ହାଇଦ୍ରାବାଦ: ବଲିଉଡର ଚର୍ଚ୍ଚିତ ପ୍ରେମପକ୍ଷୀ ଅର୍ଜୁନ କପୁର ଏବଂ ମଲାଇକା ଆରୋରାଙ୍କ ଏକ ଡ୍ୟାନ୍ସ ଭିଡିଓ ଜବରଦସ୍ତ ଭାଇରାଲ ହେବାରେ ଲାଗିଛି । ଏହି ଭିଡିଓରେ ମଲାଇକା ଜବରଦସ୍ତ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଗତକାଲି ରାତିରେ ଅନେକ ବଲିଉଡ ସେଲିବ୍ରିଟି ଏକ ଷ୍ଟାର୍ ପାର୍ଟିରେ ଅଂଶଗ୍ରହଣ କରିଥିଲେ, ଯେଉଁଠାରେ ଅର୍ଜୁନ ତାଙ୍କ ଲେଡି ଲଭ୍ ମଲାଇକାଙ୍କ ସହ ପହଞ୍ଚିଥିଲେ ।
- " class="align-text-top noRightClick twitterSection" data="
">
ସୋସିଆଲ ମିଡିଆରେ ଏହି ପାର୍ଟିର ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ଅର୍ଜୁନ କପୁର ଏବଂ ମଲାଇକା ଆରୋରା ଲୋକପ୍ରିୟ ଗୀତ 'ଚଲ ଛୟା ଛୟା'ରେ ଏକାଠି ନାଚୁଥିବାର ନଜର ଆସିଛନ୍ତି । ଉଲ୍ଲେଖନୀୟ ଯେ, ମଲାଇକା ଆରୋରା 'ଚଲ ଛୟା ଛୟା'ରେ ଗୀତରେ ଶାହାରୁଖ ଖାନଙ୍କ ସହ ଚଳଚ୍ଚିତ୍ର 'ଦିଲ୍ ସେ'ରେ ନାଚିଥିଲେ। ଅର୍ଜୁନ କପୁର ଏକ କଳା ପୋଷାକରେ ଥିବାବେଳେ ମଲାଇକା ଲେହେଙ୍ଗା ପିନ୍ଧି ପାର୍ଟିରେ ପହଞ୍ଚିଥିଲେ । ଏହି ପାର୍ଟିରେ ପ୍ରସିଦ୍ଧ ରାପର ବାଦଶାହ ମଧ୍ୟ ଗୀତ ଗାଇଥିବାର ନଜର ଆସିଛନ୍ତି ।
ଉଲ୍ଲେଖଯୋଗ୍ୟ, ଫ୍ୟାଶନ ଡିଜାଇନର୍ କୁନାଲ ରାୱଲ ଏବଂ ଅର୍ପିତା ମେହେଟ୍ଟା ଷ୍ଟାର ସେଲିବ୍ରିଟିଙ୍କ ପାଇଁ ସେମାନଙ୍କ ବିବାହ ପୂର୍ବରୁ ଏକ କାର୍ଯ୍ୟକ୍ରମ ଆୟୋଜନ କରିଥିଲେ, ଯେଉଁଠାରେ କରଣ ଜୋହର, ଜାହ୍ନବୀ କପୁର, ଶନୟା କପୁର, ଅନିଲ କପୁର, ଇଶାନ ଖଟ୍ଟର ଏବଂ ବରୁଣ ଧାୱନ ତାଙ୍କ ପତ୍ନୀ ନତାଶାଙ୍କ ସହ ପହଞ୍ଚିଥିଲେ । ଅଗଷ୍ଟ 28ରେ ଏହି ଲଭବାର୍ଡ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ।
ଅର୍ଜୁନ-ମଲାଇକା କେବେ ବିବାହ କରିବେ ?
କୁହାଯାଉଛି ଯେ, ଅର୍ଜୁନ କପୁର ଏବଂ ମଲାଇକା ଆରୋରା ମଧ୍ୟ ଚଳିତ ବର୍ଷ ଶେଷ ସୁଦ୍ଧା ବିବାହ କରିବେ । ଦୀର୍ଘ ଦିନ ଧରି ଅର୍ଜୁନ ଏବଂ ମଲାଇକା ପରସ୍ପରକୁ ଡେଟ କରୁଛନ୍ତି । ବର୍ତ୍ତମାନ ଉଭୟେ ବିବାହ ବିଷୟରେ ଚିନ୍ତା କରୁଛନ୍ତି । ଲୁଚାଛପା ନୁହେଁ ଖୋଲାଖୋଲି ଭାବେ ଉଭୟେ ଏକାଠି ଛୁଟିରେ ଯାଉଛନ୍ତି ସମୟ ଅତିବାହିତ କରୁଛନ୍ତି । ଗତ ମାସରେ, ମଲାଇକା ପ୍ରେମିକ ସହ ପ୍ୟାରିସ ଯାଇଥିଲେ, ଯେଉଁଠାରେ ଅର୍ଜୁନ ତାଙ୍କ ଜନ୍ମଦିନ ପାଳନ କରିଥିଲେ ।
