ହାଇଦ୍ରାବାଦ: ଅକ୍ଷୟ କୁମାର ଫ୍ୟାନ୍ସ ଆଉ ଏକ ଖୁସି ଖବର । ଖୁବଶୀଘ୍ର କମେଡି ରୋମାଣ୍ଟିକ ଡ୍ରାମା ଫିଲ୍ମ 'ହାଉସ୍ଫୁଲ୍ 5' ସହ ବଡ ପରଦାରେ ପୁଣି ଧମାକା କରିବାକୁ ଯାଉଛନ୍ତି ଖିଲାଡ଼ି । ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି 'ହାଉସ୍ଫୁଲ୍'ର 5ମ ଭାଗ ଆସୁଥିବା ନେଇ ଘୋଷଣା କରିବା ସହ ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ଫିଲ୍ମରେ 2024 ଦିୱାଲି ଅବସରରେ ରିଲିଜ୍ ହେବ ।
ଅକ୍ଷୟ କୁମାର ନିଜ ଇନ୍ଷ୍ଟାଗ୍ରାମରେ ପୋଷ୍ଟ ସେୟାର କରି 'ହାଉସ୍ଫୁଲ୍ 5' ଫିଲ୍ମ ବିଷୟରେ ସୂଚନା ଦେଇଛନ୍ତି । ପୋଷ୍ଟ ସେୟାର କରି କ୍ୟାପସନରେ ଲେଖିଛନ୍ତି, ପାଞ୍ଚଗୁଣା ମ୍ୟାଡନେସ୍ ପାଇଁ ପ୍ରସ୍ତୁତ ରୁହନ୍ତୁ, ସାଜିଦ ନାଦିଆଡୱାଲା ଏହି ଫିଲ୍ମକୁ ନିର୍ମାଣ କରୁଥିବା ବେଳେ ନିର୍ଦ୍ଦେଶକ ତରଣ ମନସୁଖାନୀ ନିର୍ଦ୍ଦେଶନା ଦେବେ । ଅକ୍ଷୟ କୁମାର ଫିଲ୍ମର ରିଲିଜ ତାରିଖ ମଧ୍ୟ ଘୋଷଣା କରିଛନ୍ତି । ଏହି ଫିଲ୍ମରେ 2024 ଦିୱାଲିରେ ସିଲଭର୍ ସ୍କ୍ରିନ୍ରେ ଧୁମ ମଚାଇବ ।
ସେପଟେ ଚଳିତ ବର୍ଷ ଅକ୍ଷୟଙ୍କ 'ଓ ମାଇ ଗଡ-2' ଏବଂ 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' 2ଟି ଫିଲ୍ମ ରିଲିଜ ହେବ । 'ଓ ମାଇ ଗଡ-2' 11 ଅଗଷ୍ଟରେ ରିଲିଜ ହେବାକୁ ଥିବା ବେଳେ 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ଅକ୍ଟୋବର 5ରେ ରିଲିଜ ହେବ । ଏହାରି ମଧ୍ଯରେ ବର୍ତ୍ତମାନ ପୁଣି ଅକ୍ଷୟ କୁମାରଙ୍କ ହାଉସଫୁଲ-5 ଘୋଷଣା ପ୍ରଶଂସକଙ୍କ ମଧ୍ୟରେ ଉତ୍କଣ୍ଠା ଭରି ଦେଇଛି ।
ଏହା ମଧ୍ୟ ପଢନ୍ତୁ: ମହାକାଲ ରୂପରେ ଅକ୍ଷୟ କୁମାର, 11 ଅଗଷ୍ଟ ରିଲିଜ ହେବ ଫିଲ୍ମ
ସୂଚନା ଥାଉ କି, ସାଜିଦ୍ ନାଦିଆୱାଲାଙ୍କ 'ହାଉସଫୁଲ୍ 5' ଘୋଷଣା ହୋଇଥିବା ବେଳେ ସେପଟେ ଗୁରୁବାର ଅର୍ଥାତ ଜୁନ 29ରେ ରିଲିଜ ହୋଇଛି 'ସତ୍ୟପ୍ରେମ କି କଥା'। ଯାହା ଦର୍ଶକଙ୍କୁ ବେଶ ପସନ୍ଦ ଆସୁଛି । ଏବଂ ସଫଳତାର ସହ ଭଲ କଲେକ୍ସନ ମଧ୍ୟ କରୁଛି ଫିଲ୍ମ । ସେପଟେ ତରୁଣ ପୂର୍ବରୁ ଡ୍ରାଇଭ୍, ଦୋସ୍ତାନା, କଭି ଅଲବିଦା ନା କେହନା ଏବଂ ମାଇ ନେମ ଇଜ ଖାନ ଭଳି ଚଳଚ୍ଚିତ୍ରରେ ସହକାରୀ ନିର୍ଦ୍ଦେଶକ ଭାବେ କାମ କରିଛନ୍ତି । ଯାହା ହିଟ୍ ସାବ୍ୟସ୍ତ ହୋଇଛି । ତେବେ ଉଭୟ ନିର୍ମାତାଙ୍କ ଦ୍ବାରା ପ୍ରସ୍ତୁତ ଏହି ଫିଲ୍ମ ନିଶ୍ଚୟ ଧମାକା କରିବ ବୋଲି ଆଶା କରାଯାଉଛି ।
ଫିଲ୍ମ କେବେ ରିଲିଜ ହେବ?
ଅକ୍ଷୟ କୁମାରଙ୍କ ଫିଲ୍ମ ହାଉସଫୁଲ୍-5 2024 ଦିପାବଳୀ ଅବସରରେ ରିଲିଜ କରିବ । ଏଥି ସହ ଦିପାବଳୀ 2024ରେ ଅକ୍ଷୟଙ୍କ ବ୍ୟତୀତ ସଲମାନ ଖାନଙ୍କ ଫିଲ୍ମ 'ପ୍ରେମ କି ଶାଦୀ', ଅଜୟ ଦେବଗନଙ୍କ 'ସିଂଘମ 3', 'ହେରା ଫେରି 3' ଏବଂ କାର୍ତ୍ତିକ ଆର୍ଯ୍ୟନଙ୍କ 'ଭୁଲ ଭୁଲେୟା 3' ରିଲିଜ ପାଇଁ ପ୍ରସ୍ତୁତ ହୋଇଛି । ତେବେ 2024 ଦିପାବଳୀରେ ବଲିଉଡ ବକ୍ସ ଅଫିସ ଏକ ବଡ଼ ଧମାକା ଦେଖିବାକୁ ଯାଉଛି ।
