ହାଇଦ୍ରାବାଦ: ବଲିଉଡର ସବୁଠାରୁ ଲୋକପ୍ରିୟ ଦମ୍ପତିଙ୍କ ମଧ୍ୟରୁ ଆଲିଆ ଭଟ୍ଟ ଏବଂ ରଣବୀର କପୁର ଅନ୍ୟତମ । ଦୁହେଁ ପ୍ରଥମ ଥର ପାଇଁ ଫିଲ୍ମ 'ବ୍ରହ୍ମାସ୍ତ୍ର'ରେ ଏକାଠି କାମ କରିଛନ୍ତି। ମିଳିତ ଭାବେ ସେମାନେ ଫିଲ୍ମର ପ୍ରମୋଟ୍ କରିଥିଲେ ଏବଂ ବର୍ତ୍ତମାନ ଉଭୟ ଏହାର ସଫଳତାକୁ ଏନ୍ଜୟ କରୁଛନ୍ତି । ଉଭୟ ଖୁବ୍ ଶୀଘ୍ର ପିତାମାତା ହେବାକୁ ଯାଉଛନ୍ତି । ଆଲିଆ ଗର୍ଭବତୀ ଅଛନ୍ତି ଏବଂ କ୍ରମାଗତ ସେ ତାଙ୍କର ଫଟୋ ସେୟାର କରୁଛନ୍ତି । କିଛି ସମୟ ପୂର୍ବରୁ ସେ ଏକ ଫଟୋ ସେୟାର କରିଛନ୍ତି । ଏହା ଏକ ରୋମାଣ୍ଟିକ ଫଟୋ, ଯେଉଁଥିରେ ରଣବୀର ମଧ୍ୟ ନଜର ଆସିଛନ୍ତି ।
- " class="align-text-top noRightClick twitterSection" data="
">
ଆଲିଆ ଭଟ୍ଟଙ୍କ ଦ୍ୱାରା ସେୟାର ହୋଇଥିବା ଫଟୋ କଳା ଏବଂ ଧଳା । ଏଥିରେ ଉଭୟ ଆଲିଆ ଏବଂ ରଣବୀରଙ୍କର ଏକ ସୁନ୍ଦର ଅନ୍ଦାଜ ଦେଖିବାକୁ ମିଳୁଛି । ଦୁହିଁଙ୍କ ଆଖି ବନ୍ଦ ହୋଇଥିବାବେଳେ, ସେମାନଙ୍କ ମୁହଁରେ ହସ ରହିଛି । ଏହି ଫଟୋ ସେୟାର କରି ଆଲିଆ 'ଘର' ଲେଖିଛନ୍ତି । ଏହା ସହିତ, ଏହାର କ୍ୟାପସନରେ ଏକ ଇମୋଜି (home ♾️🫶) ସେୟାର କରାଯାଇଛି ।
ଆଲିଆ ଭଟ୍ଟଙ୍କ ଏହି ଫଟୋରେ, ତାଙ୍କ ପ୍ରଶଂସକମାନେ ହାର୍ଟ ଏବଂ ଭିନ୍ନ ଭିନ୍ନ ଇମୋଜି ସେୟାର କରୁଛନ୍ତି । ଅନେକ ଲୋକ ଏହି ଦମ୍ପତିଙ୍କ ଯୋଡିକୁ ପ୍ରଶଂସା କରୁଛନ୍ତି । ଏସବୁ ମଧ୍ୟରେ ଯୋଗ ପ୍ରଶିକ୍ଷକ ଅନୁଷ୍କା ଏକ ହାର୍ଟ ଇମୋଜି ସହିତ କମେଣ୍ଟ ଦେଇଛନ୍ତି । ଏଥିସହିତ ଷ୍ଟାଣ୍ଡଅପ୍ ହାସ୍ୟ ଅଭିନେତା ତନମୟ ଭଟ୍ଟ କମେଣ୍ଟ ଦେଇ ଲେଖିଛନ୍ତି, “ସୁନ୍ଦର ଘର । କିନ୍ତୁ ବର୍ଗଫୁଟ କେତେ ପଡିଲା ?''
ଆଲିଆ-ରଣବୀର ପ୍ରଥମ ଥର ଏକାଠି କରିଥିଲେ କାମ
ନିକଟରେ ରଣବୀର କପୁର ଏବଂ ଆଲିଆ ଭଟ୍ଟ ଆୟନ୍ ମୁଖାର୍ଜୀଙ୍କ ନିର୍ଦ୍ଦେଶକ 'ବ୍ରହ୍ମାସ୍ତ୍ର'ରେ ଏକାଠି କାମ କରିଥିଲେ । ଆଲିଆ-ରଣବୀରଙ୍କ ବ୍ୟତୀତ ମୋନି ରୟ, ନାଗାର୍ଜୁନ ଆକ୍କିନେନି ଏବଂ ଅମିତାଭ ବଚ୍ଚନ ମଧ୍ୟ ଅଭିନୟ କରିଛନ୍ତି । ଏହା ହେଉଛି ରଣବୀର ଏବଂ ଆଲିଆଙ୍କର ପ୍ରଥମ ଅନ୍-ସ୍କ୍ରିନ୍ ଫିଲ୍ମ ।
