ମୁମ୍ବାଇ: ଆଲିଆ ଭଟ୍ଟ ଫିଲ୍ମ 'ଡାର୍ଲିଙ୍ଗସ୍' (Darlings) ସହିତ ନିର୍ମାତା ଭାବରେ ଡେବ୍ୟୁ କରିବାକୁ ଯାଉଛନ୍ତି। ଏହି ଚଳଚ୍ଚିତ୍ରର ଟିଜର ରିଲିଜ ହୋଇଛି। ଆଲିଆ ଭଟ୍ଟ ତାଙ୍କ ଇନଷ୍ଟାଗ୍ରାମରେ ଟିଜର ସେୟାର କରିଛନ୍ତି। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ଆଲିଆ ନିଜେ ନଜର ଆସିବେ। ତାଙ୍କ ସହ ଶେଫାଲି ଶାହା, ବିଜୟ ବର୍ମା ଏବଂ ଦକ୍ଷିଣ ଅଭିନେତା ରୋଶନ ମାଥ୍ୟୁଙ୍କୁ ଡାର୍ଲିଙ୍ଗସ୍ରେ ଦେଖିବାକୁ ମିଳିବ।
- " class="align-text-top noRightClick twitterSection" data="
">
ଆଲିଆ ଟିଜର ରିଲିଜ୍ କରି କ୍ୟାପସନରେ ଲେଖିଛନ୍ତି - 'ଏହା କେବଳ ଏକ ପରିହାସ ଅଟେ ଡାର୍ଲିଙ୍ଗସ୍' । ଆଲିଆ ଫିଲ୍ମର ରିଲିଜ୍ ତାରିଖ ବିଷୟରେ ମଧ୍ୟ କହିଛନ୍ତି ଏବଂ ଏହି ଫିଲ୍ମ ଅଗଷ୍ଟ 5 ରେ ନେଟଫ୍ଲିକ୍ସରେ ମୁକ୍ତିଲାଭ କରିବ । ସାପ ଏବଂ ବିଛାର କାହାଣୀ ଶୁଣାଉଥିବା ଆଲିଆଙ୍କ ସ୍ୱର ପୂରା ଟିଜରକୁ ଏକ ମଜାଳିଆ ସସପେନ୍ସ ଦେଉଛି । ସିନେମାପ୍ରେମୀଙ୍କ ଠାରୁ ଫିଲ୍ମର ଟିଜର ବହୁତ ଭଲ ପ୍ରତିକ୍ରିୟା ପାଇଛି । ଆଲିଆ ଟିଜର ରିଲିଜ୍ କରିବା ମାତ୍ରେ ପ୍ରଶଂସକଙ୍କଠାରୁ ବହୁତ ଭଲପାଇବା ଓ କମେଣ୍ଟ ଆସୁଛି । ଏହି ଫିଲ୍ମର ଟିଜର ଦେଖିବା ପରେ ସମସ୍ତେ ଉତ୍ସାହିତ ଅଛନ୍ତି।
ଚଳଚ୍ଚିତ୍ର ନିର୍ଦ୍ଦେଶକ ଜୋୟା ଅଖତର ଲେଖିଛନ୍ତି - 'ମୁଁ ଆଉ ଅପେକ୍ଷା କରିପାରିବି ନାହିଁ', ଅଭିନେତ୍ରୀ ରକୁଲ ପ୍ରୀତ ଟିଜର ଫ୍ୟାବ କହିଛନ୍ତି । ସେହିପରି ସୋଫି ଚୌଧୁରୀ ମଧ୍ୟ କରତାଳି ଇମୋଜି ସେୟାର କରି କମେଣ୍ଟରେ ଏହି ଟିଜରକୁ ବଢିଆ ବୋଲି କହିଛନ୍ତି।
ତାଙ୍କ ଗର୍ଭବତୀ ଖବର ଘୋଷଣା କରିବା ପରେ ଆଲିଆ ନିକଟରେ କହିଥିଲେ ଯେ ତାଙ୍କ ଫିଲ୍ମ 'ଡାର୍ଲିଙ୍ଗସ୍'ର ଟିଜର କେବେ ଆସିବ। ଇନଷ୍ଟାଗ୍ରାମରେ ଏକ ମଜାଦାର ଭିଡିଓ ସହିତ ଆଲିଆ ଏହା ଘୋଷଣା କରିଥିଲେ। ଉଲ୍ଲେଖନୀୟ ଯେ, ଆଲିଆ ଏହାକୁ ତାଙ୍କ ପ୍ରଡକ୍ସନ କମ୍ପାନୀ Eternal Sunshine Productions ବ୍ୟାନରରେ ତିଆରି କରିଛନ୍ତି । ଆଲିଆଙ୍କ ସହ ଏହି ଚଳଚ୍ଚିତ୍ରଟି ଶାହରୁଖ ଖାନଙ୍କ ରେଡ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ମଧ୍ୟ ପ୍ରସ୍ତୁତ କରାଯାଇଛି। ଏହି ସମୟରେ ଆଲିଆ ଭଟ୍ଟଙ୍କ ହାତରେ ଅନେକ ପ୍ରୋଜେକ୍ଟ ଅଛି । ଖୁବ୍ ଶୀଘ୍ର ତାଙ୍କୁ ରଣବୀର କପୁରଙ୍କ ସହ ଫିଲ୍ମ 'ବ୍ରହ୍ମାସ୍ତ୍ର'ରେ ମଧ୍ୟ ଦେଖିବାକୁ ମିଳିବ।
ବ୍ୟୁରୋ ରିପୋର୍ଟ, ଇଟିଭି ଭାରତ
