୩୯ ବର୍ଷ ପରେ ପୁରୁଣା ବନ୍ଧୁଙ୍କୁ ଦେଖି ଭାବବିହ୍ୱଳ ହେଲେ ଅନୁପମ

ପୁରୁଣା ବନ୍ଧୁଙ୍କୁ ଭେଟି ଭାବ ବିହ୍ବଳ ହେଲେ ଅଭିନେତା ଅନୁପମ ଖେର । କ୍ୟାରିଅର ଆରମ୍ଭରୁ ନିଜର ସଂଘର୍ଷ ବେଳେ ସାହାରା ସାଜିଥିଲେ ଏହି ବନ୍ଧୁ । ଜାଣନ୍ତୁ କିଏ

ହାଇଦ୍ରାବାଦ: ପୁରୁଣା ବନ୍ଧୁଙ୍କୁ ଭେଟି ଭାବବିହ୍ବଳ ହେଲେ ଅଭିନେତା ଅନୁପମ ଖେର । ନିଜ ବନ୍ଧୁଙ୍କୁ ପାଖାପାଖି ୩୯ ବର୍ଷ ପରେ ଭେଟିଥିବା ଲେଖି ସୋସିଆଲ ମିଡିଆରେ ପୋଷ୍ଟ କରିଛନ୍ତି ଅନୁପମ । ବର୍ତ୍ତମାନ ଅନୁପମ ଦୁବାଇରେ ଥିବାବେଳେ ସେଠାରେ ସେ ନିଜ ବନ୍ଧୁ ରାଜନ ଲାଲଙ୍କୁ ଭେଟିଛନ୍ତି । କ୍ୟାରିଅର ଆରମ୍ଭରୁ ନିଜର ସଂଘର୍ଷମୟ ଜୀବନ ସମୟରେ ରାଜନଲାଲ ତାଙ୍କୁ ଖୁବ ସହଯୋଗ କରିଥିବା କହିଛନ୍ତି ଅଭିନେତା ଅନୁପମ ।

ସେ ନିଜ ଇନଷ୍ଟାଗ୍ରାମ ଆଇଡିରେ ଏକ ଭିଡିଓ ଜାରି କରି କହିଛନ୍ତି, "ଜଣେ ବନ୍ଧୁ ଯିଏ ସବୁ ସମୟରେ ସାହାଯ୍ୟ କରିଆସିଛି ତାଙ୍କୁ ୩୯ ବର୍ଷ ପରେ ଦୁବାଇରେ ଭେଟି ଖୁସି ଲାଗୁଛି । ୧୯୮୨ରେ ଯେତେବେଳେ ମୁମ୍ବାଇରେ ମୁଁ କାମ ଖୋଜୁଥିଲି ସେହି ସମୟରେ ମୋର ପରିସ୍ଥିତି ଭଲ ନଥିଲା । ସେହି ସମୟରେ ନିର୍ଦ୍ଦେଶକ ମହେଶ ଭଟ୍ଟଙ୍କ ଘର ନିକଟରେ ଏକ ଛୋଟ ଫ୍ଲାଟରେ ରହୁଥିଲେ ରଜନୀଲାଲ। ସେତେବେଳେ ସେ ମୋ ସହ ବହୁ ଭଲରେ ମିଳାମିଶା କରୁଥିଲେ । ଏବଂ ଅନେକ ସମୟରେ ମତେ ଜଳଖିଆ ମଧ୍ୟ ଖାଇବାକୁ ଦେଇଛନ୍ତି । ସେ ମତେ କରିଥିବା ସାହାଯ୍ୟ ମୁଁ କେବେ ବି ଭୁଲି ପାରିବି ନାହିଁ ।"

ସେପଟେ ଅନୁପଙ୍କ ବନ୍ଧୁ ରାଜନ କହିଛନ୍ତି, "ତାଙ୍କର ଉତ୍ସାହ ଏବଂ ନିଷ୍ଠା ଦ୍ବାରା ମୁଁ ପ୍ରକୃତରେ ପ୍ରଭାବିତ ହୋଇଥିଲି । ଖାଲି ମୁଁ କାହିଁକି ଆଜି ବି ଯେକୌଣସି ବ୍ୟକ୍ତି ତାଙ୍କୁ ଦେଖି ପ୍ରଭାବିତ ହେବ ନିଶ୍ଚୟ । ମିଷ୍ଟର ଭଟ୍ଟ ତାଙ୍କୁ ଏକ ଫିଲ୍ମରୁ ବାହାର କରିଦେଇଥିଲେ । ମୁଁ ସେତେବେଳେ NBFCରେ ଥିଲି । ସେହି ସମୟରେ ମୋ ଘର ପାଖ ଗ୍ୟାରେଜକୁ ଆସି ଖୁବ ଜୋରରେ କାନ୍ଦିଥିଲେ ।"

ସେହି ସମୟରେ ଆହୁରି ଅନେକ କଳାକାର ରହିଥିଲେ ଯେଉଁମାନେ ନିଜ କ୍ୟାରିଅର ପାଇଁ ସଂଘର୍ଷ କରୁଥିଲେ । ସଞ୍ଜୟ ଦତ୍ତ, ଅନିଲ କପୁର, କୁଳଭୂଷଣ ଖରବନ୍ଦାଙ୍କ ଭଳି ଅନେକ କଳାକାର ସେହି ସମୟରେ ମୋ ଘରକୁ ଆସିଛନ୍ତି । ଆଜି ଅନୁପମଙ୍କୁ ଦେଖିଲେ ବହୁତ ଖୁସି ଲାଗେ । ତାଙ୍କର ପ୍ୟାସନ ଏବଂ ଡେଡିକେସନ ଯୋଗୁ ସେ 540ରୁ ଅଧିକ ଚଳଚ୍ଚିତ୍ର କରିବା ଜଣେ ବ୍ୟକ୍ତି ସଫଳ କଳାକାର ହୋଇଛନ୍ତି । ମୁଁ ତାଙ୍କ ପାଇଁ ଗର୍ବିତ।"ତେବେ ଇନଷ୍ଟାଗ୍ରାମରେ ଅଭିନେତା ଅନୁପମ ଖେର ଜାରି କରିଥିବା ଏହି ଭିଡିଓକୁ ଦେଖିଲେ ଉଭୟଙ୍କ ମଧ୍ୟରେ ଥିବା ନିବିଡ଼ ସମ୍ପର୍କ ବାରି ହୋଇପଡୁଛି ।