ପାଟନା: ବିହାରରେ ମୁସଲିମ କାର୍ଡ ଖେଳିବା ମହଙ୍ଗା ପଡିଛି ପଞ୍ଜାବର ମନ୍ତ୍ରୀ ତଥା କଂଗ୍ରେସ ନେତା ନବଜୋତ ସିଂହଙ୍କୁ । ବିହାରର କଟିହାରରେ ଏକ ନିର୍ବାଚନ ସଭାରେ ମୁସଲିମ ସଂପ୍ରଦାୟକୁ ଏକଜୁଟ୍ ହେବାକୁ ଆହ୍ବାନ କରି ଫସିଛନ୍ତି ସିଦ୍ଧୁ । ତାଙ୍କ ନାମରେ ମାମଲା ରୁଜ୍ଜୁ ହୋଇଛି । ନିର୍ବାଚନ ଆଚରଣ ବିଧି ଉଲ୍ଲଂଘନ କରିବା ଅଭିଯୋଗରେ ଫ୍ଲାଇଂ ସ୍ବାର୍ଡର ଟିମ୍ ତାଙ୍କ ନାମରେ ବାରସୋଇ ଥାନାରେ ମାମଲା ରୁଜ୍ଜୁ କରିଛି ।
ଏନେଇ ଫ୍ଲାଇଂ ସ୍ବାର୍ଡର ଟିମ୍ର ଅଧିକାରୀ କହିଛନ୍ତି, ସିଦ୍ଧୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ନିର୍ବାଚନ ଆୟୋଗକୁ ରିପୋର୍ଟ ପଠାଇ ଦିଆଯାଇଛି । । ପ୍ରକାଶ ଯେ, ଗତ ମଙ୍ଗଳବାର ବିହାରର କଟିହାର ସଂସଦୀୟ କ୍ଷେତ୍ରରେ ସାଧାରଣ ସଭାକୁ ସମ୍ଭୋଧିତ କରିବା ଅବସରରେ, କହିଥିଲେ ଦେଶରେ ମୁସଲିମ ସଂପ୍ରଦାୟକୁ ଅଳ୍ପସଂଖ୍ୟକ କୁହାଯାଉଛି । ଯଦି ସମସ୍ତ ମୁସଲିମ ଏକତ୍ରିତ ହୋଇ ଭୋଟ୍ ଦେବେ ତେବେ ଆଶାୟୀ ପ୍ରାର୍ଥୀ ତାରିକ୍ ଅନବରଙ୍କ ବିଜୟ ସୁନିଶ୍ଚିତ । ସିଦ୍ଧୁଙ୍କ ଏହି ବୟାନରେ ଜାତୀୟ ରାଜନୀତିରେ ଝଡ ସୃଷ୍ଟି କରିଛି । ସେ ମୁସଲିମ କାର୍ଡ ଖେଳି ଥିବାରୁ ଚାରିଆଡୁ ତିବ୍ର ସମାଲୋଚନା କରାଯାଇଛି ।
ଅନ୍ୟପଟେ ବିଜେପି ପ୍ରଦେଶ ଉପାଧ୍ୟକ୍ଷ ଦେବେଶ କୁମାର ମଧ୍ୟ ସିଦ୍ଧୁଙ୍କ ଟିପ୍ପଣୀଙ୍କୁ ନେଇ କଡା ନିନ୍ଦା କରିଛନ୍ତି ।
