ସମ୍ବଲପୁର: ଡାକ୍ତର ସ୍ବାଇଙ୍କ କୌଣସି ଭୁଲ ନାହିଁ । ରୋଗୀର ଜୀବନ ବଞ୍ଚାଇବାକୁ ସେ ଯାହା କରିଛନ୍ତି ତାହା ପ୍ରଶଂସନୀୟ । ଅନେକ ସମୟରେ ସମାଜରେ ଗୋଟିଏ ଏଚଆଇଭି ରୋଗୀ ପାତର ଅନ୍ତରର ଶିକାର ହୋଇଥାଏ । ଏହିସମୟରେ ଡାକ୍ତର ସ୍ବାଇଁ ନିଜ ଜୀବନକୁ ବିପଦରେ ପକାଇ ଅସ୍ତ୍ରୋପଚାର କରିଥିଲେ । ତେଣୁ ଏହି ଘଟଣାରେ ତାଙ୍କୁ ଓଲଟା ଫସାଇ ତାଙ୍କ ବିରୋଧରେ ତଦନ୍ତ ହେଉଛି ।
ଗତକିଛି ଦିନ ତଳେ ସମ୍ବଲପୁର ବୁର୍ଲା ମେଡିକାଲରେ ଜଣେ ଏଚଆଇଭି ଅକ୍ରାନ୍ତଙ୍କ ଅସ୍ତ୍ରୋପଚାର କରିଥିବା ଡ଼ାକ୍ତରଙ୍କ ବିରୋଧରେ ଯେଉଁ ପ୍ରଚାର ହେଉଥିଲା ବର୍ତ୍ତମାନ ଉକ୍ତ ଡ଼ାକ୍ତରଙ୍କ ସମର୍ଥନରେ ବାହାରି ଉପରୋକ୍ତ ମନ୍ତବ୍ୟ ଦେଇଛନ୍ତି ଏଡସ ରୋଗୀ ।
ଏପଟେ ଶନିବାର ହୀରାକୁଦର 'ସମ୍ବଲପୁର ନେଟୱର୍କ ପୋଜିଟିଵ ପିପୁଲ' ସଂସ୍ଥାର ନେତୃତ୍ବରେ ଏଡସ ରୋଗୀଙ୍କ ଏକ ଦଳ ଡାକ୍ତର ପ୍ରଶାନ୍ତ ସ୍ବାଇଁଙ୍କ ସମର୍ଥନରେ ବାହାରି ଜିଲ୍ଲାପାଳଙ୍କୁ ଭେଟିଛନ୍ତି।
ବିଭିନ୍ନ ସମୟରେ ବୁର୍ଲା ମେଡିକାଲରେ ଏଡସ ରୋଗୀଙ୍କୁ ଚିକିତ୍ସା ପାଇଁ ନିଆଗଲେ ଚିକତ୍ସାରେ ଅବହେଳା କରାଯାଏ ଓ ମେଡିକାଲ ଅଧିକ୍ଷକଙ୍କ ନିର୍ଦେଶ ଦେଲା ପରେ ବହୁ କଷ୍ଟରେ ଚିକିତ୍ସା କରାଯାଇଥାଏ ବୋଲି ଏହି ରୋଗୀମାନେ କହିଛନ୍ତି । ତେବେ ଏଭଳି ପରିସ୍ଥିତିରେ ଡାକ୍ତର ପ୍ରଶାନ୍ତ ସ୍ବାଇଁ ଏଚଆଇଭି ରୋଗୀଙ୍କ ଚିକତ୍ସା କରି କିଛି ଭୁଲକରି ନାହାନ୍ତି । କିନ୍ତୁ ତାଙ୍କୁ ଷଡଯନ୍ତ୍ର କରି ଫସାଇ ଦିଆଯାଇ ଓଲଟା ତାଙ୍କ ବିରୁଦ୍ଧରେ ତଦନ୍ତ କରାଯାଉଛି ବୋଲି ଅଭିଯୋଗ ହୋଇଛି ।
ଏହାସହ ଏହି ଘଟଣାର ତଦନ୍ତ ରୋକାଯାଉ ବୋଲି ଶୁକ୍ରବାର ଏହି ଏଚଆଇଭି ଅକ୍ରାନ୍ତ ମାନେ ସମ୍ବଲପୁର ଜିଲ୍ଲାପାଳଙ୍କୁ ଏକ ଦାବି ପତ୍ର ଦେଇଛନ୍ତି ।ଏନେଇ ସମ୍ବଲପୁର ଜିଲ୍ଲାପାଳ ଶୁଭମ ସକସେନା କୌଣସି ପ୍ରକାରରେ ତାଙ୍କୁ ସହାୟତା କରାଯିବ ବୋଲି କହିଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
