ମୁମ୍ବାଇ: ବଲିଉଡର ଲୋକପ୍ରିୟ କଣ୍ଠଶିଳ୍ପୀ ଅରିଜିତ ସିଂଙ୍କ ପାଇଁ ପ୍ରଶଂସକଙ୍କ ମନରେ ଏକ ସ୍ବତନ୍ତ୍ର ସ୍ଥାନ ରହିଛି । ସେ ତାଙ୍କ ସ୍ବରର ଯାଦୁରେ ସର୍ବଦା ଫ୍ୟାନ୍ସଙ୍କ ମନ ଜିତିଥାଆନ୍ତି । ତାଙ୍କର ଯେକୌଣସି ଗୀତ ରିଲିଜ୍ ହେବା ମାତ୍ରେ ଲୋକପ୍ରିୟତା ହାସଲ କରିଥାଏ । ଏହି କାରଣରୁ ଅରିଜିତ ସିଂଙ୍କ ଅଧିକ ଫ୍ୟାନ୍ ଫଲୋଇଂ ରହିଛନ୍ତି । ସେ ତାଙ୍କ ଫ୍ୟାନ୍ସଙ୍କ ସହ ମଧ୍ୟ ଖୋଲାଖୋଲି ଭାବେ ମିଶିଥାଆନ୍ତି । ତେବେ ଏହାରି ମଧ୍ୟରେ ଅରିଜିତଙ୍କ ସହ ଏକ ଘଟଣା ଘଟିଛି । ନିକଟରେ ମହାରାଷ୍ଟ୍ରର ଔରଙ୍ଗାବାଦରେ ଏକ ଲାଇଭ୍ କନ୍ସର୍ଟ ସମୟରେ ଜଣେ ପ୍ରଶଂସକ ତାଙ୍କ ହାତ ଟାଣିଥିଲେ, ଯେଉଁଥିରେ ସେ ଆହତ ହୋଇଥିଲେ । ସୋସିଆଲ ମିଡିଆରେ କଣ୍ଠଶିଳ୍ପୀଙ୍କ ଭିଡିଓ ବେଶ ଭାଇରାଲ ହେବାରେ ଲାଗିଛି ।
ପ୍ରଶଂସକମାନେ ସେମାନଙ୍କର ପ୍ରିୟ ସେଲିବ୍ରିଟିମାନଙ୍କୁ ସେମାନଙ୍କର ଭଲପାଇବା ଦେଖାଇଥାଆନ୍ତି । କିନ୍ତୁ ବେଳେ ବେଳେବେଳେ ସେମାନେ ସୀମା ଭୁଲିଯାଆନ୍ତି । ତେବେ ଏହି ଲାଇଭ୍ କନ୍ସର୍ଟ ସମୟରେ ଅରିଜିତ ସିଂ ପର୍ଫର୍ମ କରିବା ବେଳେ ଫ୍ୟାନ୍ସ ଦ୍ବାରା ସେ ଆହତ ହୋଇଥିଲେ । ଏହି ସମୟରେ ସେ ନ ରାଗି ଓଲଟି ଧୈର୍ଯ୍ୟର ସହ ତାଙ୍କ ପ୍ରଶଂସକମାନଙ୍କୁ ବୁଝାଉଥିବାର ନଜର ଆସିଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଭିଡିଓ ଭାଇରାଲ ପରେ ଅରିଜିତଙ୍କ ପାଇଁ ଛୁଟୁଛି ପ୍ରଶଂସାର ସୁଅ ।
ଭାଇରାଲ୍ ଭିଡିଓରେ ଅରିଜିତ କହୁଛନ୍ତି, "ଯଦି ମୁଁ ପର୍ଫର୍ମ କରିପାରିବି ନାହିଁ, ତେବେ ଆପଣଙ୍କୁ ମଜା ଆସିବ ନାହିଁ । ଆପଣ ଉପଭୋଗ କରିବାକୁ ଏଠାକୁ ଆସିଛନ୍ତି । କିନ୍ତୁ, ଆପଣ ମୋତେ ଏହିପରି ଟାଣି ନେଉଛନ୍ତି ଏବଂ ଏହା ମୋ ହାତକୁ ଧରି ନେଉଛନ୍ତି... ମୁଁ ଶୋ' ଛାଡିବା ଉଚିତ ହେବ କି ?" ଅରିଜିତ ଆହୁରି କହିଛନ୍ତି, "ଆପଣ ବୁଝିବା ଦରକାର ଯେ ଆପଣ ଜଣେ ପରିପକ୍ୱ ବ୍ୟକ୍ତି, ଠିକ୍ ଅଛି ? ଆପଣ ମୋତେ କାହିଁକି ଏମିତି ଟାଣିଲେ ? ମୋର ହାତ ବର୍ତ୍ତମାନ କମ୍ପୁଛି । ଏବେ ମୁଁ ମୋ ହାତ ଚଳାଇବାକୁ ସକ୍ଷମ ନୁହେଁ ।" ଏହାପରେ ମହିଳା ପ୍ରଶଂସକ ଜଣ ଅରିଜିତ ସିଂଙ୍କୁ ହଠାତ୍ ଆଘାତ ଦେଇଥିବାରୁ ଅନେକ ଥର କ୍ଷମା ମାଗିଥିଲେ ।
-
Dada got injured in #Aurangabad concert. Please behave good to a artist like him, performing 4 hrs straight without break for audience. Be kind & enjoy the #Music...#ArijitSingh #ArijitSinghLive #Bollywood pic.twitter.com/34OIyszY9R
— Arijit Singh Fan (@SinghfanArijit) May 8, 2023 " class="align-text-top noRightClick twitterSection" data="
">Dada got injured in #Aurangabad concert. Please behave good to a artist like him, performing 4 hrs straight without break for audience. Be kind & enjoy the #Music...#ArijitSingh #ArijitSinghLive #Bollywood pic.twitter.com/34OIyszY9R
— Arijit Singh Fan (@SinghfanArijit) May 8, 2023Dada got injured in #Aurangabad concert. Please behave good to a artist like him, performing 4 hrs straight without break for audience. Be kind & enjoy the #Music...#ArijitSingh #ArijitSinghLive #Bollywood pic.twitter.com/34OIyszY9R
— Arijit Singh Fan (@SinghfanArijit) May 8, 2023
ସେହିପରି ଇଣ୍ଟରନେଟରେ ଭାଇରାଲ ହେଉଥିବା ଆଉ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଅରିଜିତ ତାଙ୍କ ହାତରେ ଏକ ବ୍ୟାଣ୍ଡେଜ୍ ବାନ୍ଧିଥିବାର ମଧ୍ୟ ଦେଖିବାକୁ ମିଳୁଛି । ତେବେ ଲାଇଭ୍ କନ୍ସର୍ଟରେ ଏହି ଘଟଣା ନେଇ ଅରିଜିତ ଫ୍ୟାନ୍ସକୁ ବୁଝାଇ ପୁର୍ନବାର ଏଭଳି ଘଟଣା ନଘଟାଇବାକୁ ଅପିଲ କରିଛନ୍ତି ଏବଂ କଳାକରାଙ୍କୁ ସମ୍ମାନ ଦେବାକୁ କହିଛନ୍ତି ।
