ହାଇଦ୍ରାବାଦ: ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଫିଲ୍ମ 'ଭୁଲ ଭୁଲେୟା ୨'ର ଟିଜର ଆଉଟ ହୋଇଛି । ଏହି ଟିଜରକୁ ଅଭିନେତା କାର୍ତ୍ତିକ ଆର୍ଯ୍ୟନ ସୋସିଆଲ ମିଡିଆରେ ପ୍ରଶଂସକଙ୍କ ପାଇଁ ସେୟାର କରିଛନ୍ତି । 2022 ମଇ 22ରେ ପ୍ରେକ୍ଷାଳୟରେ ରିଲିଜ ହେବ । ଏହାପୂର୍ବରୁ ଏହି ଚଳଚ୍ଚିତ୍ର ଚଳିତ ବର୍ଷ ମାର୍ଚ୍ଚ 25ରେ ମୁକ୍ତିଲାଭ କରିବାର ଥିଲା ।
ଟିଜର ସେୟାର କରି କାର୍ତ୍ତିକ ଲେଖିଛନ୍ତି, 'ରୁହ ବାବା ଆସୁଛନ୍ତି, ମଞ୍ଜୁଲିକା ସାବଧାନ ରୁହନ୍ତୁ'। ବର୍ତ୍ତମାନ ସୁଦ୍ଧା ଏହି ଚଳଚ୍ଚିତ୍ରରୁ କାର୍ତ୍ତିକଙ୍କ ଯେକୌଣସି ବି ଲୁକ୍ ସାମ୍ନାକୁ ଆସିଥିଲା, ସେହି ସମସ୍ତ ଫଟୋରେ କାର୍ତ୍ତିକଙ୍କୁ ହଳଦିଆ ରଙ୍ଗର ପୋଷାକରେ ଦେଖିବାକୁ ମିଳିଥିଲା, କିନ୍ତୁ ଏଥର ନୂଆ ପୋଷ୍ଟର (ଟିଜର)ରେ କାର୍ତ୍ତିକଙ୍କୁ କଳା ପୋଷାକ ପିନ୍ଧିଥିବାର ଦେଖାଯାଇଛି ।
- " class="align-text-top noRightClick twitterSection" data="
">
ଏହି 53 ସେକେଣ୍ଡର ଟିଜରରେ କେବଳ କାର୍ତ୍ତିକ ଆର୍ଯ୍ୟନ୍ ଏବଂ ରାଜପାଲ ଯାଦବଙ୍କ ଚେହେରା ଦେଖାଯାଇଛି । ଏଥିସହିତ ମଞ୍ଜୁଲିକାର ଅଧା ଅବତାର ମଧ୍ୟ ଟିଜରରେ ଦେଖାଯାଉଛି । ଟିଜରରେ କାର୍ତ୍ତିକଙ୍କ ଲୁକ୍ ଜବରଜସ୍ତ ରହିଛି । ଉଲ୍ଲେଖନୀୟ କଥା ହେଉଛି, ଏହି ଚଳଚ୍ଚିତ୍ରରେ କାର୍ତ୍ତିକ ଏବଂ କିଆରାଙ୍କ ଅବାଲା ତବୁ ଏବଂ ରାଜପାଲ ଯାଦବ ଏବଂ ଗୋବିନ୍ଦ ନାମଦେବ ପ୍ରମୁଖ ଭୂମିକାରେ ନଜର ଆସିବେ ।
ଏହା ଏକ ହରର କମେଡି ଫିଲ୍ମ । ଏହି ଚଳଚ୍ଚିତ୍ର ଭୂଷଣ, ମୁରାଦ ଏବଂ କୃଷ୍ଣ କୁମାରଙ୍କ ଦ୍ୱାରା ପ୍ରସ୍ତୁତ ହେଉଛି । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅନିସ୍ ବାଜମି, ଯିଏ ପୂର୍ବରୁ 'ଓ୍ବେଲକମ' ଏବଂ 'ରେଡି' ଭଳି ହିଟ୍ ଫିଲ୍ମ ଦେଇଛନ୍ତି ।
ଉଲ୍ଲେଖନୀୟ ଯେ, 2007 ରେ ମୁକ୍ତିଲାଭ କରିଥିବା ଭୁଲ ଭୁଲେୟା ଏକ ସୁପରହିଟ୍ ଫିଲ୍ମ ଥିଲା । ଏଥିରେ ଅକ୍ଷୟ କୁମାରଙ୍କ ସହ ବିଦ୍ୟା ବାଲାନ ମୁଖ୍ୟ ଭୂମିକାରେ ଥିଲେ। ଚଳଚ୍ଚିତ୍ରଟି ବହୁତ ଭଲ ବ୍ୟବସାୟ କରିଥିଲା । ଭୟଙ୍କର କମେଡି ଗୀତଠାରୁ କାଷ୍ଟିଂ ଏବଂ କାହାଣୀ ପର୍ଯ୍ୟନ୍ତ ଲୋକମାନେ ଏହାକୁ ବହୁତ ପସନ୍ଦ କରିଥିଲେ । ମଞ୍ଜୁଲିକା ଭୂମିକାରେ ବିଦ୍ୟା ବାଲାନଙ୍କ ଅଭିନୟ ଆଜି ମଧ୍ୟ ସ୍ମରଣୀୟ ହୋଇ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
