ଶିମଲା: ଫିଲ୍ମର ସୁଟିଂ ପାଇଁ ମାୟାନଗରୀର ତାରକାମାନେ ହିମାଚଳ ପ୍ରଦେଶ ଗସ୍ତରେ ଅଛନ୍ତି । ସପ୍ତାହେ ପୂର୍ବରୁ ଆଲିଆ ଭଟ୍ଟଙ୍କୁ ଜୀବନ ସାଥୀ କରିଥିବା ଅଭିନେତା ରଣବୀର କପୁର ଫିଲ୍ମର ସୁଟିଂ ପାଇଁ ଏବେ ମନାଲିରେ ପହଞ୍ଚିଛନ୍ତି । ସେ ସାଉଥ୍ ଅଭିନେତ୍ରୀ ରଶ୍ମିକା ମନ୍ଦନାଙ୍କ ସହ ଆନିମଲ ଚଳଚ୍ଚିତ୍ର କରୁଛନ୍ତି ।
ସପ୍ତାହେ ପାଇଁ ମନାଲି ଏବଂ ଲାହୋଲରେ ଏହି ଚଳଚ୍ଚିତ୍ରଟି ସୁଟିଂ ଚାଲିବ । ବରଫ ମଧ୍ୟରେ ଫିଲ୍ମର କିଛି ସିନ୍ ସୁଟିଂ କରାଯିବ । ଉଭୟ ଗୁରୁବାର ଦିନ ମନାଲିରେ ପହଞ୍ଚିଥିଲେ । ଉଭୟ ବଡାଗଢ ରିସୋର୍ଟ ଆଣ୍ଡ ସ୍ପାରେ ରହୁଛନ୍ତି । ହୋଟେଲରେ ପହଞ୍ଚିବା ପରେ ତାଙ୍କୁ କୁଲ୍ଲଭି ପରମ୍ପରା ଅନୁଯାୟୀ ହୋଟେଲ ସଞ୍ଚାଳକ ନକୁଲ ଖୁଲ୍ଲର ଏବଂ ତାଙ୍କ ପୁଅ ଗୁନାଲ ଖୁଲ୍ଲର ସ୍ୱାଗତ କରିଥିଲେ ।
ମନାଲିରେ ଚଳଚ୍ଚିତ୍ରର ସୁଟିଂ ପ୍ରକ୍ରିୟା ଆରମ୍ଭ ହୋଇଛି । ନିକଟରେ ଅର୍ଜୁନ କପୁର ଏବଂ ଭୂମି ପେଡନେକର ଫିଲ୍ମ ଦି ଲେଡି କିଲର ସୁଟିଂ ପାଇଁ ମନାଲିରେ ପହଞ୍ଚିଥିଲେ । ଏହି ଚଳଚ୍ଚିତ୍ରର ସୁଟିଂ ଲାହୋଲରେ ଚାଲିଛି । ଏଥି ସହିତ ବର୍ତ୍ତମାନ ରଣବୀର କପୁର ଏବଂ ରଶ୍ମିକା ମନ୍ଦନା ଆନିମଲ ଫିଲ୍ମର ସୁଟିଂ ପାଇଁ ମନାଲିରେ ଅଛନ୍ତି । ରଣବୀର କପୁର ଏବେ ହିଟ୍ ଫିଲ୍ମ 'ପୁଷ୍ପା'ରେ କାମ କରିଥିବା ଅଭିନେତ୍ରୀ ରଶ୍ମିକା ମନ୍ଦନାଙ୍କ ସହ ଫିଲ୍ମର ସୁଟିଂ କରିବେ । କବୀର ସିଂ ଫିଲ୍ମର ନିର୍ଦ୍ଦେଶକ ସନ୍ଦୀପ ରେଡ୍ଡୀ ବଙ୍ଗା ଏହି ଚଳଚ୍ଚିତ୍ରର ନିର୍ଦ୍ଦେଶକ ଅଟନ୍ତି । ଟି-ସିରିଜ୍ ପ୍ରଡକ୍ସନ୍ ହାଉସର ମହିପାଲ ଏକଜ୍ୟୁକିଟିଭ ପ୍ରଡ୍ୟୁସର ।
ବ୍ୟୁରୋ ରିପୋର୍ଟ, ଇଟିଭି ଭାରତ
