ହାଇଦ୍ରାବାଦ: ପୁଣି ଅଭିନୟ ଜଲୱା ଦେଖାଇବେ ଅନୁରାଗ । ସାଉଥ ସୁପରଷ୍ଟାର ଥାଲାପତି ବିଜୟ ଆଗାମୀ ଆକ୍ସନ୍-ଥ୍ରୀଲର ଫିଲ୍ମ ଲିଓରେ ଏଣ୍ଟ୍ରି କରିଛନ୍ତି ବଲିଉଡ ଲୋକପ୍ରିୟ ନିର୍ଦ୍ଦେଶକ ତଥା ଅଭିନେତା ଅନୁରାଗ କଶ୍ୟପ । ସୂଚନା ଅନୁସାରେ, ଫିଲ୍ମରେ ଅନୁରାଗ କଶ୍ୟପ ଏକ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିବେ ।
-
Now noted director #AnuragKashyap joins other directors like #Mysskin & #GauthamMenon in playing a role in #ThalapathyVijay’s #LokeshKanagaraj directed big budget action extravaganza multi-starrer #Leo! pic.twitter.com/a6XKPgI6Tv
— Sreedhar Pillai (@sri50) July 4, 2023 " class="align-text-top noRightClick twitterSection" data="
">Now noted director #AnuragKashyap joins other directors like #Mysskin & #GauthamMenon in playing a role in #ThalapathyVijay’s #LokeshKanagaraj directed big budget action extravaganza multi-starrer #Leo! pic.twitter.com/a6XKPgI6Tv
— Sreedhar Pillai (@sri50) July 4, 2023Now noted director #AnuragKashyap joins other directors like #Mysskin & #GauthamMenon in playing a role in #ThalapathyVijay’s #LokeshKanagaraj directed big budget action extravaganza multi-starrer #Leo! pic.twitter.com/a6XKPgI6Tv
— Sreedhar Pillai (@sri50) July 4, 2023
ମାଷ୍ଟର ଏବଂ ବିକ୍ରମଙ୍କ ଭଳି ଶକ୍ତିଶାଳୀ ଚଳଚ୍ଚିତ୍ର ନିର୍ମାଣ କରିଥିବା ନିର୍ଦ୍ଦେଶକ ଲୋକେଶ କନଗରାଜ ତାଙ୍କ ଆଗାମୀ ଆକ୍ସନ୍-ଥ୍ରୀଲର ଫିଲ୍ମ 'ଲିଓ' ନିର୍ମାଣ କରିଛନ୍ତି । ଏହି ଚଳଚ୍ଚିତ୍ରରେ ସାଉଥ ସୁପରଷ୍ଟାର ଥାଲାପାଥି ବିଜୟଙ୍କୁ ଏକ ଭିନ୍ନ ଚରିତ୍ରରେ ଦେଖିବାକୁ ମିଳିବ । ଏଥି ସହିତ ବଲିଉଡ ଦମଦାର ଅଭିନେତା ସଞ୍ଜୟ ଦତ୍ତ ମଧ୍ୟ ଏହି ଫିଲ୍ମରେ ନଜର ଆସିବେ । ବର୍ତ୍ତମାନ ଖବର ଆସିଛି ଯେ, ଫିଲ୍ମରେ ହିନ୍ଦୀ ଇଣ୍ଡଷ୍ଟ୍ରିର ନିର୍ଦ୍ଦେଶକ ଅନୁରାଗ କଶ୍ୟପଙ୍କ ବି ଏଣ୍ଟ୍ରି ହୋଇଛି ।
