ରାଉରକେଲା: ସୁନ୍ଦରଗଡର ଦୁଇଟି ବୁଥ୍ରେ ଆରମ୍ଭ ହୋଇଛି ସାନି ଭୋଟ ଗ୍ରହଣ । ସକାଳ 7ଟାରୁ ଦୁଇଟି ବୁଥ୍ରେ ଆରମ୍ଭ ହୋଇଛି ମତଦାନ । ସୁନ୍ଦରଗଡର ରଙ୍ଗାଢିପା ୟୁପି ସ୍କୁଲରେ 213 ନମ୍ବର ବୁଥ ଓ ବଣାଇର ଉପରପଡା କେନ୍ଦ୍ରିକେଲା ଉପ୍ରା ବିଦ୍ୟାଳୟର 129 ନମ୍ବର ବୁଥରେ ସାନି ଭୋଟ ଗ୍ରହଣ ହେଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ତେବେ 213 ନମ୍ବର ବୁଥରେ ସନ୍ଧ୍ୟା 6ଟା ଯାଏଁ ମତଦାନ ହେବାକୁ ଥିବାବେଳେ 129 ନମ୍ବର ବୁଥରେ ଅପରାହ୍ଣ 4ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯିବ ।
ସୂଚନା ଥାଉକି, ଦ୍ବିତୀୟ ପର୍ଯ୍ୟାୟ ନିର୍ବାଚନ ଅର୍ଥାତ ଏପ୍ରିଲ 18 ତାରିଖରେ ହୋଇଥିବା ମତଦାନ ସମୟରେ ଏହି ଦୁଇ ବୁଥରେ ଇଭିଏମରେ ତ୍ରୁଟି ଦେଖାଦେଇଥିବାରୁ ମତଦାନକୁ ସ୍ଥଗିତ ରଖାଯାଇଥିଲା ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
