ହାଇଦ୍ରାବାଦ: ବଲିଉଡର ପ୍ରସିଦ୍ଧ ଗାୟକ ଉଦିତ ନାରାୟଣଙ୍କ ପୁଅ ଗାୟକ ଆଦିତ୍ୟ ନାରାୟଣ ଚଳିତ ବର୍ଷ ପ୍ରଥମ ଥର ପାଇଁ ପିତା ହେବାର ସୌଭାଗ୍ୟ ପ୍ରାପ୍ତ କରିଛନ୍ତି। ଗତ ମାର୍ଚ୍ଚ 24 ତାରିଖରେ ଆଦିତ୍ୟଙ୍କ ପତ୍ନୀ ଶ୍ୱେତା ଅଗ୍ରୱାଲ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ। ଆଦିତ୍ୟ ନିଜେ ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କୁ ଏହି ଖୁସି ଖବର ଦେଇଥିଲେ। ସେବେଠାରୁ ଗାୟକଙ୍କ ପ୍ରଶଂସକମାନେ ତାଙ୍କ ଝିଅର ଝଲକକୁ ଅପେକ୍ଷା କରିଥିଲେ । ବର୍ତ୍ତମାନ ଆଦିତ୍ୟ ନାରାୟଣ ତିନିମାସ ପରେ ଝିଅର ଚେହେରା ସମସ୍ତଙ୍କ ସାମ୍ନାକୁ ଆଣିଛନ୍ତି ।
ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଆଦିତ୍ୟ ନାରାୟଣ ତାଙ୍କ ଝିଅର ଚେହେରାକୁ ପ୍ରଶଂସକଙ୍କୁ ଦେଖାଇଛନ୍ତି। ଝିଅର ଏକ ସୁନ୍ଦର ଫଟୋ ସେୟାର କରିଛନ୍ତି, ଯେଉଁଥିରେ ତାଙ୍କ ଝିଅ ଏକ ଛୋଟ ଟୋକେଇରେ ଶୋଇଥିବାର ନଜର ଆସିଛନ୍ତି । ଏହି ସୁନ୍ଦର ଫଟୋକୁ ସେୟାର କରି ଆଦିତ୍ୟ ନାରାୟଣ ଲେଖିଛନ୍ତି, 'ତିନି ମାସର ଝିଅ, ଆମ ଆଞ୍ଜେଲ' । ଆଦିତ୍ୟ ନାରାୟଣଙ୍କ ଝିଅର ନାମ ଟିଭିଶା (Tvisha) । ଝିଅ ଦୁଇ ମାସର ହୋଇଥିବାବେଳେ ଏକ ଫଟୋ ସହିତ ଦମ୍ପତି ଏହି କଥାର ଖୁଲାସା କରିଥିଲେ ।
ଉଲ୍ଲେଖନୀୟ ଯେ, ଉଦିତ ନାରାୟଣ ଏବଂ ତାଙ୍କ ପତ୍ନୀ ସମୟ ସମୟରେ ପ୍ରଶଂସକମାନଙ୍କୁ ଗର୍ଭାବସ୍ଥାର ଫଟୋ ସେୟାର କରି ଅପଡେଟ୍ ଦେଉଥିଲେ । ଏହାପୂର୍ବରୁ ଆଦିତ୍ୟ କହିଥିଲେ, 'ଶ୍ୱେତା ଏବଂ ମୁଁ ଆମ ଜୀବନର ଏହି ନୂଆ ଆରମ୍ଭକୁ ଅପେକ୍ଷା କରିଛୁ, ଏହା ସମ୍ପୂର୍ଣ୍ଣ ଭିନ୍ନ ଅନୁଭବ, ମୁଁ ସବୁବେଳେ ପିଲାମାନଙ୍କୁ ବହୁତ ଭଲପାଏ ଏବଂ ମୁଁ ଦିନେ ପିତା ହେବାକୁ ଚାହୁଁଥିଲି। ବର୍ତ୍ତମାନ, ଶ୍ୱେତାଙ୍କୁ ଅଧିକ କାମ କରିବାକୁ ପଡିପାରେ, ଯେହେତୁ ମୁଁ ପିଲାଠୁ କିଛି କମ୍ ନୁହେଁ।
ବ୍ୟୁରୋ ରିପୋର୍ଟ, ଇଟିଭି ଭାରତ
