ମୁମ୍ବାଇ: 83 ବର୍ଷ ବୟସରେ ପୁଣି ଥରେ ବାପା ହୋଇଛନ୍ତି ହଲିଉଡ ଅଭିନେତା ଅଲ ପାସିନୋ । ଅଭିନେତାଙ୍କ ଘରକୁ ଆସିଲେ ନୂଆ ଅତିଥି । ଅଲ ପାସିନୋଙ୍କ 29 ବର୍ଷୀୟା ଗର୍ଲଫ୍ରେଣ୍ଡ ନୁର ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । 83 ବର୍ଷ ବୟସରେ ଚତୁର୍ଥ ଥର ପାଇଁ ଅଲ ପାସିନୋ ପୁଣି ପିତା ହୋଇଛନ୍ତି । ଖବର ପ୍ରସାରିତ ପରେ ଏହି କପଲଙ୍କ ପାଇଁ ସବୁଆଡୁ ଛୁଟୁଛି ଶୁଭେଚ୍ଛାର ସୁଅ ।
ନୁର ଏବଂ ଅଲ ପାସିନୋ ଏପର୍ଯ୍ୟନ୍ତ ବିବାହିତ ନୁହଁନ୍ତି । କିନ୍ତୁ ଦୁହେଁ ଏକାଠି ରୁହନ୍ତି । ବିଗତ ଅନେକ ଦିନ ଧରି ଏହି କପଲ ପରସ୍ପରକୁ ଡେଟିଂ କରିଆସୁଥିଲେ । ଏପ୍ରିଲ୍ 2022ରେ 29 ବର୍ଷର ନୁର ଆଲଫାଲାଙ୍କ ସହ ଅଭିନେତାଙ୍କ ରୋମାନ୍ସ ଗୁଜବ ପ୍ରଚାର ହୋଇଥିଲା । ସେତେବେଳେ ଦୁହେଁ ଏକାଠି କାଲିଫର୍ନିଆର ଭେନିସର ଫେଲିକ୍ସ ରେସ୍ତୋରାଁରେ ନଜର ଆସିଥିଲେ । ପରେ ଉଭୟ ପରସ୍ପରକୁ ଡେଟ୍ କରୁଥିବା ଜଣାପଡିଥିଲା । ବର୍ତ୍ତମାନ ଏହି କପଲ ସୋମାନଙ୍କ ପୁତ୍ର ସନ୍ତାନକୁ ସ୍ବାଗତ କରିଛନ୍ତି। ପୂର୍ବ ଗର୍ଲଫ୍ରେଣ୍ଡ ମାନଙ୍କ ଠାରୁ ଅଭିନେତା ଅଲ ପାସିନୋଙ୍କ 3ଟି ସନ୍ତାନ ରହିଥିବା ବେଳେ ଏବଂ ଚତୁର୍ଥ ଥର ପାଇଁ ପିତା ହୋଇଛନ୍ତି । 29 ବର୍ଷୀୟ ନୁର ଏକ ଶିଶୁ ପୁତ୍ର ଜନ୍ମ ଦେଇଛନ୍ତି । ତେବେ ନୁର ଏବଂ ପାସିନୋଙ୍କର ଏହା ପ୍ରଥମ ସନ୍ତାନ ଅଟେ । ଏହି କପଲ ସେମାନଙ୍କ ପୁଅର ନାମ ରୋମନ ପାସିନୋ ରଖିଥିବା ଜଣାପଡିଛି ।
ସୂଚନା ଥାଉ କି, ଅଲ ପାସିନୋ ପୂର୍ବରୁ ପୂର୍ବତନ ଗର୍ଲଫ୍ରେଣ୍ଡ ତଥା ଆକ୍ଟିଂ ପ୍ରଶିକ୍ଷକ ଜନ୍ ଟୈରଣ୍ଟ ଥିଲେ । ଯାହାଙ୍କ 33 ବର୍ଷୀୟା ଝିଅ ଜୁଲି ମାରିଙ୍କ ପିତା ଅଟନ୍ତି ଅଲ । ଏଥିସହ ସେ ପୂର୍ବତନ ଗର୍ଲଫ୍ରେଣ୍ଡ ବେଭର୍ଲି ଡି’ଏଜେଲୋଙ୍କର ଯାଆଁଳା ସନ୍ତାନ ଏଣ୍ଟୋନ୍ ଏବଂ ଅଲିଭିଆଙ୍କ ପିତା ମଧ୍ୟ ଅଟନ୍ତି । ଯାହାଙ୍କୁ ସେ 1997ରୁ 2003 ପର୍ଯ୍ୟନ୍ତ ଡେଟ୍ କରିଥିଲେ।
ଅଲ ପାସିନୋ ୱାର୍କପ୍ରଣ୍ଟ କଥା କହିବାକୁ ଗଲେ, ସେ ଅନେକ ଆଇକନିକ୍ ଚଳଚ୍ଚିତ୍ରରେ କାମ କରିଛନ୍ତି । କ୍ଲାସିକ୍ ଦ ଗଡ୍ ଫାଦର ଧାରାବାହିକରେ ଅଲ ପାସିନୋ 'ସ୍କାରଫେସ୍', 'ସେଣ୍ଟ ଅଫ ଏ ଉମେନ', 'ହିଟ୍', 'ସର୍ପିକୋ', 'ସି ଅଫ୍ ଲଭ୍', 'ଦ ଡେଭିଲ୍ସ ଆଡଭୋକେଟ', 'ଦ ଇନସାଇଡର୍'ରେ ଅଭିନୟ କରିଛନ୍ତି । ଜଷ୍ଟିସ୍ ଫର୍ ଅଲ୍',' କାର୍ଲିଟୋଜ ୱେ ','ଡୋନି ବ୍ରାସକୋ','ଅଶନ୍ସ ଥର୍ଟିନ 'ଏବଂ ଆହୁରି ଅନେକ ଆଇକନ୍ ଫିଲ୍ମରେ ନିଜ ଅଭିନୟର ଯାଦୁ ଦେଖାଇ ଦର୍ଶକଙ୍କ ମନ ଜିତିଛନ୍ତି ।
