ଭୁବନେଶ୍ବର: ଟିକେଟକୁ ନେଇ ରାଜ୍ୟ କଂଗ୍ରେସରେ ବଢୁଛି ଅଢୁଆ । ଟିକେଟ ବଣ୍ଟାରେ ଅସନ୍ତୋଷ ପ୍ରକାଶ କରି ଦଳ ଛାଡୁଛନ୍ତି ନେତା । ଗତକାଲି ନିମାପଡାରୁ ସତ୍ୟବ୍ରତ ପାତ୍ର ଓ ବଡଚଣାରୁ ସୀତାକାନ୍ତ ମହାପାତ୍ର ଟିକେଟ ଫେରାଇଥିଲେ । ଆଜି ସେହି ସ୍ଥାନରେ ନୂଆ ମୁହଁକୁ ଟିକେଟ ଦେଇଛି କଂଗ୍ରେସ ।
ଟିକେଟ ବିଳମ୍ବ ନେଇ ଦୁଇ ପ୍ରାର୍ଥୀ ଦଳ ଛାଡିଥିବା ବେଳେ ନିମାପଡାରୁ ଦିଲ୍ଲୀପ ନାୟକ ଓ ବଡଚଣାରୁ ଅଜୟ ସାମଲଙ୍କୁ ପ୍ରାର୍ଥୀ ଘୋଷଣା କରିଛି କଂଗ୍ରେସ । ସେପଟେ, ଧର୍ମଶାଳା ପାଇଁ ଟିକେଟ ଏବେ ଝୁଲନ୍ତା ଅବସ୍ଥାରେ ପଡିଛି । ତେବେ ଖୁବଶୀଘ୍ର ଏହାର ଘୋଷଣା ହେବା ନେଇ କହିଛନ୍ତି ନିରଞ୍ଜନ ପଟ୍ଟନାୟକ ।
ସ୍ମୃତିରଞ୍ଜନ ପାହୀଙ୍କୁ ଦଳ ଟିକେଟ ଦେଇଥିଲା କିନ୍ତୁ ପରବର୍ତ୍ତୀ ସମୟରେ ବଦଳାଇ କିଷାନ ପଣ୍ଡାଙ୍କୁ ଟିକେଟ ଦିଆଯିବା ନେଇ ଘୋଷଣା ହୋଇଥିବା ବେଳେ ଏଯାଏ ଚୂଡାନ୍ତ ହୋଇନାହିଁ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
