ହାଇଦ୍ରାବାଦ: ଅକ୍ଷୟ କୁମାରଙ୍କ ଫିଲ୍ମ 'ରକ୍ଷା ବନ୍ଧନ'ର ଟ୍ରେଲର ମଙ୍ଗଳବାର ଦିନ ରିଲିଜ ହୋଇଛି । ଏହାପୂର୍ବରୁ ଅଭିନେତା ଫିଲ୍ମ ସହ ଜଡିତ ପୋଷ୍ଟର ସେୟାର କରି ଏ ବିଷୟରେ ସୂଚନା ଦେଇଥିଲେ । ନିକଟରେ ଅଭିନେତାଙ୍କ ଫିଲ୍ମ 'ସମ୍ରାଟ ପୃଥ୍ବୀରାଜ' ରିଲିଜ ହୋଇଥିଲା । ତେବେ ଏହି ଚଳଚ୍ଚିତ୍ର ଅକ୍ଷୟ କୁମାରଙ୍କ ଫ୍ଲପ୍ ତାଲିକାରେ ସ୍ଥାନ ପାଇଛି । ବର୍ତ୍ତମାନ ଅକ୍ଷୟ କୁମାର ତାଙ୍କର ଆଗାମୀ ଚଳଚ୍ଚିତ୍ର 'ରକ୍ଷା ବନ୍ଧନ' ଉପରେ ଭରସା ରଖିଛନ୍ତି, ଏହା ବକ୍ସ ଅଫିସରେ ଭଲ କଲେକ୍ସନ କରିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଆନନ୍ଦ ଏଲ ରାୟ।
- " class="align-text-top noRightClick twitterSection" data="
">
ନିକଟରେ ଫିଲ୍ମର ରିଲିଜ୍ ତାରିଖ ଘୋଷଣା କରାଯାଇଥିଲା । ଅମିର ଖାନଙ୍କ ଫିଲ୍ମ 'ଲାଲ ସିଂ ଚଢା' ସହିତ ଅକ୍ଷୟ କୁମାର ବକ୍ସ ଅଫିସରେ ଏହି ଚ୍ୟାଲେଞ୍ଜ ନେଇଛନ୍ତି । ଏହି ଦୁଇଟି ଚଳଚ୍ଚିତ୍ର ଗୋଟିଏ ଦିନରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ।
ଟ୍ରେଲରରେ କ’ଣ ଅଛି?
ଫିଲ୍ମର ଟ୍ରେଲର 3 ମିନିଟର ରହିଛି । ଏହି ଫିଲ୍ମରେ ଅକ୍ଷୟ କୁମାର ଜଣେ ବଡ ଭାଇ ଭୂମିକାରେ ନଜର ଆସିଛନ୍ତି । ଏହି ସମୟରେ ଫିଲ୍ମର ନୂଆ ପୋଷ୍ଟର ଅକ୍ଷୟ କୁମାର ସେୟାର କରିଥିଲେ, ଯେଉଁଥିରେ ସେ ତାଙ୍କ ଅନସ୍କ୍ରିନ ଭଉଣୀମାନଙ୍କ ସହ ନଜର ଆସିଥିଲେ । ଅକ୍ଷୟ କୁମାରଙ୍କ ଫିଲ୍ମ 'ରକ୍ଷା ବନ୍ଧନ' ଅଗଷ୍ଟ 11ରେ ରିଲିଜ ହେବାକୁ ଯାଉଛି । ଚଳଚ୍ଚିତ୍ର 'ରକ୍ଷା ବନ୍ଧନ'ର ନିର୍ଦ୍ଦେଶନା ଦେଇଛନ୍ତି ଆନନ୍ଦ ଏଲ ରାୟ। ଏହାପୂର୍ବରୁ ସେ ଅକ୍ଷୟ କୁମାରଙ୍କ ସହ 'ଅତରଙ୍ଗିରେ' କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
