ଭୁବନେଶ୍ବର: ରାଜ୍ୟରେ ଶେଷ ହୋଇଛି ଲୋକସଭା ସହ ବିଧାନସଭା ନିର୍ବାଚନ । ଆଜି ଅନ୍ତିମ ପର୍ଯ୍ୟାୟ ନିର୍ବାଚନ ଶେଷ ହେବା ପରେ ପୋଲିସ ମହାନିର୍ଦ୍ଦେଶକ ରାଜେନ୍ଦ୍ରପ୍ରସାଦ ଶର୍ମା ନିଜ ପ୍ରତିକ୍ରିୟା ରଖିଛନ୍ତି । ପୋଲିସ ଡିଜିପି କହିଛନ୍ତି ନିର୍ବାଚନ ପ୍ରାରମ୍ଭରୁ ଶେଷ ପର୍ଯ୍ୟନ୍ତ ରାଜ୍ୟରେ ଶାନ୍ତି ଶୃଙ୍ଖଳାର ସହ ନିର୍ବାଚନ ଶେଷ ହୋଇଛି ।
ସେଭଳି କିଛି ବଡଧରଣର ଅଘଟଣ ଘଟିନାହିଁ । ଯଦିଓ 2ଟି ହତ୍ୟାକାଣ୍ଡ ସହ ଛୋଟମୋଟ କିଛି ଅଘଟଣ ଘଟିଛି ମୋଟାମୋଟି ଭାବେ କିନ୍ତୁ ନିର୍ବାଚନ ସୁରୁଖୁରରେ ଶେଷ ହୋଇଥିବା ଡିଜିପି କହିଛନ୍ତି । ଏବଂ ନିର୍ବାଚନ ସମୟରେ ଯେଉଁ ହତ୍ୟାକାଣ୍ଡ ଘଟିଛି ସେହି ସବୁ ଘଟଣାର ପୋଲିସ ଠିକ୍ ଭାବେ ତଦନ୍ତ କରୁଥିବା କହିଛନ୍ତି ।
ସମସ୍ତ ଇଭିଏମ ଗୁଡିକୁ କଡା ସୁରକ୍ଷା ବଳୟରେ ରଖାଯାଇଛି ଓ ଭୋଟ ଗଣତି ପାଇଁ ସ୍ବତନ୍ତ୍ର ସୁରକ୍ଷା ବ୍ୟବସ୍ଥା କରାଯିବ ବୋଲି ପୋଲିସ ମହା ନିର୍ଦ୍ଦେଶକ କହିଛନ୍ତି ।
ଏହାସହ ସମସ୍ତ ପୋଲିସ ବାହିନୀ ଓ ରାଜ୍ୟର ଜନସାଧାରଣଙ୍କୁ ଧନ୍ୟବାଦ ଜଣାଇଛନ୍ତି ଡିଜିପି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