ନିକଟରେ ଏକ ସାକ୍ଷାତକାର ବେଳେ ଫିଲ୍ମ ନିର୍ମାତା ଅନୁରାଗ ଲୋକେଶଙ୍କ ଫିଲ୍ମର ଏକ ଅଂଶ ହେବାକୁ ଇଚ୍ଛା ପ୍ରକାଶ କରିଥିଲେ । ସେ କହିଥିଲେ, "ମୁଁ ଲୋକେଶଙ୍କ ଫିଲ୍ମରେ ଏକ ମୃତ୍ୟୁର ସିନ୍ କରିବାକୁ ଚାହୁଁଛି । ସେ ତାଙ୍କ ଫିଲ୍ମରେ ଅଭିନେତାଙ୍କୁ ଗୌରବମୟୀ ମୃତ୍ୟୁ ପ୍ରଦାନ କରିଥାଆନ୍ତି । ତାଙ୍କର ଏକ ଫିଲ୍ମରେ ମୁଁ ମରିବାକୁ ଚାହିଁବି । ମୁଁ କୌଣସି ରୋଲ୍ ଆଶା କରୁନାହିଁ । ମୁଁ କେବଳ ତାଙ୍କ ଫିଲ୍ମ ଏକ ଗୌରବମୟୀ ତରିକାରେ ମରିବାକୁ ଚାହୁଁଛି ।" ସୂଚନା ଥାଉ କି, ସେ ତାମିଲ ଚଳଚ୍ଚିତ୍ରର ଜଣେ ବଡ ଫ୍ୟାନ ଅଟନ୍ତି । ତାମିଲ ଅଭିନେତା-ନିର୍ଦ୍ଦେଶକ ଶଶିକୁମାରଙ୍କ 'ସୁବ୍ରମଣ୍ୟପୁରମ୍' ହିଁ ତାଙ୍କୁ ଗ୍ୟାଙ୍ଗସ୍ ଅଫ୍ ୱାସେପୁର କରିବାକୁ ପ୍ରେରଣା ଦେଇଥିଲେ ।
ଏହା ମଧ୍ୟ ପଢନ୍ତୁ: ସାଉଥ ସୁପରଷ୍ଟାର ଥାଲାପତି ବିଜୟଙ୍କ ନାଁରେ ମାମଲା ରୁଜୁ, ଜାଣନ୍ତୁ କାରଣ
ସେପଟେ ଲୋକେଶ କନଗରାଜ କହିଛନ୍ତି ଯେ ଲିଓ ଦଳର ସୁଟିଂ ସରିବାକୁ ଆଉ ମାତ୍ର କିଛି ଦିନ ବାକି ଅଛି । ଏହି ସମୟରେ ଅନୁରାଗ କଶ୍ୟପ ଫିଲ୍ମର କାଷ୍ଟରେ ଯୋଗ ଦେଇଛନ୍ତି । ତାଙ୍କୁ ଏହି ଚଳଚ୍ଚିତ୍ରରେ ଏକ ଦମଦାର ଏବଂ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ । ତେବେ ନିଜ ଭାଗର ସୁଟିଂ କରିଛନ୍ତି କି ନାହିଁ ତାହା ସ୍ପଷ୍ଟ ହୋଇନାହିଁ । ରିପୋର୍ଟ ଅନୁୟାୟୀ, ନିର୍ମାତାମାନେ କାଶ୍ମୀରରେ ଫିଲ୍ମର କିଛି ସିନ ସୁଟିଂ କରିବେ । ତେବେ ଅନୁରାଗଙ୍କ ଦୃଶ୍ୟ ସେଠାରେ ସୁଟିଂ କରିବାର ସମ୍ଭାବନା ରହିଛି ।
ସୂଚନା ଥାଉକି, 'ଲିଓ'ର ନିର୍ଦ୍ଦେଶକ ଲୋକେଶ କନଗରାଜ ନିଜେ ଏହି ଫିଲ୍ମ ଲେଖିଛନ୍ତି ଏବଂ ନିର୍ଦ୍ଦେଶନା ଦେଇଛନ୍ତି । ଏହା ଏକ ଆକ୍ସନ୍ ଫିଲ୍ମ, ଯାହା 19 ଅକ୍ଟୋବର 2023ରେ ରିଲିଜ ହେବ । ଏଥିରେ ଥାଲାପତି ବିଜୟ ଏବଂ ସଞ୍ଜୟ ଦତ୍ତଙ୍କ ବ୍ୟତୀତ ଅଭିନେତ୍ରୀ ତ୍ରିଶା କୃଷ୍ଣନ, ଗୌତମ ବାସୁଦେବ ମେନନ୍, ମିସ୍କିନ୍, ଅର୍ଜୁନ ଏବଂ ପ୍ରିୟା ଆନନ୍ଦ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ରରେ ଯୁବ ସଂଗୀତ ନିର୍ଦ୍ଦେଶକ ଅନିରୁଦ୍ଧ ରବିଚନ୍ଦ୍ରଙ୍କ ସଙ୍ଗୀତ ରହିବ ଏବଂ ଲଲିତ କୁମାର ଏବଂ ଜଗଦୀଶ ପଲାନିସାମି ଏହି ଚଳଚ୍ଚିତ୍ରର ନିର୍ମାତା ଅଟନ୍ତି ।
