ସମ୍ବଲପୁର: ଖୋଲିଲା ହୀରାକୁଦ ଜଳଭଣ୍ଡାରର ୬ ସ୍ଲୁଇସ ଗେଟ୍ । ଦୀର୍ଘଦିନ ହେବ ହୀରାକୁଦ ଡ୍ୟାମର ସମସ୍ତ ଗେଟ ବନ୍ଦଥିବାବେଳେ ଆଜି (ମଙ୍ଗଳବାର) ଖୋଲିଛି ହୀରାକୁଦ ଡ୍ୟାମର ସ୍ଲୁଇସ ଗେଟ । ସନ୍ଧ୍ୟା 5ଟାରୁ 2ଟି ଗେଟ ଖୋଲିଥିବାବେଳେ ଆଗକୁ ପର୍ଯ୍ୟାୟ କ୍ରମରେ ମୋଟ ୪ଟି ଗେଟ ଖୋଲାଯାଇଛି ବୋଲି ହୀରାକୁଦ ଡ୍ୟାମ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ଖୋଲିଲା ହୀରାକୁଦ ଡ୍ୟାମ୍ର ସ୍ଲୁଇସ ଗେଟ୍, ୨ଟି ଗେଟ୍ ଦେଇ ଚାଲିଛି ଜଳ ନିଷ୍କାସନ
ଏଥିପାଇଁ ଅପରାହ୍ନ 3ଟାରୁ ଲଗାତାର ଭାବେ ସାଇରନ ବଜାଇଥିବାବେଳେ ହୀରାକୁଦ ଜଳଭଣ୍ଡାରର ତଳମୁଣ୍ଡରେ ନଦୀଗର୍ଭକୁ ନଯିବା ପାଇଁ ସତର୍କ ସୂଚନା ଜାରି କରାଯାଇଛି । ତେବେ ହୀରାକୁଦ ଜଳଭଣ୍ଡାରର ସର୍ବୋଚ୍ଚ ଜଳ ଧାରଣ କ୍ଷମତା 630ଫୁଟ ହୋଇଥିବାବେଳେ ବର୍ତ୍ତମାନ ଜଳଭଣ୍ଡାରର ଜଳସ୍ତର 626.54 ଫୁଟ ରହିଛି ।
ଆଉ ଏହି ସମୟ ମଧ୍ୟରେ ଜଳଭଣ୍ଡାରକୁ ଉପର ମୁଣ୍ଡରୁ ସେକେଣ୍ଡ ପ୍ରତି 1,94,070 କ୍ୟୁସେକ ଜଳ ପ୍ରବେଶ କରୁଥିବାବେଳେ 2୧ଟି ଗେଟ ଯୋଗେ ଜଳ ନିଷ୍କାସନ ହେଉଥିବା ନେଇ ସୂଚନା ମିଳିଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
