ହାଇଦ୍ରାବାଦ: ସଲମାନ ଖାନଙ୍କ ସବୁଠାରୁ ଲୋକପ୍ରିୟ ଟିଭି ରିଆଲିଟି ସୋ' ବିଗ୍ ବସ୍ର ସିଜନ 16ର ପ୍ରୋମୋ ମୁକ୍ତିଲାଭ କରିଛି । ବର୍ତ୍ତମାନ ପ୍ରଶଂସକଙ୍କ ଅପେକ୍ଷା ଶେଷ ହେବାକୁ ଯାଉଛି କାରଣ ଖୁବ୍ ଶୀଘ୍ର ସୋ’ର ତାରିଖ ମଧ୍ୟ ଘୋଷଣା ହେବାକୁ ଯାଉଛି । ପ୍ରୋମୋରୁ ସୋ’ର ହୋଷ୍ଟ ସଲମାନ ଖାନଙ୍କ ଦମଦାର ପ୍ରଥମ ଲୁକ୍ ସାମ୍ନାକୁ ଆସିଛି ।
- " class="align-text-top noRightClick twitterSection" data="
">
ପ୍ରୋମୋ ବିଷୟରେ କହିବାକୁ ଗଲେ ସଲମାନ ଖାନ ଦମଦାର ଲୁକ୍ରେ ନଜର ଆସିଛନ୍ତି । ତାଙ୍କର ଏହି ଲୁକ୍ ଦେଖି ପ୍ରଶଂସକମାନେ ଉତ୍ସାହିତ ହୋଇପଡିଛନ୍ତି । ପ୍ରୋମୋରେ ସଲମାନ କହୁଛନ୍ତି, '15 ବର୍ଷ ଧରି ବିଗ୍ ବସ୍ ସମସ୍ତଙ୍କ ଖେଳ ଦେଖିଛନ୍ତି, ଏଥର ବିଗ୍ ବସ୍ ନିଜର ଖେଳ ଦେଖାଇବ, ସକାଳ ହେବ କିନ୍ତୁ ଆକାଶରେ ଚନ୍ଦ୍ର ଦେଖାଯିବ । ଏହି ଧମାକାଦାର ସଂଳାପ ସହିତ ସଲମାନଙ୍କ ଲୁକ୍ ମଧ୍ୟ ଅତ୍ୟନ୍ତ ଚମତ୍କାର ରହିଛି । ତେବେ ଏଥରର ଥିମ୍ ଟିକେ ନିଆରା ରହିଛି ।
ଶେହନାଜ ଗିଲ-ସିଦ୍ଧାର୍ଥ ଶୁକ୍ଲାଙ୍କ ଯୋଡି
ପ୍ରୋମୋରେ ଶିଳ୍ପା ସିନ୍ଦେ, ଗୌହର ଖାନ, ଶେହନାଜ ଗିଲ ଠାରୁ ସିଦ୍ଧାର୍ଥ ଶୁକ୍ଲା ପର୍ଯ୍ୟନ୍ତ 15 ବର୍ଷ ବୟସ୍କ ପ୍ରତିଯୋଗୀଙ୍କ ଚେହେରା ନଜର ଆସୁଛି । ଏହି ପ୍ରୋମୋକୁ ସେୟାର କରି ଏହା ଲେଖାଯାଇଛି, '15 ବର୍ଷ ପରେ ବିଗ୍ ବସ୍ ନିଜେ ଖେଳ ଖେଳିବାର ସୁଯୋଗ ପାଇଛି' ।
ବିଗ୍ ବସ୍ 16 କେବେ ପ୍ରସାରିତ ହେବ ?
ବର୍ତ୍ତମାନ ସୁଦ୍ଧା, ବିଗ୍ ବସ୍ 16 କେତେ ଦିନ ଅନ୍ ଏୟାର ରହିବ ସେ ସମ୍ପର୍କରେ କୌଣସି ସୂଚନା ଦିଆଯାଇ ନାହିଁ । ମିଡିଆ ରିପୋର୍ଟ ଅନୁଯାୟୀ, ଅକ୍ଟୋବର ପ୍ରଥମ ସପ୍ତାହରୁ ଏହି ସୋ ଆରମ୍ଭ ହୋଇପାରେ ।
ବିଗ୍ ବସ୍ 16 ପ୍ରତିଯୋଗୀ ତାଲିକା
ସୋ' ନିର୍ମାତାମାନେ ପ୍ରତିଯୋଗୀଙ୍କ ନିଶ୍ଚିତ ତାଲିକା ଦେଖାଇ ନାହାଁନ୍ତି । କିନ୍ତୁ ବିଶ୍ୱାସ କରାଯାଏ ଯେ ଏଥର ଉର୍ଫି ଜାଭେଦ୍, ଫୈସଲ ଶେଖ, ଶିବିନ ନାରଙ୍ଗ, ମୁନ୍ନାଭାର ଫାରୁଖୀ, ଭିଭିଆନ୍ ଡିସେନା, ବିଶାଲ ଏବଂ ପୁଣମ୍ ପାଣ୍ଡେଙ୍କ ନାମ ବିଗ୍ ବସ୍ 16 ପ୍ରତିଯୋଗୀ ଭାବରେ ଦେଖାଯାଉଛି ।
