ହାଇଦ୍ରାବାଦ: ଅକ୍ଷୟ କୁମାର ବେଙ୍ଗଲ ୱାରିୟର୍ସ ସହ ଭଲିବଲ ମ୍ୟାଚ୍ ଖେଳିଛନ୍ତି । ଯାହାର ଭିଡିଓ ସେ ଇନଷ୍ଟାଗ୍ରାମରେ ସେୟାର କରିଛନ୍ତି । ଏହି ମ୍ୟାଚରେ ତାଙ୍କ ସହ ବେଡେ ମିୟାଁ ଛୋଟେ ମିୟାଁ ସହ-ତାରକା ଟାଇଗର ଶ୍ରଫ ଏବଂ ଦିଶା ପାଟାନୀ ମଧ୍ୟ ଯୋଗ ଦେଇଛନ୍ତି । ତେବେ ଟାଇଗର-ଦିଶାଙ୍କ ବ୍ରେକଅପ ଖବର ମଧ୍ୟରେ ଉଭୟଙ୍କୁ ଏକାଠି ଦେଖିବାକୁ ମିଳିଛି। ଯାହାକୁ ନେଇ ଫ୍ୟାନ୍ସ କମେଣ୍ଟ ବର୍ଷା କରିଛନ୍ତି ।
ଇନଷ୍ଟାଗ୍ରାମରେ ଭିଡିଓ ସେୟାର କରି ଅକ୍ଷୟ କ୍ୟାପସନରେ ଲେଖିଛନ୍ତି ଯେ ପ୍ରୋ କବାଡି ଲିଗ୍ ଆରମ୍ଭର ଠିକ୍ ପୂର୍ବରୁ ବେଙ୍ଗଲ୍ ୱାରିୟର୍ସଙ୍କ ସହ ଭଲିବଲ୍ ଖେଳ ଖେଳିବାର ସୁଯୋଗ ପାଇଛି । ଆପଣମାନେ ବର୍ତ୍ତମାନ ପର୍ଯ୍ୟନ୍ତ ଲିଗରେ ଚମତ୍କାର ପ୍ରଦର୍ଶନ ଦେଖି ବେଶ ଖୁସି । ଏଥିସହ ସେ ଲେଖିଛନ୍ତି, ଯେତେବେଳେ ତାଙ୍କ ବଡେ ମିୟାଁ ଛୋଟ୍ ମିୟାଁ ସହ-ତାରକା ଟାଇଗର ଶ୍ରଫ୍ ଏବଂ ଅଭିନେତ୍ରୀ ଦିଶା ପାଟାନି ଏଥିରେ ଯୋଗଦେବାକୁ ନିଷ୍ପତ୍ତି ନେଲେ ସେତେବେଳେ ମ୍ୟାଚର ମଜା ଦ୍ୱିଗୁଣିତ ହୋଇଗଲା । ଅକ୍ଷୟ କୁମାରଙ୍କୁ ବ୍ଲୁ ଟି-ସାର୍ଟରେ ଧୂସର ଟ୍ରାକ ପ୍ୟାଣ୍ଟରେ ନଜର ଆସିଥିବା ବେଳେ ଟାଇଗର ଶ୍ରଫଙ୍କୁ ବ୍ଲାକ ଟ୍ରାକ ପ୍ୟାଣ୍ଟରେ ଦେଖିବାକୁ ମିଳିଛି । ସେହିପରି ଦିଶା ପାଟାନି ଗ୍ରୀନ ପ୍ୟାଣ୍ଟ ସହ ହ୍ବାଇଟ ଟି ସାର୍ଟରେ ନଜର ଆସିଥିଲେ । ଆପଣମାନେ ଅନୁମାନ କରନ୍ତୁ ଆମେ ଜିତିଲୁ ନା ନାହିଁ ?
ଏହି ମ୍ୟାଚ ମୁମ୍ବାଇର ଜୁହୁ ସ୍ଥିତ ଅକ୍ଷୟଙ୍କ ବାସଭବନରେ ହୋଇଥିଲା । ଏକ ମିନିଟର ଭିଡିଓରେ ବେଙ୍ଗାଲୁରୁ ୱାରିୟର୍ସ ଟିମ୍ ସହ ତିନି କଳାକାରଙ୍କୁ ଖେଳୁଥିବା ଦେଖିବାକୁ ମିଳିଛି । ତେବେ ଟାଇଗର-ଦିଶାଙ୍କ ବ୍ରେକଅପ ଖବର ମଧ୍ୟରେ ଉଭୟଙ୍କୁ ଏକାଠି ଦେଖି ଫ୍ୟାନ୍ସ କମେଣ୍ଟ ବର୍ଷା କରିଛନ୍ତି । ଜଣେ ୟୁଜର ଲେଖିଛନ୍ତି, ଲାଗୁଛି, ଅକ୍ଷୟ ସାର୍ ଟାଇଗର-ଦିଶାଙ୍କ ପ୍ୟାଚଅପ୍ କରିକି ହିଁ ରହିବେ । ଆଉ ଜଣେ କହିଛନ୍ତି ଟାଇଗର ଦିଶା ପୁଣି ଏକାଠି ହେଲେ କି ? ଅନ୍ୟ ଜଣେ ଲେଖିଛନ୍ତି, ଆମକୁ ଜଣା ଥିଲା ଟାଇଗର ଦିଶାଙ୍କ ପ୍ୟାଚଅପ୍ ଅକ୍ଷୟ ହିଁ କରିବେ ।
ଏହା ମଧ୍ୟ ପଢନ୍ତୁ: ଟାଇଗର-ଦିଶାଙ୍କ ସମ୍ପର୍କରେ ଫାଟ, ୬ ବର୍ଷ ଡେଟ୍ ପରେ ହେଲେ ଅଲଗା !
ୱାର୍କଫ୍ରଣ୍ଟ୍ ବିଷୟରେ କହିବାକୁ ଗଲେ, ଅକ୍ଷୟଙ୍କୁ ଆଗାମୀ ଫିଲ୍ମ 'ଫୋର୍ସ', 'ସିଙ୍ଘମ ଏଗେନ', 'ୱେଲକମଟୁ ଦ ଜଙ୍ଗଲ', 'ବଡେ ମିୟାଁ ଛୋଟ୍ ମିୟାଁ' ଏବଂ 'ଶଙ୍କରା' ଭଳି ଅନେକ ଚଳଚ୍ଚିତ୍ର ରହିଛି । ଏହି ସମସ୍ତ ଫିଲ୍ମ ୨୦୨୪ରେ ରିଲିଜ ହେବା ନେଇ ସୂଚନା ମିଳିଛି । 'ସିଙ୍ଘମ ଏଗେନ' ଏବଂ 'ବଡେ ମିୟାଁ ଛୋଟ୍ ମିୟାଁ' ଫିଲ୍ମରେ ଟାଇଗର ଶ୍ରଫଙ୍କୁ ଦେଖିବାକୁ ମିଳିବ । ସେପଟେ ଦିଶାଙ୍କ କଥା କହିବାକୁ ଗଲେ, ଦିଶାଙ୍କୁ ସିଦ୍ଧାର୍ଥ ମଲହୋତ୍ରାଙ୍କ ସହ ଫିଲ୍ମ ଯୋଦ୍ଧା ଏବଂ ପ୍ରଭାସଙ୍କ ଫିଲ୍ମ 'କଲ୍କି 2898 AD'ରେ ଦେଖିବାକୁ ମିଳିବ ।
