ସମ୍ବଲପୁର: ଆଗକୁ ମ୍ୟାଟ୍ରିକ ପରୀକ୍ଷା, ପାଠ ପଢିବାକୁ ମାଆ କହିବାରୁ ଛାତ୍ରୀଙ୍କ ଆତ୍ମହତ୍ୟା। ଏମିତି ଏକ ଅଭାବନୀୟ ଘଟଣା ଘଟିଛି ଜିଲ୍ଲାର ଧନୁପାଲି ଥାନା ଅନ୍ତର୍ଗତ ଭବାନୀ ଫିଲ୍ଡ ଅଞ୍ଚଳରେ। ମୃତଛାତ୍ରୀ ଜଣକ ହେଲେ ଦୀପ୍ସା ପଟ୍ଟନାୟକ ।
ପଢିବାକୁ କହିବାରୁ ଛାତ୍ରୀଙ୍କ ଆତ୍ମହତ୍ୟା
ଆଗକୁ ମ୍ୟାଟ୍ରିକ ପରୀକ୍ଷା । ତେବେ ପରୀକ୍ଷା ନିକଟରେ ଥିଲେ ମଧ୍ୟ ଝିଅ ପଢୁନଥିବା ଜାଣି ମାଆ ଝିଅକୁ ପାଠ ପଢିବାକୁ ଆକଟ କହିଥିଲେ। ଏହାପରେ ଝିଅ ଅଚାନକ ବାଥ ରୁମକୁ ପଳାଇଥିଲେ। ସେ ଗାଧୋଇବାକୁ ଯାଇଥିବା ପରିବାର ଲୋକେ ଭାବିଥିଲେ।
ତେବେ ଦୀର୍ଘ ସମୟ ପର୍ଯ୍ୟନ୍ତ ସେ ଗାଧୁଆ ଘରୁ ନବାହାରିବାରୁ ଘର ଲୋକ ଗାଧୁଆ ଘରକୁ ଯାଇଥିଲେ। ଭିତରେ ଛାତ୍ରୀ ଜଣଙ୍କ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ ପରିବାର ଲୋକେ। ଘଟଣା ପରେ ଧନୁପାଲି ପୋଲିସ ସୂଚନା ପାଇ ମୃତଦେହକୁ ଉଦ୍ଧାର କରି ବୁର୍ଲାକୁ ବ୍ୟବଚ୍ଛେଦ ପାଇଁ ପଠାଇଛି।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
