ଅକ୍ଷୟ କୁମାରଙ୍କୁ ମିଳିଲା ଭାରତୀୟ ନାଗରିକତା, ପୋଷ୍ଟ ସେୟାର କରି ଜାହିର କଲେ ଖୁସି

ସ୍ୱାଧୀନତା ଦିବସରେ ବଲିଉଡ ଅଭିନେତା ଅକ୍ଷୟ କୁମାରଙ୍କୁ ଭାରତୀୟ ନାଗରିକତା ଦିଆଯାଇଛି। ଅଭିନେତା ତାଙ୍କ ଭାରତୀୟ ପାସପୋର୍ଟର ଫଟୋ ସୋସିଆଲ ମିଡିଆରେ ସେୟାର କରି ଏହି ଖୁସି ଖବର ସେୟାର କରିଛନ୍ତି। ଅଧିକ ପଢନ୍ତୁ...

ମୁମ୍ବାଇ: ସ୍ୱାଧୀନତା ଦିବସରେ ବଲିଉଡ ଖେଳାଳି ଅକ୍ଷୟ କୁମାରଙ୍କୁ ଭାରତୀୟ ନାଗରିକତା ମିଳିଛି। ଅଭିନେତା ତାଙ୍କ ଭାରତୀୟ ପାସପୋର୍ଟର ଫଟୋ ସୋସିଆଲ ମିଡିଆରେ ପ୍ରଶଂସକଙ୍କ ସହ ଏହି ଖୁସି ଖବର ସେୟାର କରିଛନ୍ତି। ପୂର୍ବରୁ କାନାଡୀୟ ନାଗରିକତା କହି ଅକ୍ଷୟ କୁମାର ଅନେକ ଥର ଟ୍ରୋଲର ଶିକାର ହୋଇଥିଲେ। ବର୍ତ୍ତମାନ ସେ ଭାରତୀୟ ନାଗରିକତ୍ୱ ପାଇଛନ୍ତି, ଯାହାର ପ୍ରମାଣ ସେ ସୋସିଆଲ ମିଡିଆରେ ଭାରତୀୟ ପାସପୋର୍ଟ ସହ ସେୟାର କରି ଏହି ଖୁସି ଖବର ଦେଇଛନ୍ତି।

• Dil aur citizenship, dono Hindustani.
  Happy Independence Day!
  Jai Hind! 🇮🇳 pic.twitter.com/DLH0DtbGxk

  — Akshay Kumar (@akshaykumar) August 15, 2023 " class="align-text-top noRightClick twitterSection" data="

  Dil aur citizenship, dono Hindustani.
  Happy Independence Day!
  Jai Hind! 🇮🇳 pic.twitter.com/DLH0DtbGxk

  — Akshay Kumar (@akshaykumar) August 15, 2023

  ">

  Dil aur citizenship, dono Hindustani.
  Happy Independence Day!
  Jai Hind! 🇮🇳 pic.twitter.com/DLH0DtbGxk

  — Akshay Kumar (@akshaykumar) August 15, 2023

ଅକ୍ଷୟ କୁମାର ନିଜ ଇନଷ୍ଟାଗ୍ରାମ ଏବଂ ଟ୍ୱିଟରରେ ରେ ଭାରତୀୟ ପାସପୋର୍ଟର ଫଟୋ ସେୟାର କରିଛନ୍ତି। ଏବଂ କ୍ୟାପସନରେ ଲେଖିଛନ୍ତି, 'ହାର୍ଟ ଏବଂ ନାଗରିକତା ଉଭୟ ହିନ୍ଦୁସ୍ତାନୀ। ସ୍ବାଧୀନତା ଦିବସର ଶୁଭେଚ୍ଛା। ଜୟ ହିନ୍ଦ ।' ଯାହା ପରେ ପ୍ରଶଂସକମାନେ ଏହାକୁ ଲାଇକ କରିବା ସହ ଅଭିନେତାଙ୍କୁ ଶୁଭେଚ୍ଛା ଜଣାଇଛନ୍ତି। ଜଣେ ପ୍ରଶଂସକ ଲେଖିଛନ୍ତି, 'ଅକ୍ଷୟ କୁମାରଙ୍କ ଟ୍ରୋଲରଙ୍କୁ ଉପଯୁକ୍ତ ଉତ୍ତର'। ଆଉ ଜଣେ ପ୍ରଶଂସକ ଲେଖିଛନ୍ତି, 'ଅଭିନନ୍ଦନ ଅକ୍ଷୟ ସାର୍, ଆପଣ ହିନ୍ଦୁସ୍ତାନର ହାର୍ଟରେ ଅଛନ୍ତି, ଏହି କାଗଜଟି କେବଳ ଏକ ଷ୍ଟାମ୍ପ, ଆପଣ ଜଣେ ଭାରତୀୟ, ଜୟ ହିନ୍ଦ'। ଅନ୍ୟ ଜଣେ ମଜାଳିଆ ଢଙ୍ଗରେ ଲେଖିଛନ୍ତି, 'ଅକ୍ଷୟ କୁମାର ବି ଆଜି ଆଜାଦ ହୋଇଗଲେ ।'

