ସମ୍ବଲପୁର: ସମ୍ବଲପୁରରେ ହେବ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଫ୍ୟାସନ ଟେକ୍ନୋଲୋଜି (NIFT) ର ଉପକେନ୍ଦ୍ର। ଏନେଇ ସୂଚନା ଦେଇଛନ୍ତି ସମ୍ବଲପୁର ଜିଲ୍ଲାପାଳ । ଏହାଦ୍ବାରା ସମ୍ବଲପୁରୀ ହସ୍ତତନ୍ତର ପ୍ରଚାର-ପ୍ରସାର ବଢିବା ସହ ସ୍ଥାନୀୟ ଛାତ୍ରଛାତ୍ରୀ ଫ୍ୟାସନ ଟେକ୍ନୋଲୋଜିରେ ନିଜର କ୍ୟାରିୟର ଗଢିପାରିବେ ।
ପ୍ରାରମ୍ଭିକ ପର୍ଯ୍ୟାୟରେ ଏହା ଧନକଉଡା ବ୍ଳକ ଅଫିସ ପାଖରେ ଥିବା ଏକ ସରକାରୀ କୋଠାରେ ଆରମ୍ଭ ହେବ ବୋଲି ଜଣାପଡିଛି। ଏଠାରେ ‘5ଟି’ ପାଠ୍ୟକ୍ରମ ପାଇଁ ପ୍ରସ୍ତାବ ଦିଆଯାଇଛି। ପ୍ରଥମେ 3 ମାସିଆ ଓ 6 ମାସିଆ କୋର୍ସ ଦିଆଯିବ। ଏହାପରେ ଏକ ବର୍ଷ ଓ 2 ବର୍ଷିଆ ସାର୍ଟିଫିକେଟ କୋର୍ସର ପାଠ୍ୟକ୍ରମ ଖୋଲିବ। ଏଠାରେ ସମ୍ବଲପୁରୀ ହସ୍ତତନ୍ତର ଡିଜାଇନିଂ, ଟେକ୍ସଟାଇଲ ଡିଜାଇନିଂ, ପ୍ରଡକ୍ସସନ ବ୍ରାଣ୍ଡିଙ୍ଗ, ଫେସନ କମ୍ୟୁନିକେସ ଓ ଫେସନ ମ୍ୟାନେଜମେଣ୍ଟ ଆଦି କୋର୍ସ ରହିବ ବୋଲି ସୂଚନା ମିଳିଛି।
ସେପଟେ ରାଜ୍ୟ ସରକାରଙ୍କ ଏହି ପଦକ୍ଷେପକୁ ଛାତ୍ରଛାତ୍ରୀ ସ୍ବାଗତ କରିଛନ୍ତି। ସେହିପରି ଏ କ୍ଷେତ୍ରରେ କାର୍ଯ୍ୟ କରୁଥିବା କିଛି ମହିଳା ବ୍ୟବସାୟୀ ମଧ୍ୟ ଏହାର ସ୍ବାଗତ କରିଛନ୍ତି।
ସମ୍ବଲପୁରରୁ ବାଦଶାହ ଯୁଶ୍ମନ ରଣା, ଇଟିଭି ଭାରତ
