ସମ୍ବଲପୁର: ରାଜ୍ୟରେ ବୃଦ୍ଧି ପାଉଛି ଓମିକ୍ରନ ଆକ୍ରାନ୍ତଙ୍କ ସଂଖ୍ୟା । ଗୋଟିଏ ପରେ ଗୋଟିଏ ଜିଲ୍ଲାରୁ ଚିହ୍ନଟ ହେଉଛନ୍ତି ଓମିକ୍ରନ ଆକ୍ରାନ୍ତ । ଏହାରି ମଧ୍ୟରେ ଗତକାଲି ସୁଦ୍ଧା ସମ୍ବଲପୁରରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୭ରେ ପହଞ୍ଚିଛି । ଏନେଇ ସ୍ବାସ୍ଥ୍ୟବିଭାଗ ତରଫରୁ ସୂଚନା ପ୍ରଦାନ କରାଯାଇଛି ।
ସମ୍ବଲପୁରରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୭କୁ ବୃଦ୍ଧି
ଚିହ୍ନଟ ମୋଟ ଆକ୍ରାନ୍ତଙ୍କ ମଧ୍ୟରୁ ଶାନ୍ତି ନଗରରୁ ୩ ଜଣ ସଂକ୍ରମିତ ଥିବା ବେଳେ ଗତକାଲି ଗୁଜୁରାଟୀ କଲୋନୀ ରୁ ୩ ଓ ବୁର୍ଲାରୁ ଜଣେ ସଂକ୍ରମିତ ଚିହ୍ନଟ ହୋଇଛନ୍ତି । ପ୍ରଥମେ ଶାନ୍ତିନଗରରୁ ଚିହ୍ନଟ ୩ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଗତକାଲି ଚିହ୍ନଟ ହୋଇଥିବା ୪ ସଂକ୍ରମିତଙ୍କ ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା ବେଳେ ସେମାନଙ୍କ ମଧ୍ୟରୁ ୩ଜଣ ଆଜି ସନ୍ଧ୍ୟା ସୁଦ୍ଧା ଡିସଚାର୍ଜ ହେବା ନେଇ ସୂଚନା ମିଳିଛି ।
ସମ୍ବଲପୁରରୁ ବାଦସାହା ଜୁସ୍ମନରଣା, ଇଟିଭି ଭାରତ