ସୂଚନା ଥାଉ କି, ଏକ ସମୟରେ ଅକ୍ଷୟଙ୍କ ବ୍ୟାକ୍ ଟୁ ବ୍ୟାକ୍ ଫିଲ୍ମଗୁଡିକ ଫ୍ଲପ୍ ହେଉଥିଲା। ସେତେବେଳେ ସେ ଜଣେ ବନ୍ଧୁଙ୍କ ପରାମର୍ଶରେ କାନାଡାର ନାଗରିକତ୍ୱ ନେଇଥିଲେ। ଏଥି ସହିତ, 2019 ରେ ସେ ଭାରତୀୟ ନାଗରିକତ୍ୱ ପାଇଁ ଆବେଦନ କରିଥିଲେ। ଏହା ପରେ କାନାଡା ନାଗରିକତାକୁ ନେଇ ସେ ବିଭିନ୍ନ ସମୟରେ ଟ୍ରୋଲର ଶିକାର ହୋଇଥିଲେ। ଏବଂ ତା’ପରେ ସେ କହିଥିଲେ ଯେ ସେ କାନାଡାର ନାଗରିକତ୍ୱ ଛାଡିବା କଥା କହିଥିଲେ। ଏବଂ ସେ କହିଥିଲେ ଯେ, ଭାରତ ମୋ ପାଇଁ ସବୁକିଛି। ମୁଁ ଯାହା ମଧ୍ୟ ରୋଜଗାର କରିଛି, ଯାହା ମଧ୍ୟ ହୋଇଛି, ତାହା ସବୁ ଏଠାରେ ହିଁ ହୋଇଛି । ମୋତେ ତାକୁ ଫେରାଇବାର ମଧ୍ୟ ସୁଯୋଗ ମିଳିଥିବାରୁ ମୁଁ ସୌଭାଗ୍ୟଶାଳୀ ମନେ କରୁଛି । ହେଲେ କିନ୍ତୁ ମୋତେ ଖରାପ ଲାଗୁଛି ଯେ, ଲୋକେ ପୁରା କଥା ନଜାଣି କିଛି ମଧ୍ୟ କହିଦେଉଛନ୍ତି।

ଅକ୍ଷୟଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, 11 ଅଗଷ୍ଟରେ ମୁକ୍ତିଲାଭ କରିଥିବା 'OMG 2' ରେ ଅକ୍ଷୟ ନଜର ଆସିଛନ୍ତି। ଏହି ଫିଲ୍ମ ଭଲ ପ୍ରଦର୍ଶନ କରିବା ସହ 4 ଦିନ ମଧ୍ୟରେ 50 କୋଟିରୁ ଅଧିକ ଆୟ କରି ସଫଳତା ହାସଲ କରିଛି। ଜେଲର ଏବଂ ଗଦର2 ସହ କଡା ଟକ୍କର ସତ୍ତ୍ବେ ଫିଲ୍ମ ଦର୍ଶକଙ୍କ ମନ ଜିତିବାରେ ସଫଳ ହୋଇଛି। ଫିଲ୍ମ ଚତୁର୍ଥ ଦିନରେ 11.50 କୋଟି ଆୟ କରିବା ସହ ବର୍ତ୍ତମାନ ଏହାର ମୋଟ ବକ୍ସ ଅଫିସ୍ ସଂଗ୍ରହ 54.61 କୋଟି ଟଙ୍କା ହୋଇଛି। ତେବେ ଏହି ଫିଲ୍ମରେ ୟାମି ଗୌତମ ଏବଂ ପଙ୍କଜ ତ୍ରିପାଠୀ ଅକ୍ଷୟଙ୍କ ସହ ନଜର ଆସିଛନ୍ତି।