ପୁରୀ: ଏପ୍ରିଲ 9ରେ ପୁରୀ ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ । ନିଜ ଦଳର ନିର୍ବାଚନୀ ପ୍ରଚାର ପାଇଁ ମଙ୍ଗଳବାର ଅପରାହ୍ନରେ ସେ ପୁରୀରେ ପହଞ୍ଚିବେ । ଏହାପରେ ପ୍ରଥମେ ସେ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରି ପ୍ରଚାର ମଇଦାନକୁ ଓହ୍ଲାଇବେ ।
ମହାପ୍ରଭୁଙ୍କ ଦର୍ଶନ ପରେ ପୁରୀ ବଡଦାଣ୍ଡ ମରିଚିକୋଟ ଛକ ନିକଟରୁ ରୋଡ୍ଶୋ ଆରମ୍ଭ କରି ଗୁଣ୍ଡିଚା ମନ୍ଦିର ନିକଟର ପହଞ୍ଚି ସେଠାରେ ଆୟୋଜିତ ସାଧାରଣ ସଭାକୁ ସମ୍ୱୋଧିତ କରିବେ । ତେବେ ଅମିତ୍ ଶାହ ନିଜ ଦଳର ଲୋକସଭା ପାର୍ଥୀ ସମ୍ବିତ୍ ପାତ୍ରଙ୍କ ପାଇଁ ନିର୍ବାଚନୀ ପ୍ରଚାର କରିବେ ।
ଏହି ସଭାରେ ପୁରୀ ସଂସଦୀୟ କ୍ଷେତ୍ରର ସାଂସଦ ଏବଂ ବିଧାୟକ ପ୍ରାର୍ଥୀମାନେ ଉପସ୍ଥିତ ରହିବେ ବୋଲି ସୋମବାର ଏକ ସାମ୍ୱାଦିକ ସମ୍ମିଳନୀ ଜରିଆରେ ବିଜେପି ପକ୍ଷରୁ ସୁଚନା ଦିଆଯାଇଛି । ଏପଟେ ଭାରତବର୍ଷରେ ପୁରୀକୁ ସାଂସ୍କୃତିକ ରାଜଧାନୀ କରିବା ପାଇଁ ବିଜେପି ତାର ନିର୍ବାଚନୀ ଇସ୍ତାହାର ଜରିଆରେ ଲୋକଙ୍କୁ ପ୍ରତିଶ୍ରୁତି ଦେଇଥିବା ବେଳେ ଶାହଙ୍କ ପୁରୀ ଗସ୍ତ ବେଶ ଗୁରୁତ୍ୱ ବହନ କରୁଛି ବୋଲି ଦଳ କହିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
