କନ୍ଧମାଳ: ଆସନ୍ତା 6ରେ ଓଡିଶା ଆସିବେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଶନିବାର ଦିନ ଯୋଗୀ ଫୁଲବାଣୀ ନିର୍ବାଚନୀ ସଭାରେ ଯୋଗଦେବାର କାର୍ଯ୍ୟକ୍ରମ ରହିଛି । ଏହାସହ ସେ କନ୍ଧମାଳ ଜିଲ୍ଲାରେ ବିଜେପିର ଷ୍ଟାର ପ୍ରଚାରକ ସାଜିବେ ।
ସୂଚନା ଅନୁଯାୟୀ, ଶନିବାର ଦିନ 11ଟାରେ ଫୁଲବାଣୀ କରୋନେସନ ପଡିଆରେ ପହଞ୍ଚିବେ ଯୋଗୀ ଆଦିତ୍ୟନାଥ । ତେବେ କନ୍ଧମାଳ ଲୋକସଭା ନିର୍ବାଚନ ମଣ୍ଡଳୀର କନ୍ଧମାଳ, ବୌଦ୍ଧ, ନୟାଗଡ ଓ ଗଞ୍ଜାମ ପ୍ରଭୃତି ଚାରିଟି ଜିଲ୍ଲାର ସାତଟି ବିଧାନସଭା ଆସନର ପ୍ରାର୍ଥୀ ଓ ବିଜେପି କର୍ମକର୍ତ୍ତାମାନେ ଏହି ସଭାରେ ଯୋଗଦେବେ । ଏଥିସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏହି ନିର୍ବାଚନୀ ସଭାରେ ଯୋଗଦେବେ ।
ତେବେ ସୁରକ୍ଷା ବ୍ୟବସ୍ଥାରେ କୋଡିଏ ପ୍ଲାଟୁନ ଫୋର୍ସ ସହିତ ସ୍ବତନ୍ତ୍ର ସୁରକ୍ଷା ବାହିନୀ ନିୟୋଜିତ କରାଯାଇଛି । ତେବେ କନ୍ଧମାଳ ନକ୍ସଲ ପ୍ରବଣ ଜିଲ୍ଲା ହୋଇଥିବାରୁ ଏସଓଜି,ସିଆରପିଏଫ କୋବ୍ରା ବାହିନୀ ସହିତ ସ୍ବତନ୍ତ୍ର ବାହିନୀ ମଧ୍ୟ ଏହି ସୁରକ୍ଷା ବ୍ୟବସ୍ଥାରେ ନିୟୋଜିତ ହେବେ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
