ହାଇଦ୍ରାବାଦ: ମିସ୍ ୱାର୍ଲ୍ଡ ମାନୁଷୀ ଚିଲରଙ୍କ ନୂଆ ଫିଲ୍ମ ଘୋଷଣା ହୋଇଛି । କିନ୍ତୁ ଏହା ବଲିଉଡ ନୁହେଁ ବରଂ ଏକ ଟଲିଉଡ ଫିଲ୍ମ । ବଲିଉଡ ଡେବ୍ୟୁ ଚଳଚ୍ଚିତ୍ର 'ସମ୍ରାଟ ପୃଥ୍ବୀରାଜ' ଫ୍ଲପ୍ ହେବା ପରେ ମାନୁଷୀ ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ପାଦ ଦେଇଛନ୍ତି । ମାନୁଷୀ ଦକ୍ଷିଣ ଅଭିନେତା ବରୁଣ ତେଜଙ୍କ ସହ ଟଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଆଜି(ଶୁକ୍ରବାର) ଫିଲ୍ମର ଟିଜର ରିଲିଜ ହୋଇଛି ।
- " class="align-text-top noRightClick twitterSection" data="
">
ପିଲ୍ମ ନିର୍ମାତା ସୋନି ପିକ୍ଚର୍ସ ଏହି ଫିଲ୍ମକୁ ନେଇ ଘୋଷଣା କରିବା ସହ ଏହାର ଟିଜର ରିଲିଜ କରିଛି । 2017ର ମିସ୍ ୱାର୍ଲ୍ଡ ମାନୁଷୀ ଚିଲର୍ ଅକ୍ଷୟ କୁମାରଙ୍କ ଅଭିନୀତ ଚଳଚ୍ଚିତ୍ର 'ସମ୍ରାଟ ପୃଥ୍ବୀରାଜ' ସହ ବଲିଉଡରେ ଡେବ୍ୟୁ କରିଥିଲେ । ଏହି ଫିଲ୍ମଟି ଏକ ସପ୍ତାହ ମଧ୍ୟରେ ବକ୍ସ ଅଫିସରେ ଆଉ ଚାଲିପାରିଲା ନାହିଁ । ଏଣୁ ଏବେ ମାନୁଷୀ ଟଲିଉଡ ଆଡକୁ ମୁହାଁଇଛନ୍ତି । ଆଜି ତାଙ୍କର ଟଲିଉଡ ଡେବ୍ୟୁ ଫିଲ୍ମର ଟିଜର ଆସିଛି ।
ଫିଲ୍ମ ନିର୍ମାତା ଦ୍ବାରା ରିଲିଜ୍ ହୋଇଥିବା ଟିଜରରେ ବରୁଣ ତେଜ୍ ଏବଂ ମାନୁଷୀ ଚିଲରଙ୍କ ଲୁକ୍ ଦେଖିବାକୁ ମିଳିଛି । ଏହି ଚଳଚ୍ଚିତ୍ରରେ ରାଡାର ଅଧିକାରୀଙ୍କ ଗୁରୁତ୍ବପୂର୍ଣ୍ଣ ଭୂମିକାରେ ମାନୁଷୀ ନଜର ଆସିବେ । ଏହି ଚଳଚ୍ଚିତ୍ର ହିନ୍ଦୀ ଏବଂ ତେଲୁଗୁ ଭାଷାରେ ରିଲିଜ କରିବ। ଏହି ଚଳଚ୍ଚିତ୍ରର ସୁଟିଂ ମାର୍ଚ୍ଚ 3 ଅର୍ଥାତ୍ ଆଜିଠାରୁ ଆରମ୍ଭ ହୋଇଛି । ବରୁଣ ତେଜ ଏବଂ ମାନୁଷୀଙ୍କୁ ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଦେଖିବାକୁ ମିଳିବ ।
ଫିଲ୍ମ ବିଷୟରେ କହିବାକୁ ଗଲେ, ଏହା ଏୟାରଫୋର୍ସ ଆକ୍ସନର ପ୍ରକୃତ ଘଟଣା ଉପରେ ଆଧାରିତ ଏକ ଫିଲ୍ମ। ଅତୀତରେ ଏହି ଚଳଚ୍ଚିତ୍ର ଘୋଷଣା କରାଯାଇଥିଲା। ଏହି ଚଳଚ୍ଚିତ୍ରରେ ଭାରତ ତେଜଙ୍କୁ ଭାରତୀୟ ବାୟୁସେନା ପାଇଲଟ ଭୂମିକାରେ ଦେଖିବାକୁ ମିଳିବ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଉଛନ୍ତି ଶକ୍ତି ପ୍ରତାପ ସିଂ। ଚଳଚ୍ଚିତ୍ରର ବର୍ତ୍ତମାନ ନାମ VT 13 ରଖାଯାଇଛି। ପରେ ଫିଲ୍ମର ଅନ୍ତିମ ଟାଇଟଲ୍ ପ୍ରକାଶ ପାଇବ। ତେବେ ଏହି ଫିଲ୍ମଟି ସୋନି ପିକ୍ଚର୍ସ ଇଣ୍ଟରନ୍ୟାସନାଲ ପ୍ରଡକ୍ସନ୍ ଏବଂ ରେଭେନ୍ସା ପିକ୍ଚର୍ସ ଦ୍ବାରା ପ୍ରସ୍ତୁତ ହେଉଛି। ଏଥିସହ ଫିଲ୍ମର କାହାଣୀ ଆମୀର ଖାନ ଏବଂ ସିଦ୍ଧାର୍ଥ ରାଜକୁମାର ଲେଖିଛନ୍ତି।
ମାନୁଷୀ ଚିଲରଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, ମାନୁଷୀ 2017 ମସିହାରେ ମିସ୍ ୱାର୍ଲ୍ଡ ଟାଇଟଲ୍ ଜିତିବା ପରେ ବଲିଉଡରେ ଡେବ୍ୟୁ କରିଥିଲେ । ଏହି ଚଳଚ୍ଚିତ୍ରଟି ବକ୍ସ ଅଫିସରେ ବିପର୍ଯ୍ୟୟ ହୋଇଥିଲା । ଏହାପରେ ମାନୁଷୀ କୌଣସି ଫିଲ୍ମରେ ଅଭିନୟ କରିନଥିଲେ । ତେବେ ଜନ୍ ଅବ୍ରହାମଙ୍କ ସହ ତାଙ୍କୁ ଫିଲ୍ମ 'ତେହେରାନ'ରେ ଦେଖିବାକୁ ମିଳିବ । ଏହା ବ୍ୟତୀତ ମାନୁଷୀ ହିନ୍ଦୀ ଚଳଚ୍ଚିତ୍ର `ଦି ଗ୍ରେଟ୍ ଇଣ୍ଡିଆନ୍ ଫ୍ୟାମିଲି'ର ସୁଟିଂ ଶେଷ କରିଛନ୍ତି । ଚଳିତ ବର୍ଷ ମାନୁଷୀଙ୍କ ଏହି ଦୁଇଟି ଚଳଚ୍ଚିତ୍ର ରିଲିଜ ହେବ । କିନ୍ତୁ ଏହାପୂର୍ବରୁ ଅଭିନେତ୍ରୀ ସାଉଥ ସିନେମାରେ ମଧ୍ୟ ପାଦ ଦେଇଛନ୍ତି ।
