଂ ପରେ 2016 ଏପ୍ରିଲରେ ସେମାନେ ବିବାହ ବନ୍ଧନରେ ବାନ୍ଧି ହୋଇଥିଲେ। ପରେ 2022 ଅଗଷ୍ଟ 16 ରେ ଏହି ଦମ୍ପତି ପିତାମାତା ହେବାର ଖୁସି ଖବର ଘୋଷଣା କରିଥିଲେ । ବିବାହର ଛଅ ବର୍ଷ ପରେ 2022 ନଭେମ୍ବର 12 ରେ ବିପାଶା ଏବଂ କରଣ ସେମାନଙ୍କର ପ୍ରଥମ ସନ୍ତାନକୁ ସ୍ବାଗତ କରିଥିଲେ। ଏନେଇ ଇନଷ୍ଟାଗ୍ରାମରେ ବିପାଶା ତାଙ୍କ ଝିଅର ନାମ ଘୋଷଣା କରି ଏକ ପୋଷ୍ଟ ସେୟାର କରିଥିଲେ । ଏହି ପୋଷ୍ଟରେ ଲେଖାଥିଲା, "12.11.2022। ଦେବୀ ବସୁ ସିଂ ଗ୍ରୋଭର ।
