ସୋନପୁର: ବିରମହାରାଜପୁର ପୋଲିସ (Birmaharajpur police)କୁ ସଫଳତା । ଆନ୍ତଃ ଜିଲ୍ଲା ବାଇକ ଚୋରି ରାକେଟର ପର୍ଦ୍ଦାଫାସ କରିବା ସହ ୨ଜଣଙ୍କୁ ଗିରଫ କଲା ପୋଲିସ । ଏଥିସହ ବୀରମହାରାଜପୁର ପୋଲିସ ଦ୍ବାରା ମୋଟ ୧୨ ଗୋଟି ବାଇକ ଜବତ କରାଯାଇଛି । ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ଦୁଇ ଜଣ ନାବାଳକଙ୍କୁ ଅଟକ ରଖାଯାଇଥିବା ଥିବା ଜିଲ୍ଲା ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି ।
ମିଳିଥିବା ସୂଚନା ଅନୁଯାୟୀ, ଅଭିଯୁକ୍ତ ମାନେ ରାଜ୍ୟର ବିଭିନ୍ନ ସହରରୁ ବାଇକ ଚୋରି କରି ନମ୍ବର ପ୍ଲେଟ ବଦଳାଇ କମ ଦରରେ ବିକ୍ରି କରୁଥିଲେ । ତେବେ ଗତ ଫେବୃଆରୀ ମାସରେ ହିଙ୍ଗମା ଗାଁର ଉମେଶ ମାଝିଙ୍କ ଗାଡି ଚୋରି ହୋଇଥିଲା । ଏନେଇ ସେ ଥାନାରେ ଅଭିଯୋଗ କରିବା ପରେ ବୀରମହାରାଜପୁର ପୋଲିସ ତଦନ୍ତ ଆରମ୍ଭ କରିଥିଲା । ତେବେ ତଦନ୍ତର ୬ମାସ ପରେ ବାଇକ ଚୋରି ରାକେଟକୁ ରାକେଟକୁ ଧରିବାରେ ସଫଳ ହୋଇଛି ପୋଲିସ । ଗିରଫ ଅଭିଯୁକ୍ତମାନେ ବୌଦ୍ଧ ଜିଲ୍ଲାର ହୋଇଥିବା ପୋଲିସ ସୂଚନା ଦେଇଛି । ଦୁଇ ଜଣ ଅଭିଯୁକ୍ତକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବାବେଳେ ନାବାଳକ ଦ୍ବୟଙ୍କୁ ଅଟକ ରଖିଥିବା ଜଣାପଡିଛି । ଗଞ୍ଜେଇ କାରବାର କରୁଥିବା ବ୍ୟବସାୟୀ ମାନଙ୍କୁ ଏହି ସବୁ ଚୋରି ବାଇକ ବିକ୍ରି କରଥିାଯାଉଥିବା ପୋଲିସ ତଦନ୍ତରୁ ଜାଣିବାକୁ ପାଇଛି । ଏନେଇ ସାମ୍ବାଦିକ ସମ୍ମିଳନୀରେ ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ସବିଶେଷ ସୂଚନା ଦେଇଛନ୍ତି ।
ଏହା ମଧ୍ୟ ପଢନ୍ତୁ-ଗୋଷ୍ଠୀ ସଂଘର୍ଷରୁ ଗଡିଲା ମୁଣ୍ଡ, ରାଜଧାନୀରେ ବୀଭତ୍ସ ହତ୍ୟା
ଆରକ୍ଷୀ ଅଧିକ୍ଷକଙ୍କ ସୂଚନା ଅନୁଯାୟୀ, ''ଗତ ଫେବୃଆରୀ ମାସରେ ହିଙ୍ଗମା ଗାଁର ଉମେଶ ମାଝିଙ୍କ ଗାଡି ଚୋରି ହୋଇଥିବା ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ଏନେଇ ସନ୍ଦେହରେ ଜଣଙ୍କୁ ପଚରାଉଚୁରା କରିବା ପରେ ଏହି ରାକେଟ ପର୍ଦ୍ଦାଫାସ ହୋଇଛି, ଏଥିରେ ସର୍ବମୋଟ ୧୨ଟି ବାଇକ ଜବତ ହୋଇଛି, ୧୧ଟି ବାଇକ ଚିହ୍ନଟ କରାଯାଇଥିବା ବେଳେ ଗୋଟିଏ ଛତିଶଗଡର ହୋଇଥିବା ଜଣାପଡିଛି । ଏହି ରାକେଟରେ ସାମିଲ ଥିବା ଅଭିଯୁକ୍ତ ମାନେ ବିଭିନ୍ନ ଅଞ୍ଚଳରୁ ବାଇକ ଚୋରି ପରେ ଗଞ୍ଜେଇ ମାଫିଆ ମାନଙ୍କୁ ବିକ୍ରି କରୁଥିଲେ ''। ଗିରଫ ଦୁଇ ଅଭିଯୁକ୍ତ ହେଉଛନ୍ତି ଧରଣି ମନମୁଣ୍ଡାର ରାଜ ହଂସ ଓ ଅନ୍ୟ ଜଣେ କଣ୍ଟାମାଳରିଆର ଗୋପାଳ ମହାନନ୍ଦ । ଏହି ଘଟଣାରେ ଜଡିତ ଥିବା ଅନ୍ୟ କିଛି ଯୁବକଙ୍କୁ ମଧ୍ୟ ଚିହ୍ନଟ କରାଯାଇଛି, ଦରକାର ପଡିଲେ ସେମାନଙ୍କୁ ମଧ୍ୟ ପଚରାଉଚୁରା କରାଯିବ ବୋଲି କହିଛନ୍ତି ଆରକ୍ଷୀ ଅଧିକ୍ଷକ ଅମରେଶ ପଣ୍ଡା।
