ମୁମ୍ବାଇ: ରଣବୀର କପୁର ଏବଂ ଆଲିଆ ଭଟ୍ଟଙ୍କ ବିବାହକୁ ନେଇ ଏବେ ଚର୍ଚ୍ଚା ଜୋର ଧରିଛି। ଯେହେତୁ ସେମାନଙ୍କ ବିବାହ ଖବର ସାର୍ବଜନୀନ ହୋଇସାରିଛି ସେମାନଙ୍କ ପ୍ରଶଂସକମାନେ ମଧ୍ୟ ବହୁତ ଉତ୍ସାହିତ ଅଛନ୍ତି । ଆଲିଆ-ରଣବୀରଙ୍କ ପ୍ରଶଂସକମାନେ ସେମାନଙ୍କ ବିବାହ ସହିତ ଜଡିତ ପ୍ରତ୍ୟେକ ବିବରଣୀ ଜାଣିବାକୁ ଆଗ୍ରହୀ । କିନ୍ତୁ ଅନ୍ୟପକ୍ଷରେ ରଣବୀର-ଆଲିଆ (Ranbir Alia Wedding) କିମ୍ବା ତାଙ୍କ ପରିବାର କେଉଁ ତାରିଖରେ ସେମାନେ ବିବାହ ବନ୍ଧନରେ ବାନ୍ଧି ହେବେ ତାହା ଏପର୍ଯ୍ୟନ୍ତ ନିଶ୍ଚିତ କରିନାହାଁନ୍ତି।
ତେବେ ବିବାହ ଖବରରେ ଆଲିଆ ଭଟ୍ଟଙ୍କ ପ୍ରତିକ୍ରିୟା ଏବେ ସାମ୍ନାକୁ ଆସିଛି। ବିବାହ ଖବର ଉପରେ ଆଲିଆ ପ୍ରଥମ ଥର ପାଇଁ ଏହିଭଳି ପ୍ରତିକ୍ରିୟା ଦେଇଛନ୍ତି। YouTuber Nikunj Lotia ରଣବୀର-ଆଲିଆଙ୍କ ବିବାହର ଏକ ଭିଡିଓ ସେୟାର କରିଛନ୍ତି । ଏହି ମଜାଳିଆ ଭିଡିଓ ଦେଖି ଆଲିଆ ମଧ୍ୟ ଏହାର ପ୍ରତିକ୍ରିୟା ନଦେଇ ରହିପାରିଲେ ନାହିଁ । ଏହି ଭିଡିଓଟି ଶାହୀଦ କପୁର ଏବଂ କିଆରା ଆଡଭାନୀଙ୍କ 'କବୀର ସିଂ'ର ଅଟେ, ଯାହାର ଫେମସ ସିନ୍କୁ ଏଡିଟ କରି ନିକୁଞ୍ଜ ଆଲିଆ-ରଣବୀରଙ୍କ ବିବାହକୁ ଯୋଡିଛନ୍ତି।
- " class="align-text-top noRightClick twitterSection" data="
">
ଭିଡିଓରେ, ନିକୁଞ୍ଜ ଲୋଟିୟା ଏକ ଧଳା କୁର୍ତ୍ତା ପିନ୍ଧି ଏକ ଧଳା କାର ପଛରେ ଦୌଡୁଛନ୍ତି । କାର ପଛରେ ଥିବା ବ୍ୟାନରରେ ଲେଖା ଅଛି - 'ଆଲିଆ ୱେଡସ୍ ରଣବୀର' । କେବଳ ଏତିକି ନୁହେଁ, ଭିଡିଓରେ ନିକୁଞ୍ଜ ଆଲିଆ-ରଣବୀରଙ୍କ ଏକ ଫଟୋରେ ରଣବୀରଙ୍କ ସ୍ଥାନରେ ନିଜକୁ ସ୍ଥାନିତ କରିଛନ୍ତି। ଭିଡିଓଟି ଏତେ ମଜାଳିଆ ହୋଇଛି ଯେ, କେବଳ ଅନ୍ୟ ୟୁଜର୍ସ ନୁହଁନ୍ତି ଆଲିଆ ନିଜେ ମଧ୍ୟ ଏଥିରେ ପ୍ରତିକ୍ରିୟା ଦେଇଛନ୍ତି।
ଭିଡିଓ ଉପରେ ପ୍ରତିକ୍ରିୟା ଦେଇ ଆଲିଆ ଭଟ୍ଟ ଲେଖିଛନ୍ତି - 'DEAD' । ଏହା ସହିତ ଆଲିଆ ଭଟ୍ଟ ଏକ ହସୁଥିବା ଇମୋଜି ମଧ୍ୟ ଦେଇଛନ୍ତି। ବର୍ତ୍ତମାନ ୟୁଜର୍ସ ଆଲିଆଙ୍କ କମେଣ୍ଟ ଦେଖି ଅନୁମାନ କରୁଛନ୍ତି ଯେ, ଆଲିଆ ତାଙ୍କ ବିବାହ ଖବରକୁ ନେଇ କେଉଁଠି ନା କେଉଁଠି ମୋହର ଲଗାଇସାରିଛନ୍ତି । ମିଡିଆ ରିପୋର୍ଟରେ ଆଲିଆ ଏବଂ ରଣବୀର କପୁରଙ୍କ ବିବାହ ସମ୍ବନ୍ଧୀୟ ନୂଆ ସୂଚନା କ୍ରମାଗତ ଭାବେ ସାମ୍ନାକୁ ଆସୁଛି । ତେବେ ଏପର୍ଯ୍ୟନ୍ତ ଏହି ଷ୍ଟାର କପଲଙ୍କ ବିବାହ ତାରିଖ ଉପରେ ମୋହର ଲଗାଯାଇ ନାହିଁ । କିଛି ରିପୋର୍ଟ ଅନୁସାରେ ଉଭୟ ଏପ୍ରିଲ 14 ରେ ବିବାହ କରିବେ ବୋଲି କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
