ହାଇଦ୍ରାବାଦ: ବଲିଉଡର ଚର୍ଚ୍ଚିତ ଅଭିନେତ୍ରୀ ଆଲିଆ ଭଟ୍ଟ ଖୁବ୍ ଶୀଘ୍ର ପ୍ରଶଂସକଙ୍କୁ ଖୁସି ଖବର ଦେବାକୁ ଯାଉଛନ୍ତି । ଆଲିଆ ଭଟ୍ଟ ମା' ହେବାକୁ ଯାଉଛନ୍ତି । କିଛି ସମୟ ପୂର୍ବରୁ, ଅଭିନେତ୍ରୀ ଏମିତି ଏକ ପୋଷ୍ଟ ସେୟାର କରିଛନ୍ତି, ଯାହା ଦେଖି ପ୍ରଶଂସକ ଖୁସିରେ ନାଚି ଉଠିଛନ୍ତି । ସୋମବାର ଆଲିଆ ଭଟ୍ଟ ଦୁଇଟି ଫଟୋ ସେୟାର କରିଛନ୍ତି, ଯେଉଁଥିରେ ସେ ଏକ ହସ୍ପିଟାଲ ବେଡରେ ଶୋଇଛନ୍ତି । ଏହି ସମୟରେ ତାଙ୍କ ସ୍ୱାମୀ ରଣବୀର କପୁର ଆଲିଆଙ୍କ ପାଖରେ ଟୋପି ପିନ୍ଧି ବସିଛନ୍ତି । ଉଭୟ ସାମ୍ନାରେ ଥିବା ଅଲଟ୍ରାସାଉଣ୍ଡ ମେସିନକୁ ଦେଖୁଛନ୍ତି, ଯେଉଁଥିରେ ହୃଦୟ ଇମୋଜି ଦିଆଯାଇଛି ।
- " class="align-text-top noRightClick twitterSection" data="
">
ଅନ୍ୟ ଏକ ଫଟୋରେ, ତାଙ୍କର ସମ୍ପୂର୍ଣ୍ଣ ପରିବାର ନଜର ଆସିଛି । ଏହି ଫଟୋଗୁଡିକୁ ସେୟାର୍ କରି ଆଲିଆ ଭଟ୍ଟ ଲେଖିଛନ୍ତି, 'ଆମ ବେବି... ଶୀଘ୍ର ଆସୁଛି'। ଉଲ୍ଲେଖନୀୟ ଯେ, ଆଲିଆ ଭଟ୍ଟ ପ୍ରେମିକ ତଥା ଅଭିନେତା ରଣବୀର କପୁରଙ୍କୁ ଚଳିତ ବର୍ଷ ଏପ୍ରିଲ 14 ରେ ବିବାହ କରିଥିଲେ । ରଣବୀର ଏବଂ ଆଲିଆଙ୍କ ବିବାହକୁ ଅଢେଇ ମାସ ବିତିଗଲାଣି ଏବଂ ଏହି ଦମ୍ପତି ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି ।
ଏଥିସହିତ ତାଙ୍କ ନଣନ୍ଦ ରିଦ୍ଧିମା କପୁର ଆଲିଆ ଭଟ୍ଟଙ୍କୁ ଶୁଭେଚ୍ଛା ଜଣାଇଛନ୍ତି । ବଲିଉଡ ସେଲିବ୍ରିଟି ତଥା ରକୁଲ ପ୍ରୀତ, ମୋନି ରୟ ଏବଂ ଡାଏନା ପେଣ୍ଟିଙ୍କ ସମେତ ଅନେକ ପ୍ରଶଂସକ ଆଲିଆଙ୍କୁ ଅଭିନନ୍ଦନ ଜଣାଇଛନ୍ତି । ଏହା ସହିତ ଆଉ ଏକ ଖୁସି ମଧ୍ୟ ରହିଛି ।
ଚଳିତ ବର୍ଷ ଏହି ଦମ୍ପତି ଏକାଠି ପ୍ରଥମ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ରେ ନଜର ଆସିବେ । ଏହି ଚଳଚ୍ଚିତ୍ର ଚଳିତ ବର୍ଷ 9 ସେପ୍ଟେମ୍ବରରେ ମୁକ୍ତିଲାଭ କରିବାକୁ ଯାଉଛି । ଏହାପୂର୍ବରୁ ଆଲିଆଙ୍କ ସ୍ୱାମୀ ରଣବୀର କପୁରଙ୍କ ଫିଲ୍ମ 'ଶମଶେରା' ଜୁଲାଇରେ ରିଲିଜ ହେବାକୁ ଯାଉଛି । ଆଲିଆ ଭଟ୍ଟ ସୋସିଆଲ ମିଡିଆରେ ଫିଲ୍ମ 'ଶମଶେରା'ର ସମସ୍ତ ପୋଷ୍ଟର ଏବଂ ଟ୍ରେଲର ସେୟାର କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
