ହାଇଦ୍ରାବାଦ: ବଲିଉଡ ଷ୍ଟାର କିଡ୍ସ ଇଶାନ ଖଟ୍ଟର ଏବଂ ଅନନ୍ୟା ପାଣ୍ଡେଙ୍କ ବ୍ରେକଅପ୍ ଖବର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଚାରିଆଡ଼େ ଚର୍ଚ୍ଚା ହେଉଛି ଇଶାନ ଏବଂ ଅନନ୍ୟା ପରସ୍ପର ଠାରୁ ଅଲଗା ହୋଇଯାଇଛନ୍ତି । କୁହାଯାଉଛି ଯେ, ଦୁହେଁ ତିନି ବର୍ଷ ପରେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି । ତେବେ ଏହି ଖବରରେ ଇଶାନ ଖଟ୍ଟର ଏବଂ ଅନନ୍ୟାଙ୍କ ଠାରୁ କୌଣସି ପ୍ରତିକ୍ରିୟା ଆସିନାହିଁ ଏବଂ ନା ହିଁ ଦୁହେଁ ତାଙ୍କ ରିଲେସନସିପ୍କୁ ନେଇ କେବେ ସ୍ୱୀକାର କରିଥିଲେ। କିନ୍ତୁ ଏହି ରୁମର ଖବରକୁ ନେଇ ଇଶାନ ଏବଂ ଅନନ୍ୟା ବାରମ୍ବାର ଚର୍ଚ୍ଚାରେ ରହିଆସିଛନ୍ତି ।
ଫିଲ୍ମ 'ଖାଲି ପିଲି'ରେ ଏକାଠି କାମ କରୁଥିବା ବଲିଉଡ ଅଭିନେତା ସାହିଦ କପୁରଙ୍କ ସାନଭାଇ ଇଶାନ ଖଟ୍ଟର ଏବଂ ଅଭିନେତା ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେଙ୍କୁ ମଧ୍ୟ ସାହିଦଙ୍କ ଜନ୍ମଦିନରେ ଦେଖିବାକୁ ମିଳିଥିଲା। ଏହି ସମୟରେ ଇଶାନ ଏବଂ ଅନନ୍ୟାଙ୍କୁ ଏକାଠି ଦେଖିବାକୁ ମିଳିଥିଲା । ଏହାପୂର୍ବରୁ ଇଶାନ ଖଟ୍ଟରଙ୍କ ନାମ ମଧ୍ୟ ତାଙ୍କ ସହ-ଅଭିନେତ୍ରୀ ଜାହ୍ନବୀ କପୁରଙ୍କ ସହ ଜଡିତ ଥିଲା। ଫିଲ୍ମ 'ଧଡକ'ରେ ଇଶାନ ଏବଂ ଜାହ୍ନବୀ ଏକାଠି ନଜର ଆସିଥିଲେ। ସେହି ସମୟରେ, ଉଭୟ ଲିଙ୍କଅପ୍ ଖବରକୁ ପ୍ରତ୍ୟାଖ୍ୟାନ କରି ନିଜକୁ ବନ୍ଧୁ ବୋଲି କହିଥିଲେ ।
ଅନନ୍ୟାଙ୍କ କାମ ବିଷୟରେ କହିବାକୁ ଗଲେ ତାଙ୍କର ଶେଷ ଚଳଚ୍ଚିତ୍ର 'ଗେହରାଇୟାଁ' ମୁକ୍ତିଲାଭ କରିଥିଲା । ଏଥି ସହିତ, ଇଶାନଙ୍କୁ ଶେଷ ଥର ପାଇଁ 'Don't Look Up' ଚଳଚ୍ଚିତ୍ରରେ ଏକ କ୍ୟାମୋ ଭୂମିକାରେ ଦେଖିବାକୁ ମିଳିଥିଲା । ଇଶାନଙ୍କ ପରବର୍ତ୍ତୀ ଚଳଚ୍ଚିତ୍ର ହେଉଛି ଫୋନ୍ ଭୁତ, ଯେଉଁଥିରେ ସେ କ୍ୟାଟ୍ରିନା କୈଫ ଏବଂ ସିଦ୍ଧାନ୍ତ ଚତୁର୍ବେଦୀଙ୍କ ସହ ନଜର ଆସିବେ। ଏହି ଚଳଚ୍ଚିତ୍ର ଚଳିତ ବର୍ଷ ରିଲିଜ ହେବାର ସମ୍ଭାବନା ରହିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
